ਮੁੰਬਈ(ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਸ਼ਰਧਾ ਕਪੂਰ ਸਿਲਵਰ ਸਕ੍ਰੀਨ 'ਤੇ ਏਅਰਹੋਸਟੈੱਸ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆ ਸਕਦੀ ਹੈ। ਫਿਲਮ 'ਨੀਰਜਾ' 'ਚ ਸੋਨਮ ਕਪੂਰ ਤੋਂ ਬਾਅਦ ਹੁਣ ਸ਼ਰਧਾ ਕਪੂਰ ਵੀ ਏਅਰਹੋਸਟੈੱਸ ਦਾ ਰੋਲ ਨਿਭਾਉਣ ਲਈ ਤਿਆਰ ਹੈ। ਉਸ ਦਾ ਇਹ ਰੋਲ 'ਬਾਗੀ 3' 'ਚ ਹੋ ਸਕਦਾ ਹੈ। ਫਿਲਮ ਦੇ ਮੇਕਰਜ਼ ਅਜੇ ਸ਼ਰਧਾ ਦੀ ਲੁੱਕ ਤੇ ਉਸ ਦੇ ਕਰੈਕਟਰ 'ਤੇ ਕੰਮ ਕਰ ਰਹੇ ਹਨ ਤਾਂ ਜੋ ਇਹ ਤੈਅ ਕੀਤਾ ਜਾ ਸਕੇ ਕਿ ਕਿਤੇ ਪਾਸਟ 'ਚ ਨਿਭਾਏ ਗਏ ਕਿਸੇ ਵੀ ਰੋਲ ਨੂੰ ਦੁਹਰਾਉਂਦਾ ਤਾਂ ਨਹੀਂ ਹੈ।
ਸ਼ਰਧਾ ਵੀ ਜਲਦ ਹੀ ਆਪਣੀ ਭੂਮਿਕਾ ਦੀਆਂ ਬਾਰੀਕੀਆਂ ਨੂੰ ਫੜਨ ਲਈ ਵਰਕਸ਼ਾਪ ਅਟੈਂਡ ਕਰੇਗੀ। 'ਬਾਗੀ 3' ਦੇ ਨਿਰਦੇਸ਼ਕ ਅਹਿਮਦ ਖਾਨ ਤੇ ਰਾਈਟਰ ਫਰਹਾਦ ਸਾਮਜੀ, ਸ਼ਰਧਾ ਦਾ ਇੰਟਰਸਟਿੰਗ ਪਾਰਟ ਕ੍ਰਿਏਟ ਕਰਨਾ ਚਾਹੁੰਦੇ ਹਨ। ਉਹ ਮੁੰਬਈ 'ਚ ਸਤੰਬਰ ਦੀ ਸ਼ੁਰੂਆਤ 'ਚ ਸ਼ੂਟਿੰਗ ਕਰੇਗੀ। ਇਸ ਤੋਂ ਬਾਅਦ ਟੀਮ ਆਗਰਾ ਜਾਵੇਗੀ ਤੇ ਫਿਰ ਉਥੋਂ ਇੰਟਰਨੈਸ਼ਨਲ ਸ਼ਡਿਊਲ ਹੋਵੇਗਾ, ਜਿਸ ਦੀ ਸ਼ੁਰੂਆਤ ਜਾਰਜੀਆ ਤੋਂ ਹੋਵੇਗੀ।