ਮੁੰਬਈ (ਬਿਊਰੋ)— ਬਾਲੀਵੁੱਡ ਮਹਾਨਾਇਕ ਅਮਿਤਾਭ ਬੱਚਨ ਦੀ ਬੇਟੀ ਸ਼ਵੇਤਾ ਬੱਚਨ ਨੇ ਸ਼ੁਕਰਵਾਰ ਨੂੰ ਆਪਣੇ ਘਰ 'ਚ ਇਕ ਪਾਰਟੀ ਦਾ ਆਯੋਜਨ ਕੀਤਾ, ਜਿਸ 'ਚ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ ਸੀ। ਬੀਤੇ ਕਾਫੀ ਦਿਨਾਂ ਤੋਂ ਸ਼ਵੇਤਾ ਅਕਸਰ ਪਾਰਟੀਆਂ 'ਚ ਨਜ਼ਰ ਆ ਰਹੀ ਹੈ।
ਅਜਿਹੇ 'ਚ ਇਸ ਵਾਰ ਉਸਨੇ ਆਪਣੇ ਘਰ ਇਕ ਪਾਰਟੀ ਰੱਖੀ, ਜਿਸ 'ਚ ਕੈਟਰੀਨਾ ਕੈਫ ਤੋਂ ਲੈ ਕੇ ਸਿਧਾਰਥ ਮਲਹੋਤਰਾ ਤੱਕ ਕਈ ਬਾਲੀਵੁੱਡ ਸਟਾਰਜ਼ ਪਹੁੰਚੇ ਸਨ।
ਸ਼ਵੇਤਾ ਦੇ ਘਰ ਇਸ ਪਾਰਟੀ 'ਚ ਕੈਟਰੀਨਾ ਕੈਫ ਆਪਣੀ ਭੈਣ ਇਜ਼ਾਬੇਲ ਕੈਫ ਨਾਲ ਪਹੁੰਚੀ ਸੀ। ਕੈਟਰੀਨਾ ਜਲਦ ਹੀ ਆਪਣੀ ਭੈਣ ਨੂੰ ਫਿਲਮਾਂ 'ਚ ਲਾਂਚ ਕਰਨ ਵਾਲੀ ਹੈ। ਆਮਿਰ ਖਾਨ ਦੀ ਪਤਨੀ ਕਿਰਣ ਰਾਓ ਇਸ ਪਾਰਟੀ 'ਚ ਜਾਂਦੀ ਦਿਖਾਈ ਦਿੱਤੀ।
ਉੱਥੇ ਹੀ ਮਸ਼ਹੂਰ ਨਿਰਮਾਤਾ ਕਰਨ ਜੌਹਰ, ਸਿਧਾਰਥ ਮਲਹੋਤਰਾ, ਸਿਧਾਰਥ ਰਾਏ ਕਪੂਰ ਨੂੰ ਪਾਰਟੀ 'ਚ ਜਾਂਦੇ ਦੇਖਿਆ ਗਿਆ। ਇਸ ਪਾਰਟੀ ਦੀਆਂ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ ਜਿਸ 'ਚ ਇਹ ਸਭ ਮਸਤੀ ਕਰਦੇ ਦਿਖਾਈ ਦੇ ਰਹੇ ਹਨ।
