ਮੁੰਬਈ (ਬਿਊਰੋ)— ਕਰੀਨਾ ਕਪੂਰ ਦਾ ਬੇਟਾ ਤੈਮੂਰ ਜਿੱਥੇ ਆਪਣੇ ਨਵੇਂ ਹੇਅਰਕੱਟ ਕਰਕੇ ਸੁਰਖੀਆਂ 'ਚ ਹੈ, ਉੱਥੇ ਹੀ ਸੋਹਾ ਅਲੀ ਖਾਨ ਦੀ ਬੇਟੀ ਇਨਾਇਆ ਆਪਣੇ ਕਿਊਟ ਅੰਦਾਜ਼ ਨੂੰ ਲੈ ਕੇ ਚਰਚਾ 'ਚ ਬਣੀ ਰਹਿੰਦੀ ਹੈ। ਹਾਲ ਹੀ 'ਚ ਇਨਾਇਆ ਨੂੰ ਉਸਦੇ ਘਰ ਬਾਹਰ ਦੇਖਿਆ ਗਿਆ।
ਆਪਣੀ ਨੈਨੀ ਦੀ ਗੋਦ 'ਚ ਇਨਾਇਆ ਦੀਆਂ ਕਿਊਟ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਤਸਵੀਰਾਂ 'ਚ ਇਨਾਇਆ ਟੀ-ਸ਼ਰਟ ਅਤੇ ਸਨੀਕਰਸ 'ਚ ਨਜ਼ਰ ਆ ਰਹੀ ਹੈ। ਆਪਣੇ ਇਸ ਲੁੱਕ ਨੂੰ ਉਸਨੇ ਕਿਊਟ ਹੇਅਰਬੈਂਡ ਨਾਲ ਸਟਾਇਲ ਕੀਤਾ ਹੋਇਆ ਹੈ। ਇਸ ਦੌਰਾਨ ਇਨਾਇਆ ਮੀਡੀਆ ਦੇ ਕੈਮਰਿਆਂ ਨੂੰ ਦੇਖ ਉਨ੍ਹਾਂ ਨੂੰ ਘੂਰੀ ਵੱਟ ਰਹੀ ਸੀ।
ਅਜਿਹਾ ਪਹਿਲੀ ਵਾਰ ਨਹੀਂ ਹੈ, ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਇਨਾਇਆ ਨੂੰ ਸੋਹਾ ਨਾਲ ਦੇਖਿਆ ਜਾ ਚੁੱਕਿਆ ਹੈ। ਕੁਣਾਲ ਖੇਮੂ ਅਤੇ ਸੋਹਾ ਅਲੀ ਖਾਨ ਦੀ ਬੇਟੀ ਇਨਾਇਆ ਹੂਬਹੂ ਤੈਮੂਰ ਵਰਗੀ ਨਜ਼ਰ ਆਉਂਦੀ ਹੈ। ਆਪਣੀ ਕਿਊਟਨੈੱਸ ਕਰਕੇ ਇਨਾਇਆ ਮਸ਼ਹੂਰ ਸਟਾਰ ਕਿਡਜ਼ ਦੀ ਲਿਸਟ 'ਚ ਸ਼ਾਮਿਲ ਹੋ ਚੁੱਕੀ ਹੈ।