ਮੁੰਬਈ (ਬਿਊਰੋ)- ਬਾਕਾਮਲ ਅਦਾਕਾਰੀ, ਲਾਜਵਾਬ ਡਾਇਲਾਗਸ ਡਿਲਵਰੀ ਤੇ ਇਕ ਵਧੀਆ ਮੁਕਾਮ ਹਾਸਲ ਕਰ ਚੁੱਕੇ ਹਨ ਸੋਨੀ ਦੇ ਚਰਚਿਤ ਸ਼ੋਅ CID ਦੇ ACP ਪ੍ਰਦੂਮਨ ਊਰਫ ਸ਼ਿਵਾਜੀ ਸਾਟਮ ਅੱਜ ਆਪਣਾ 69ਵਾਂ ਜਨਮਦਿਨ ਮਨਾ ਰਹੇ ਹਨ।ਉਨਾਂ੍ਹ ਨੇ ਕਈ ਟੀ.ਵੀ. ਸ਼ੋਅ, ਕਈ ਹਿੰਦੀ ਤੇ ਮਰਾਠੀ ਫਿਲਮਾਂ ਵਿਚ ਕੰਮ ਕੀਤਾ।
ਸ਼ਿਵਾਜੀ ਸਾਟਮ ਨੇ ਜਿੱਥੇ ਬਾਲੀਵੁੱਡ ਦੀਆਂ ਫਿਲਮਾਂ ਵਿਚ ਆਪਣਾ ਨਾਂ ਸਥਾਪਿਤ ਕੀਤਾ ਉੱਥੇ ਹੀ aਨ੍ਹਾਂ ਨੇ ਸੋਨੀ ਦੇ ਸ਼ੋਅ 'CID' ਰਾਹੀਂ ਵੀ ਕਾਫੀ ਪ੍ਰਸਿੱਧੀ ਹਾਸਲ ਕੀਤੀ।ਅੱਜ ਆਪਣੇ ਹਰੇਕ ਕਿਰਦਾਰ ਕਰਕੇ ਜਾਣੇ ਜਾਂਦੇ ਸ਼ਿਵਾਜੀ ਦਾ ਜਨਮਦਿਨ ਹੈ ਆਓ ਮਾਰਦੇ ਹਾਂ ਇਕ ਝਾਤ ਉਨ੍ਹਾਂ ਦੇ ਐਕਟਿੰਗ ਕਰੀਅਰ ਬਾਰੇ ।
ਸ਼ਿਵਾਜੀ ਸਾਟਮ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਸਾਲ 1980 ਵਿਚ ਹਿੰਦੀ ਸੀਰੀਅਲ 'ਰਿਸ਼ਤੇ-ਨਾਤੇ' ਤੋਂ ਕੀਤੀ ਸੀ ਇਸ ਸੀਰੀਅਲ ਤੋਂ ਬਾਅਦ ਉਨ੍ਹਾਂ ਨੇ ਬਾਲੀਵੁੱਡ ਦੀ ਫਿਲਮਾਂ ਵੱਲ ਰੁੱਖ ਕੀਤਾ ਤੇ ਭਾਰਤੀ ਸਿਨੇਮਾ ਦੀਆਂ ਕਈ ਹਿੱਟ ਫਿਲਮਾਂ 'ਗੁਲਾਮ-ਏ-ਮੁਸਤਫਾ', 'ਯੁੱਗ ਪੁਰਸ਼', 'ਚਾਈਨਾ ਗੇਟ', 'ਵਜੂਦ', 'ਹੂ ਤੂੰ ਤੂੰ', 'ਦਾਗ ਦਿ ਫਾਈਰ', 'ਸੁਰਯਵੰਸ਼ਮ', 'ਪੁਕਾਰ', 'ਬਾਗੀ', 'ਜਿਸ ਦੇਸ਼ ਮੈਂ ਗੰਗਾ ਰਹਿਤਾ ਹੈ', ਤੇ 'ਨਾਇਕ' ਸਮੇਤ ਕਈ ਹਿੰਦੀ ਤੇ ਮਰਾਠੀ ਫਿਲਮਾਂ ਵਿਚ ਦਮਦਾਰ ਅਦਾਕਾਰੀ ਕੀਤੀ ।
ਫਿਲਮਾਂ ਦੇ ਨਾਲ-ਨਾਲ ਸ਼ਿਵਾਜੀ ਨੇ ਸੋਨੀ ਚੈੱਨਲ ਦੇ ਸ਼ੋਅ 'CID' ਰਾਹੀਂ ਵੀ ਖੂਬ ਪ੍ਰਸਿੱਧੀ ਹਾਸਲ ਕੀਤੀ ਉਨ੍ਹਾਂ ਵੱਲੋਂ ਨਿਭਾਈਆ ACP ਪ੍ਰਦੂਮਨ ਦਾ ਕਿਰਦਾਰ ਕਾਫੀ ਹਿੱਟ ਹੋ ਗਿਆ ਇਸ ਸ਼ੋਅ ਜਿੱਥੇ ਉਨ੍ਹਾਂ ਦੀ ਪਛਾਣ ਗੂੜੀ ਕੀਤੀ ਉੱਥੇ ਹੀ ਹਰ ਵਰਗ ਦੇ ਦਰਸ਼ਕਾਂ ਵੱਲੋਂ aਨ੍ਹਾਂ ਦੇ ਇਸ ਕਿਰਦਾਰ ਨੂੰ ਕਾਫੀ ਪਸੰਦ ਕੀਤਾ ਗਿਆ।ਸ਼ਿਵਾਜੀ ਸਾਟਮ ਨੇ ਆਪਣੇ ਹਰੇਕ ਕਿਰਦਾਰ ਰਾਹੀ ਦਰਸ਼ਕਾਂ ਵਿਚ ਆਪਣੀ ਖਾਸ ਪਛਾਣ ਬਣਾਈ ।