ਮੁੰਬਈ— ਪੰਜਾਬੀ ਸਿਨੇਮਾ ਲਈ ਇਕ ਵੱਡੀ ਖਬਰ ਹੈ ਕਿ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਸ਼ਿਲਪਾ ਸ਼ੈਟੀ ਕੁੰਦਰਾ ਫਮਜਾਬੀ ਇੰਡਸਟਰੀ ਵੱਲ ਝੁੱਕ ਰਹੀ ਹੈ। ਸ਼ਿਲਪਾ ਸ਼ੈਟੀ ਕੁੰਦਰਾ ਅਤੇ ਉਨ੍ਹਾਂ ਦੇ ਪਤੀ ਰਾਜ ਕੁੰਦਰਾ ਪ੍ਰੋਡਿਊਸਰ ਦੇ ਤੌਰ ਤੇ ਪੰਜਾਬੀ ਸਿਨੇਮਾਂ 'ਚ ਆਪਣੀ ਸ਼ੁਰੂਆਤ ਕਰ ਰਹੇ ਹਨ।
ਪੰਜਾਬੀ ਸਿਨੇਮਾ ਦੀ ਇਹ ਤਰੱਕੀ ਹੀ ਹੈ ਕਿ ਬਾਲੀਵੁੱਡ ਦੇ ਨਾਮੀ ਚਿਹਰੇ ਹੁਣ ਪੰਜਾਬੀ ਇੰਡਸਟਰੀ ਵੱਲ ਮੁੜ ਰਹੇ ਹਨ। ਹਾਲ ਹੀ 'ਚ ਪ੍ਰਿਯੰਕਾ ਚੋਪੜਾ ਨੇ ਆਪਣੇ ਪ੍ਰੋਡਕਸ਼ਨ ਹਾਊਸ ਪਰਪਲ ਪੈਬਲ ਪਿਕਚਰਸ ਤੋਂ ਪੰਜਾਬੀ ਫਿਲਮ 'ਸਰਵਣ' ਰਿਲੀਜ਼ ਕੀਤੀ ਸੀ, ਜਿਸ 'ਚ ਅਮਰਿੰਦਰ ਗਿੱਲ, ਰਣਜੀਤ ਬਾਵਾ ਅਤੇ ਸਿਮੀ ਚਾਹਲ ਮੁੱਖ ਕਿਰਦਾਰ 'ਚ ਸਨ। ਇਸ ਤੋਂ ਇਲਾਵਾ ਮਹੇਸ਼ ਭੱਟ ਨੇ ਵੀ ਪਾਲੀਵੁੱਡ 'ਚ ਐਂਟਰੀ ਕੀਤੀ ਤੇ ਕਰਤਾਰ ਚੀਮਾ ਅਤੇ ਜਸ਼ਨ ਸਿੰਘ ਨੂੰ ਲੈ ਕੇ ਫਿਲਮ 'ਦੁਸ਼ਮਣ' ਬਣਾਈ ਜੋ ਕਿ ਸ਼ਗੁਫਤਾ ਰਫੀਕ ਦੀ ਡਾਇਰੈਕਟ ਕੀਤੀ ਹੋਈ ਹੈ।
ਸ਼ਿਲਪਾ ਸ਼ੈਟੀ ਕੁੰਦਰਾ ਅਤੇ ਰਾਜ ਕੁੰਦਰਾ ਸਮਾਜਿਕ ਅਤੇ ਪਰਿਵਾਰਿਕ ਮੁੱਦਿਆ ਤੇ ਫਿਲਮ ਬਣਾਉਣਾ ਚਾਹੁੰਦੇ ਹਨ। ਖੁਦ ਵੀ ਜ਼ਿਆਦਾ ਪਰਿਵਾਰਿਕ ਹੋਣ ਕਾਰਨ ਸ਼ਿਲਪਾ ਸ਼ੈਟੀ ਕੁੰਦਰਾ ਫਿਲਮਾਂ ਦਾ ਮੁੱਦਾ ਪਰਿਵਾਰਿਕ ਰੱਖਣਾ ਚਾਹੁੰਦੀ ਹੈ।
ਸ਼ਿਲਪਾ ਸ਼ੈਟੀ ਕੁੰਦਰਾ ਨੇ ਦੱਸਿਆ ਕਿ ਫਿਲਮ ਦੇ ਨਾਲ ਜੁੜੇ ਸਾਰੇ ਵੇਰਵੇ 21 ਜੁਲਾਈ ਨੂੰ ਪੇਸ਼ ਕੀਤੇ ਜਾਣਗੇ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਪਰਿਵਾਰਿਕ ਮੁੱਦਿਆ 'ਤੇ ਗੱਲ ਕਰਨ ਵਾਲੀ ਸ਼ਿਲਪਾ ਸ਼ੈਟੀ ਦੀਆਂ ਫਿਲਮਾਂ ਕਿਸ ਤਰ੍ਹਾਂ ਦੀਆਂ ਕਾਰਗਰ ਸਿੱਧ ਹੋਣਗੀਆ ਅਤੇ ਉਹ ਆਪਣੀਆਂ ਫਿਲਮਾਂ ਲਈ ਕਿਹੜੇ-ਕਿਹੜੇ ਪੰਜਾਬੀ ਚਿਹਰੇ ਚੁਣੇਗੀ।