ਮੁੰਬਈ (ਬਿਊਰੋ) — ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਦੇ ਦੋਹਤੇ ਤੇ ਉਨ੍ਹਾਂ ਦੀ ਧੀ ਸ਼ਵੇਤਾ ਬੱਚਨ ਨੰਦਾ ਦੇ ਪੁੱਤ ਅਗਸਤਿਆ ਨੰਦਾ ਗ੍ਰੈਜੂਏਟ ਹੋ ਗਏ ਹਨ। ਆਪਣੇ ਪੁੱਤ ਦੇ ਇਸ ਖਾਸ ਪੜਾਅ 'ਤੇ ਸ਼ਵੇਤਾ ਬੱਚਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਗ੍ਰੈਜੂਏਸ਼ਨ ਸੈਰੇਮਨੀ ਦੀਆਂ ਕਈ ਖੂਬਸੂਰਤ ਤਸਵੀਰਾਂ ਪੋਸਟ ਕੀਤੀਆਂ ਹਨ, ਜੋ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ।
ਦੱਸ ਦਈਏ ਕਿ ਅਗਸਤਿਆ ਦੀ ਖੁਸ਼ੀ 'ਚ ਉਸ ਦੀ ਭੈਣ ਨਵਿਆ ਨਵੇਲੀ ਨੰਦਾ ਕਿਵੇਂ ਪਿੱਛੇ ਰਹਿ ਸਕਦੀ ਸੀ। ਇਸ ਲਈ ਨਵਿਆ ਨਵੇਲੀ ਨੰਦਾ ਆਪਣੇ ਭਰਾ ਕੋਲ ਪਹੁੰਚੀ ਸੀ।
ਦੱਸਣਯੋਗ ਹੈ ਕਿ ਸ਼ਵੇਤਾ ਬੱਚਨ ਨੰਦਾ ਦਾ ਬੇਟਾ ਫਿਲਮਾਂ 'ਚ ਵੀ ਦਿਲਚਸਪੀ ਰੱਖਦਾ ਹੈ। ਉਸ ਨੇ ਇਕ ਸ਼ਾਰਟ ਫਿਲਮ ਵੀ ਬਣਾਈ ਹੈ ਅਤੇ ਇਸ ਨੂੰ ਜਲਦ ਹੀ ਯੂਟਿਊਬ 'ਤੇ ਅਪਲੋਡ ਕਰਨ ਵਾਲਾ ਹੈ। ਇਸ ਫਿਲਮ ਨੂੰ ਉਸ ਨੇ ਡਾਇਰੈਕਟ ਵੀ ਕੀਤਾ ਹੈ ਤੇ ਕਹਾਣੀ ਵੀ ਖੁਦ ਲਿਖੀ ਹੈ। ਅਮਿਤਾਭ ਬੱਚਨ ਅਗਸਤਿਆ ਦੇ ਬਹੁਤ ਕਰੀਬ ਹੈ। ਕਈ ਵਾਰ ਸੋਸ਼ਲ ਮੀਡੀਆ 'ਤੇ ਅਮਿਤਾਭ ਬੱਚਨ ਨੇ ਉਸ ਨਾਲ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।
