ਮੁੰਬਈ(ਬਿਊਰੋ)— ਜਿਨ੍ਹਾਂ ਲੋਕਾਂ ਨੂੰ ਸ਼ਿਲਪਾ ਅਤੇ ਸਲਮਾਨ ਖਾਨ ਦੀ ਜੋੜੀ ਪਸੰਦ ਸੀ, ਉਨ੍ਹਾਂ ਲਈ ਖੁਸ਼ਖਬਰੀ ਹੈ। 'ਬਿੱਗ ਬੌਸ' 'ਚ ਇਕ ਵਾਰ ਫਿਰ ਲੋਕਾਂ ਨੂੰ ਇਹ ਜੋੜੀ ਨਜ਼ਰ ਆਉਣ ਵਾਲੀ ਹੈ। ਨਵੇਂ ਸੀਜ਼ਨ 'ਚ ਪਿਛਲੇ ਸੀਜ਼ਨ ਦੀ ਵਿਨਰ ਸ਼ਿਲਪਾ ਸ਼ਿੰਦੇ ਵੀ ਨਜ਼ਰ ਆਏਗੀ। ਸ਼ਿਲਪਾ ਪਿਛਲੇ ਸੀਜ਼ਨ ਦੀ ਸਲਮਾਨ ਦੀ ਸ਼ੁਰੂ ਤੋਂ ਆਖਿਰ ਤਕ ਫੇਵਰੇਟ ਰਹੀ ਹੈ।
ਇਸ ਕਾਰਨ ਸ਼ੋਅ ਮੇਕਰਸ ਨੇ ਸ਼ਿਲਪਾ ਨੂੰ ਇਕ ਵਾਰ ਸ਼ੋਅ ਦਾ ਹਿੱਸਾ ਬਣਾਉਣ ਦਾ ਫੈਸਲਾ ਲਿਆ ਹੈ ਪਰ ਸ਼ਿਲਪਾ ਘਰ ਦੇ ਅੰਦਰ ਨਹੀਂ, ਸਗੋਂ ਸਲਮਾਨ ਦੇ ਨਾਲ ਸਟੇਜ 'ਤੇ ਨਜ਼ਰ ਆਵੇਗੀ। ਹੋ ਸਕਦਾ ਹੈ ਕਿ ਸਲਮਾਨ ਦੇ ਨਾਲ ਪਹਿਲੇ ਐਪੀਸੋਡ ਨੂੰ ਹੀ ਸ਼ਿਲਪਾ-ਸਲਮਾਨ ਦੇ ਨਾਲ ਹੋਸਟ ਕਰਦੀ ਨਜ਼ਰ ਆਵੇਗੀ।
ਦੱਸ ਦੇਈਏ ਕਿ ਸਲਮਾਨ ਦਾ ਸ਼ੋਅ 16 ਸਤੰਬਰ ਤੋਂ ਆਨ-ਏਅਰ ਹੋਏਗਾ। ਇਸ ਵਾਰ ਸ਼ੋਅ ਰਾਤ ਨੂੰ 9 ਵਜੇ ਟੈਲੀਕਾਸਟ ਕੀਤਾ ਜਾਵੇਗਾ। ਸ਼ੋਅ ਦੇ ਕੰਟੇਸਟੈਂਟਸ ਦੀ ਲਿਸਟ ਵੀ ਸਾਹਮਣੇ ਆ ਗਈ ਹੈ।
ਸ਼ੋਅ ਦੇ ਹੋਸਟ ਸਲਮਾਨ ਖਾਨ ਨੇ ਵੀ ਆਪਣੀ ਫੀਸ 'ਚ ਵਾਧਾ ਕਰਦੇ ਹੋਏ ਇਸ ਸਾਲ 14 ਕਰੋੜ ਹਰ ਐਪੀਸੋਡ ਲੈਣ ਦਾ ਫੈਸਲਾ ਕੀਤਾ ਹੈ।
ਹਾਲ ਹੀ 'ਚ ਸ਼ੋਅ ਦਾ ਨਵਾਂ ਪ੍ਰੋਮੋ ਵੀ ਸਾਹਮਣੇ ਆ ਗਿਆ ਹੈ, ਜਿਸ 'ਚ ਸ਼ੋਅ ਦੀ ਆਨ-ਏਅਰ ਦੇ ਨਾਲ-ਨਾਲ ਇਸ ਦੇ ਟੈਲੀਕਾਸਟ ਟਾਈਮ ਦਾ ਵੀ ਐਲਾਨ ਕੀਤਾ ਗਿਆ ਹੈ।