ਮੁੰਬਈ(ਬਿਊਰੋ)- ਬਾਲੀਵੁੱਡ ਦੀ ਸਭ ਤੋਂ ਫਿੱਟ ਤੇ ਖੂਬਸੂਰਤ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਅਕਸਰ ਆਪਣੇ ਫੈਨਜ਼ ਅਤੇ ਫਿਟਨੈੱਸ ਨੂੰ ਲੈ ਕੇ ਸੁਰਖੀਆਂ ’ਚ ਰਹਿੰਦੀ ਹੈ ਪਰ ਇਸ ਵਾਰ ਉਨ੍ਹਾਂ ਦੇ ਚਰਚਾ ਦੀ ਵਜ੍ਹਾ ਕੋਈ ਹੋਰ ਹੀ ਹੈ। ਇਸ ਵਾਰ ਸ਼ਿਲਪਾ ਸ਼ੈੱਟੀ ਆਪਣੀ ਇਕ ਨਵੀਂ ਵੀਡੀਓ ਕਰਕੇ ਟਰੋਲ ਹੋ ਗਈ ਹੈ। ਦੱਸ ਦੇਈਏ ਕਿ ਸ਼ਿਲਪਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ । ਇਸ ਵੀਡੀਓ ‘ਚ ਸ਼ਿਲਪਾ ਪਲੇਟਾਂ ’ਤੇ ਡਾਂਸ ਕਰਦੀ ਹੋਈ ਨਜ਼ਰ ਆ ਰਹੀ ਹੈ । ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਸ਼ਿਲਪਾ ਨੇ ਕੈਪਸ਼ਨ ‘ਚ ਲਿਖਿਆ,‘‘ਧੋਣ ਤੋਂ ਬਚਾਉਣ ਲਈ ਪਲੇਟਾਂ ਤੋੜ੍ਹੀਆਂ, ਪਾਰਟੀ ‘ਚ ਖੂਬ ਮਜ਼ਾ ਕੀਤਾ,ਬਹੁਤ ਸਾਰਾ ਖਾਣਾ ਖਾਦਾ ਅਤੇ ਖੂਬ ਹੱਸੀ ਮਜ਼ਾਕ ਕੀਤਾ। ਇਸ ਪਰਫੈਕਟ ਨਾਇਟ ‘ਚ ਖੂਬ ਮਜ਼ਾ ਕੀਤਾ। ਪਲੇਟਾਂ ਨੂੰ ਚਕਨਾਚੂਰ ਕਰਦੇ ਹੋਏ ਨੈਗਾਟੀਵਿਟੀ ਨੂੰ ਦੂਰ ਕਰਨਾ ਇਕ ਗ੍ਰੇਟ concept ਹੈ।’’
ਇਸੀ ਦੇ ਚਲਦੇ ਸ਼ਿਲਪਾ ਨੂੰ ਟਰੋਲਰਜ਼ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ । ਟਰੋਲਰਜ਼ ਉਨ੍ਹਾਂ ਨੂੰ ਪਲੇਟਾਂ ਬਚਾਉਣ ਦੀ ਸਲਾਹ ਦੇ ਰਹੇ ਹਨ। ਇਕ ਟਰੋਲਰ ਨੇ ਲਿਖਿਆ : ਸਾਰੇ ਲੋਕ ਇਕ ਪਾਸੇ ਜਿਥੇ ਪਲੇਟਾਂ ਨੂੰ ਬਚਾ ਰਹੇ ਹਨ ,ਦੂਜੇ ਪਾਸੇ ਇਨ੍ਹਾਂ ਸਟਾਰਸ ਨੂੰ ਦੇਖੋ । ਇਸ ਦੇ ਨਾਲ ਹੀ ਦੂਜੇ ਟਰੋਲਰ ਨੇ ਲਿਖਿਆ – ਪੈਸਾ ਬਹੁਤ ਹੈ ਨਾ ਤੁਹਾਡੇ ਵਰਗੇ ਵਡੇ ਸਟਾਰਾਂ ਦੇ ਲਈ ਪਲੇਟਾਂ ਤੋੜ੍ਹਨਾ ਕੋਈ ਵੱਡੀ ਗੱਲ ਨਹੀਂ ਹੈ । ਇਸ ਦੇ ਨਾਲ ਹੀ ਤੀਜੇ ਟਰੋਲਰ ਨੇ ਲਿਖਿਆ : ਤੁਹਾਨੂੰ ਲੋਕਾਂ ਨੂੰ ਅੰਦਾਜ਼ਾ ਨਹੀਂ ਹੈ ਕਿ ਤੁਸੀਂ ਕਿੰਨਾ ਨੁਕਸਾਨ ਕਰ ਰਹੇ ਹੋ , ਕੁਝ ਚੰਗਾ ਕਰੋ। ਪਾਰਟੀ ’ਚ ਇਹ ਸਭ ਬਹੁਤ ਚੀਪ ਲੱਗਦਾ ਹੈ।
ਦੱਸ ਦੇਈਏ ਕਿ ਸ਼ਿਲਪਾ ਸ਼ੈੱਟੀ ਦਾ ਇਹ ਵੀਡੀਓ ਦੁਬਈ ਦੇ ਇਕ ਰੈਸਟੋਰੈਂਟ ਦਾ ਹੈ। ਇੱਥੇ ਗ੍ਰੀਕ ਸਭਿਅਤਾ ਅਨੁਸਾਰ ਪਲੇਟਾਂ ਤੋੜ੍ਹਕੇ ਉਨ੍ਹਾਂ ’ਤੇ ਡਾਂਸ ਕੀਤਾ ਜਾਂਦਾ ਹੈ। ਇਸ ਪਾਰਟੀ ’ਚ ਸ਼ਿਲਪਾ ਨਾਲ ਉਨ੍ਹਾਂ ਦੇ ਪਤੀ ਰਾਜ ਕੁੰਦਰਾ ਵੀ ਸ਼ਾਮਿਲ ਸਨ।