ਜਲੰਧਰ (ਬਿਊਰੋ) : ਚੱਕਵੇਂ ਗੀਤਾਂ ਲਈ ਜਾਣੇ ਜਾਣ ਵਾਲੇ ਪੰਜਾਬੀ ਗਾਇਕ ਸਿੰਗਾ ਦੇ ਨਵੇਂ ਗੀਤ 'ਫੋਟੋ' ਦਾ ਟੀਜ਼ਰ ਹਾਲ ਹੀ 'ਚ ਰਿਲੀਜ਼ ਹੋਇਆ ਹੈ, ਜਿਸ ਸਿੰਗਾ ਰੋਮਾਂਟਿਕ ਅੰਦਾਜ਼ 'ਚ ਨਜ਼ਰ ਆ ਰਿਹਾ ਹੈ। ਦੱਸ ਦਈਏ ਕਿ ਸਿੰਗਾ ਦੇ ਗੀਤ 'ਫੋਟੋ' ਦਾ ਟੀਜ਼ਰ ਕਾਫੀ ਦਮਦਾਰ ਤੇ ਰੋਮਾਂਟਿਕ ਹੈ। ਗੀਤ ਦੇ ਇਸ ਟੀਜ਼ਰ 'ਚ ਸਿੰਗਾ ਦੀਆਂ ਮਾਡਲ ਨਿੱਕੀ ਕੌਰ ਨਾਲ ਕਾਫੀ ਰੋਮਾਂਟਿਕ ਝਲਕੀਆਂ ਦੇਖਣ ਨੂੰ ਮਿਲ ਰਹੀਆਂ ਹਨ, ਜਿਨ੍ਹਾਂ ਨੂੰ ਦਰਸ਼ਕਾਂ ਵਲੋਂ ਵੀ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ।
ਦੱਸ ਦਈਏ ਕਿ 'ਫੋਟੋ' ਗੀਤ ਨੂੰ ਸਿੰਗਾ ਨੇ ਆਪਣੀ ਦਮਾਦਾਰ ਆਵਾਜ਼ ਨਾਲ ਸ਼ਿੰਗਾਰਿਆ ਹੈ। ਇਸ ਗੀਤ ਦੇ ਬੋਲ ਖੁਦ ਸਿੰਗਾ ਨੇ ਸ਼ਿੰਗਾਰੇ ਹਨ ਅਤੇ ਮਿਊਜ਼ਿਕ ਐਲਡੀ ਫਾਜ਼ਿਲਕਾ ਨੇ ਦਿੱਤਾ ਹੈ। ਦੱਸ ਦਈਏ ਕਿ ਇਹ ਗੀਤ 29 ਮਈ ਨੂੰ ਰਿਲੀਜ਼ ਹੋ ਰਿਹਾ ਹੈ।