ਨਵੀਂ ਦਿੱਲੀ— ਲੜੀਵਾਰ 'ਸ਼ੇਰ-ਏ-ਪੰਜਾਬ' ਮਹਾਰਾਜਾ ਰਣਜੀਤ ਸਿੰਘ 'ਚ 'ਰਾਜ ਕੌਰ' ਦੀ ਭੂਮਿਕਾ ਨਿਭਾ ਰਹੀ ਅਦਾਕਾਰਾ ਸਨੇਹਾ ਵਾਘ ਨੇ ਕਿਹਾ ਕਿ ਲੜੀਵਾਰ ਦੀ ਸ਼ੂਟਿੰਗ ਦੌਰਾਨ ਅਚਾਨਕ ਫੋਨ ਦੀ ਘੰਟੀ ਵੱਜਣ ਕਰ ਕੇ ਪੂਰੀ ਟੀਮ ਨੂੰ ਆਈਸਕ੍ਰੀਮ ਖੁਆਉਣੀ ਪਈ। ਸੂਤਰ ਨੇ ਕਿਹਾ ਕਿ ਨਿਰਮਾਤਾਵਾਂ ਨੇ ਸੈੱਟ 'ਤੇ ਨਿਯਮ ਬਣਾਇਆ ਹੋਇਆ ਹੈ ਕਿ ਕਿਸੇ ਦੇ ਫੋਨ ਦੀ ਘੰਟੀ ਨਾ ਵੱਜੇ, ਤਾਂ ਕਿ ਸ਼ੂਟਿੰਗ ਸਹੀ ਤਰੀਕੇ ਨਾਲ ਚੱਲ ਸਕੇ।
ਸੂਤਰ ਨੇ ਦੱਸਿਆ ਕਿ ਫੋਨ ਕਿਸੇ ਦਾ ਵੀ ਹੋਵੇ, ਭਾਵੇਂ ਨਿਰਮਾਤਾ, ਨਿਰਦੇਸ਼ਕ, ਅਦਾਕਾਰ ਅਤੇ ਟੀਮ ਦੇ ਕਿਸੇ ਵੀ ਮੈਂਬਰ ਦਾ, ਜੇ ਇਸ ਦੀ ਘੰਟੀ ਵੱਜੇ ਤਾਂ ਜੁਰਮਾਨੇ ਦੇ ਰੂਪ 'ਚ 500 ਰੁਪਏ ਦੇਣੇ ਹੁੰਦੇ ਹਨ। ਇਸ ਸ਼ੋਅ 'ਚ ਕੰਮ ਕਰ ਰਹੀ ਸਨੇਹਾ ਨੂੰ ਵੀ ਅਜਿਹਾ ਕਰਨਾ ਪਿਆ। ਉਸ ਨੇ ਕਿਹਾ ਕਿ ਜੁਰਮਾਨੇ 'ਚ ਮੈਨੂੰ 500 ਰੁਪਏ ਦੇਣੇ ਪੈਣੇ ਸਨ ਪਰ ਮੈਂ ਪੂਰੀ ਯੂਨਿਟ ਨੂੰ ਆਈਕ੍ਰੀਮ ਖੁਆਉਣ ਦਾ ਵਾਅਦਾ ਕੀਤਾ।