ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸੋਹਾ ਅਲੀ ਖਾਨ ਤੇ ਕੁਣਾਲ ਖੇਮੂ ਦੀ ਬੇਟੀ ਇਨਾਇਆ ਨੌਮੀ ਖੇਮੂ 29 ਜੂਨ ਨੂੰ 9 ਮਹੀਨੇ ਦੀ ਹੋ ਗਈ ਹੈ। ਇਸ ਖਾਸ ਮੌਕੇ 'ਤੇ ਸੋਹਾ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਇਨਾਇਆ ਦੀ ਇਕ ਬੇਹੱਦ ਕਿਊਟ ਤਸਵੀਰ ਪੋਸਟ ਕੀਤੀ। ਸੋਹਾ ਨੇ ਇਸ ਤਸਵੀਰ ਦੇ ਕੈਪਸ਼ਨ 'ਚ ਲਿਖਿਆ, ''ਅੱਜ 9 ਮਹੀਨੇ ਦੀ ਹੋ ਗਈ।'' ਇਨਾਇਆ ਬਹੁਤ ਹੀ ਕਿਊਟ ਕਿੱਡ ਹੈ ਤੇ ਮੀਡੀਆ ਉਸ ਨੂੰ ਹਮੇਸ਼ਾ ਹੀ ਫਾਲੋ ਕਰਦੀ ਹੈ। ਹਾਲਾਂਕਿ ਸੋਹਾ ਨੂੰ ਇਬ ਗੱਲ ਚੰਗੀ ਨਹੀਂ ਲੱਗਦੀ ਹੈ। ਸੋਹਾ ਨੇ ਇਕ ਇੰਟਰਵਿਊ ਦੌਰਾਨ ਕਿਹਾ ਸੀ ਕਿ ਮੈਂ ਅਜਿਹੀ ਜ਼ਿੰਦਗੀ ਚੁਣੀ ਹੈ, ਜਿਸ 'ਚ ਮੈਨੂੰ ਪਬਲਿਕ 'ਚ ਰਹਿਣਾ ਪੈਂਦਾ ਹੈ ਪਰ ਮੇਰੀ ਬੇਟੀ ਦੀ ਇਸ 'ਚ ਕੋਈ ਗਲਤੀ ਨਹੀਂ ਹੈ। ਮੀਡੀਆ ਨੂੰ ਉਸ ਨੂੰ ਇਕੱਲਾ ਛੱਡ ਦੇਣਾ ਚਾਹੀਦਾ ਹੈ। ਮੈਂ ਜਦੋਂ ਛੋਟੀ ਸੀ ਤਾਂ ਕੋਈ ਫੋਟੋਗ੍ਰਾਫਰਜ਼ ਮੇਰੇ ਪਿੱਛੇ ਨਹੀਂ ਪੈਂਦੇ ਸਨ ਤੇ ਮੇਰੀ ਮੰਮੀ ਮੇਰੀਆਂ ਸਾਰੀਆਂ ਸਕੂਲ ਮੀਟਿੰਗਾਂ ਅਟੈਂਡ ਕਰਨ ਜਾਂਦੀਆਂ ਸਨ। ਦੱਸਣਯੋਗ ਹੈ ਕਿ ਸੋਹਾ ਅਲੀ ਖਾਨ ਨੂੰ ਅਕਸਰ ਹੀ ਬੇਟੀ ਨਾਲ ਦੇਖਿਆ ਜਾਂਦਾ ਹੈ। ਬੇਟੀ ਨਾਲ ਸਮਾਂ ਬਿਤਾਉਣ ਤੇ ਉਸ ਦਾ ਖਿਆਲ ਰੱਖਣ ਲਈ ਸੋਹਾ 1 ਸਾਲ ਤੱਕ ਫਿਲਮਾਂ ਤੋਂ ਦੂਰ ਰਹਿਣ ਦਾ ਫੈਸਲਾ ਕੀਤਾ ਹੈ। ਇਨਾਇਆ ਨੂੰ ਉਸ ਦੇ ਕਜ਼ਨ ਭਰਾ ਤੈਮੂਰ ਅਲੀ ਖਾਨ ਨਾਲ ਕੰਪੇਅਰ (ਤੁਲਨਾ ਕੀਤੀ ਜਾਂਦੀ) ਕੀਤਾ ਜਾਂਦਾ ਹੈ। ਕਿਊਟਨੈੱਸ ਦੇ ਮਾਮਲੇ 'ਚ ਦੋਵੇਂ ਸਟਾਰ ਕਿੱਡਜ਼ ਇਕ-ਦੂਜੇ ਨੂੰ ਕੜੀ ਟਕਰ ਦਿੰਦੇ ਹਨ।