ਮੁੰਬਈ— ਬਾਲੀਵੁੱਡ ਸ਼ਰੂਤੀ ਹਾਸਨ ਇਨ੍ਹੀਂ ਦਿਨੀਂ ਆਪਣੇ ਪਾਪਾ ਕਮਲ ਹਾਸਨ ਨਾਲ ਆਪਣੀ ਅਗਲੀ ਫਿਲਮ ਵਿਚ ਰੁੱਝੀ ਹੋਈ ਹੈ ਅਤੇ ਇਸ ਲਈ ਲਗਾਤਾਰ ਉਨ੍ਹਾਂ ਦਾ ਮੁੰਬਈ ਆਉਣਾ-ਜਾਣਾ ਲੱਗਾ ਹੋਇਆ ਹੈ। ਕੱਲ ਬੁੱਧਵਾਰ ਸ਼ਰੂਤੀ ਮੁੰਬਈ ਏਅਰਪੋਰਟ 'ਤੇ ਨਜ਼ਰ ਆਈ, ਜੋ ਆਪਣੇ ਬ੍ਰਿਟਿਸ਼ ਬੁਆਏਫ੍ਰੈਂਡ ਮਾਈਕਲ ਕੋਰਸੇਲੀ ਦਾ ਸਵਾਗਤ ਕਰਨ ਪਹੁੰਚੀ ਸੀ।
ਰਿਪੋਰਟ ਮੁਤਾਬਕ ਸ਼ਰੂਤੀ ਨਾਲ ਕੁਝ ਕੁਆਲਿਟੀ ਸਮਾਂ ਬਿਤਾਉਣ ਲਈ ਮਾਈਕਲ ਇਥੇ ਪਹੁੰਚੇ ਹਨ ਕਿਉਂਕਿ ਆਪਣੇ ਰੁਝਾਨ ਭਰੇ ਸ਼ੈਡਿਊਲ ਕਾਰਨ ਉਨ੍ਹਾਂ ਨੂੰ ਇਕ-ਦੂਜੇ ਨਾਲ ਸਮਾਂ ਬਿਤਾਉਣ ਦਾ ਸਮਾਂ ਨਹੀਂ ਮਿਲਦਾ।
ਇਹ ਦੋਵੇਂ ਕੈਮਰੇ ਵਿਚ ਕੈਦ ਹੋ ਗਏ ਜਦੋਂ ਉਹ ਇਕ-ਦੂਜੇ ਦੇ ਗਲ ਲੱਗ ਕੇ ਆਪਣੀ ਖੁਸ਼ੀ ਪ੍ਰਗਟਾ ਰਹੇ ਸਨ। ਰਿਪੋਰਟ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਮਾਈਕਲ ਦਾ ਕਮਲ ਹਾਸਨ ਨੂੰ ਵੀ ਮਿਲਣ ਦਾ ਪਲਾਨ ਹੈ। ਖਬਰ ਹੈ ਕਿ ਇਸ ਦੌਰਾਨ ਵਿਆਹ ਨੂੰ ਲੈ ਕੇ ਗੱਲਬਾਤ ਹੋ ਸਕਦੀ ਹੈ।