ਨਵੀਂ ਦਿੱਲੀ (ਬਿਊਰੋ) — ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਦੀ ਧੀ ਸ਼ਵੇਤਾ ਬੱਚਨ ਨੰਦਾ ਲਾਈਮ ਲਾਈਟ ਤੋਂ ਦੂਰ ਰਹਿਣਾ ਪਸੰਦ ਕਰਦੀ ਹੈ। ਹਾਲਾਂਕਿ ਕਈ ਵਾਰ ਬਾਲੀਵੁੱਡ ਈਵੈਂਟਸ ਤੇ ਪਾਰਟੀਆਂ 'ਚ ਸ਼ਾਮਲ ਹੁੰਦੇ ਹੋਏ ਉਨ੍ਹਾਂ ਨੂੰ ਜ਼ਰੂਰ ਦੇਖਿਆ ਗਿਆ ਹੈ।
ਹਾਲ ਹੀ 'ਚ ਸ਼ਵੇਤਾ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਸ਼ਵੇਤਾ ਨੇ ਸਾਲ 1997 'ਚ ਰਿਤੂ ਨੰਦਾ ਦੇ ਬੇਟੇ ਨਿਖਿਲ ਨੰਦਾ ਨਾਲ ਵਿਆਹ ਕਰਵਾਇਆ ਸੀ। ਰਿਤੂ ਨੰਦਾ, ਰਾਜ ਕਪੂਰ ਦੀ ਧੀ ਹੈ।
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਸ਼ਵੇਤਾ ਨੰਦਾ ਦੀਆਂ ਤਸਵੀਰਾਂ ਨੂੰ ਫੈਸ਼ਨ ਡਿਜ਼ਾਈਨਰ ਅਬੂ ਜਾਨੀ ਤੇ ਸੰਦੀਪ ਖੋਸਲਾ ਨੇ ਸ਼ੇਅਰ ਕੀਤਾ ਹੈ। ਅਬੂ ਜਾਨੀ ਤੇ ਸੰਦੀਪ, ਜਯਾ ਬੱਚਨ ਨੂੰ ਆਪਣੀ ਭੈਣ ਮੰਨਦੇ ਹਨ। ਇਸ ਨਾਤੇ (ਰਿਸ਼ਤੇ) ਉਹ ਸ਼ਵੇਤਾ ਬੱਚਨ ਦਾ ਮਾਮਾ ਲੱਗਦਾ ਹੈ। ਇਸ ਗੱਲ ਦਾ ਜ਼ਿਕਰ ਅਬੂ ਜਾਨੀ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਕੀਤਾ ਹੈ।
ਅਬੂ ਜਾਨੀ ਨੇ ਇਹ ਵੀ ਦੱਸਿਆ ਕਿ ਸ਼ਵੇਤਾ ਤੇ ਨਿਖਿਲ ਦੇ ਕੱਪੜਿਆਂ ਤੋਂ ਇਲਾਵਾ ਪੂਰੇ ਵਿਆਹ ਦੀ ਪਲਾਨਿੰਗ ਉਨ੍ਹਾਂ ਨੇ ਹੀ ਕੀਤੀ ਸੀ। ਸ਼ਵੇਤਾ ਦੀਆਂ ਇਹ ਤਸਵੀਰਾਂ ਸੰਗੀਤ ਤੇ ਵਿਆਹ ਦੀਆਂ ਹਨ। ਸ਼ਵੇਤਾ ਨੇ ਸੰਗੀਤ 'ਚ ਵਾਈਟ ਕਲਰ ਦਾ ਲਹਿੰਗਾ ਪਾਇਆ ਸੀ।
ਉਥੇ ਹੀ ਵਿਆਹ 'ਚ ਰੈੱਡ ਲਹਿੰਗੇ 'ਚ ਬੇਹੱਦ ਖੂਬਸੂਰਤ ਦਿਸ ਰਹੀ ਸੀ। ਇਨ੍ਹਾਂ ਤਸਵੀਰਾਂ 'ਚ ਅਭਿਸ਼ੇਕ ਬੱਚਨ, ਜਯਾ ਬੱਚਨ ਤੇ ਅਮਿਤਾਭ ਬੱਚਨ ਵੀ ਨਜ਼ਰ ਆ ਰਹੇ ਹਨ।
ਇਕ ਤਸਵੀਰ 'ਚ ਸ਼ਵੇਤਾ ਤੇ ਨਿਖਿਲ ਨੰਦਾ ਡਾਂਸ ਕਰਦੇ ਵੀ ਨਜ਼ਰ ਆ ਰਹੇ ਹਨ। ਸ਼ਵੇਤਾ ਦਾ ਵਿਆਹ ਬੰਗਾਲੀ ਰੀਤੀ-ਰਿਵਾਜਾਂ ਨਾਲ ਹੋਇਆ ਸੀ। ਇਸ ਤਸਵੀਰ 'ਚ ਸ਼ਵੇਤਾ ਹੱਥ 'ਚ ਪੀਪਲ ਦੇ ਪੱਤਿਆਂ ਨਾਲ ਆਪਣਾ ਚਿਹਰਾ ਲੁਕਾਉਂਦੀ ਨਜ਼ਰ ਆ ਰਹੀ ਹੈ।
ਸ਼ਵੇਤਾ ਨੇ ਵਿਆਹ ਤੋਂ ਬਾਅਦ ਆਪਣੀ ਮਾਂ ਜਯਾ ਬੱਚਨ ਨਾਲ ਇਕ ਫੋਟੋਸ਼ੂਟ ਕਰਵਾਇਆ ਸੀ। ਇਸ ਸ਼ੂਟ ਲਈ ਸ਼ਵੇਤਾ ਤੇ ਜਯਾ ਬੱਚਨ ਨੇ ਅਬੂ ਜਾਨੀ ਤੇ ਸੰਦੀਪ ਖੋਸਲਾ ਦੇ ਜ਼ਿਆਦਾਤਰ ਕੱਪੜੇ ਆਫ ਵ੍ਹਾਈਟ ਹੁੰਦੇ ਹਨ।
