ਨਵੀਂ ਦਿੱਲੀ (ਬਿਊਰੋ) : ਸਿਧਾਰਥ ਸ਼ੁਕਲਾ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਗਈ ਹੈ ਤੇ ਉਹ ਸੋਮਵਾਰ ਨੂੰ 'ਬਿੱਗ ਬੌਸ' ਦੇ ਘਰ ਦੇ ਅੰਦਰ ਪਹੁੰਚ ਗਏ ਹਨ। ਉਨ੍ਹਾਂ ਦੇ ਘਰ 'ਚ ਆਉਣ ਨਾਲ ਕਈ ਖੁਸ਼ ਹੋਏ ਤੇ ਕਈਆਂ ਦੇ ਮੂੰਹ ਲਟਕ ਗਏ। ਹੁਣ ਘਰ 'ਚ ਆਉਣ ਤੋਂ ਬਾਅਦ ਉਹ ਟਾਸਕ 'ਚ ਕਿਸ ਤਰ੍ਹਾਂ ਦਾ ਧਮਾਕਾ ਕਰਦੇ ਹਨ ਇਹ ਦੇਖਣ ਲਈ ਫੈਨਜ਼ ਨੂੰ ਜੋਸ਼ 'ਚ ਹਨ। ਬਿੱਗ ਬੌਸ 13 ਦੇ ਆਉਣ ਵਾਲੇ ਐਪੀਸੋਡ 'ਚ ਘਰਵਾਲਿਆਂ ਨੂੰ ਬਿੱਗ ਬੌਸ ਨੇ 'ਚੂਹਾ-ਬਿੱਲੀ' ਦਾ ਟਾਸਕ ਦਿੱਤਾ। ਇਸ ਟਾਸਕ 'ਚ ਉਨ੍ਹਾਂ ਨੂੰ ਆਪਣੀ ਰਣਨੀਤੀ ਬਣਾਉਣੀ ਅਤੇ ਤਾਕਤ ਨਾਲ ਟਾਸਕ ਜਿਤਾਉਣਾ ਸੀ।ਇਸ ਟਾਸਕ 'ਚ ਕੰਟੈਸਟੈਂਟ ਨੂੰ ਘਰ ਦਾ ਕੈਪਟਨ ਬਣਨ ਲਈ ਆਪਣੀ ਕਾਬਲੀਅਤ ਤੇ ਸਮਰੱਥਾ ਸਾਬਿਤ ਕਰਨੀ ਸੀ।
ਦੱਸ ਦਈਏ ਕਿ ਇਸ ਟਾਸਕ ਦੌਰਾਨ ਸ਼ਹਿਨਾਜ ਕੌਰ ਗਿੱਲ ਨੇ ਕਿਹਾ ਕਿ, ''ਮੈਂ ਇਸ ਖੇਡ 'ਚ ਰਹਿਣਾ ਚਾਹੁੰਦੀ ਹਾਂ ਤੇ ਸਿਧਾਰਥ ਮੈਨੂੰ ਬਿੱਲੀ ਬਣਨ ਨੂੰ ਆਖਦੇ ਹਨ ਤੇ ਮੈਨੂੰ ਆਪਣੇ ਨਾਂ ਦੀ ਘੰਟੀ ਗਲੇ 'ਚ ਪਾਉਣ ਨੂੰ ਕਹਿੰਦੇ ਹਨ। ਉਹ ਇਹ ਵੀ ਸਲਾਹ ਦਿੰਦੇ ਹਨ ਕਿ ਉਹ ਜੋ ਵੀ ਕਰਨਾ ਚਾਹੁੰਦੀ ਹੈ, ਉਹ ਕਰੇ।'' ਜਦੋਂ ਉਹ ਮਾਸਟਰਮਾਈਡ ਵਿਕਾਸ ਗੁਪਤਾ ਤੋਂ ਘੰਟੀ ਖੋਹਣ ਦੀ ਕੋਸ਼ਿਸ਼ ਕਰਦੀ ਹੈ ਤਾਂ ਉਹ ਮਦਦ ਦੀ ਮੰਗ ਕਰਦੀ ਹੈ ਤੇ ਕਹਿੰਦੀ ਹੈ ਕਿ ਕੋਈ ਉਸ ਨੂੰ ਚੁੱਕ ਲਓ। ਸਿਧਾਰਥ ਉਸ ਨੂੰ ਕਹਿੰਦੇ ਹਨ ਕਿ ਦੰਦਾਂ ਨਾਲ ਵਿਕਾਸ ਨੂੰ ਕੱਟ ਲਵੇ।