ਮੁੰਬਈ (ਬਿਊਰੋ)— ਟੀ. ਵੀ. ਸ਼ੋਅ 'ਸਸੁਰਾਲ ਸਿਮਰ ਕਾ' ਦੀ ਅਦਾਕਾਰਾ ਦੀਪਿਕਾ ਕੱਕੜ ਅਤੇ ਸ਼ੋਏਬ ਇਬ੍ਰਾਹਿਮ ਦੇ ਵਿਆਹ ਤੋਂ ਬਾਅਦ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਦਰਸਅਲ, ਵਿਆਹ ਤੋਂ ਬਾਅਦ ਦੋਹੇਂ ਯੂ. ਪੀ. ਦੇ ਮੋਦਾਹਾ ਹਮੀਰਪੂਰ 'ਚ ਹਾਜੀ ਅਲੀ ਦੀ ਦਰਗਾਹ 'ਤੇ ਪਹੁੰਚੇ ਹਨ।
ਦੋਵਾਂ ਨੇ ਆਪਣੇ ਅਧਿਕਾਰਕ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਵਿਆਹ ਤੋਂ ਬਾਅਦ ਉਹ ਆਪਣੇ ਕਰੀਬੀਆਂ ਨਾਲ ਸਮਾਂ ਬਤੀਤ ਕਰ ਰਹੇ ਹਨ। ਹੋਲੀ ਤੋਂ ਬਾਅਦ ਦੀਪਿਕਾ ਅਤੇ ਸ਼ੋਏਬ ਹਾਜੀ ਅਲੀ ਦੀ ਦਰਗਾਹ 'ਤੇ ਪਹੁੰਚੇ ਅਤੇ ਖੁਸ਼ਹਾਲ ਜ਼ਿੰਦਗੀ ਦੀ ਦੁਆ ਮੰਗੀ।
ਦੀਪਿਕਾ ਨੇ ਤਸਵੀਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ 'ਚ ਲਿਖਿਆ, ''ਹਾਜੀ ਅਲੀ ਦੇ ਦਰ 'ਤੇ ਹਾਂ...ਪਤੀ ਨਾਲ ਦੀਪਿਕਾ...ਇਹ ਦਿਨ ਬੇਹੱਦ ਖਾਸ ਹੈ''। ਦਰਗਾਹ 'ਚ ਦੀਪਿਕਾ ਤੇ ਸ਼ੋਏਬ ਸਿੰਪਲ ਲੁੱਕ 'ਚ ਦਿਖਾਈ ਦਿੱਤੇ। ਇਸ ਤੋਂ ਇਲਾਵਾ ਹੋਲੀ ਮੌਕੇ ਦੋਹਾਂ ਦੀਆਂ ਕਈ ਤਸਵੀਰਾਂ ਸਾਹਮਣੇ ਆਈਆਂ ਹਨ।
ਦੱਸਣਯੋਗ ਹੈ ਕਿ ਸ਼ੋਏਬ ਤੇ ਦੀਪਿਕਾ ਦੀ ਲਵ ਸਟੋਰੀ 'ਸਸੁਰਾਲ ਸਿਮਰ ਕਾ' ਦੇ ਸੈੱਟ 'ਤੇ ਸ਼ੁਰੂ ਹੋਈ ਸੀ। ਕਾਫੀ ਲੰਬੇ ਸਮੇਂ 'ਚ ਰਿਲੇਸ਼ਨਸ਼ਿੱਪ 'ਚ ਰਹਿਣ ਤੋਂ ਬਾਅਦ ਦੋਹਾਂ ਨੇ ਵਿਆਹ ਕਰ ਲਿਆ।