ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖਾਨ ਦੇ ਬੇਟੇ ਤੈਮੂਰ ਅਲੀ ਖਾਨ ਦੇ ਨਾਲ-ਨਾਲ ਇਨਾਇਆ ਖੇਮੂ ਦੀ ਗਿਣਤੀ ਹੁਣ ਮਸ਼ਹੂਰ ਸਟਾਰ ਕਿੱਡਜ਼ 'ਚ ਹੁੰਦੀ ਹੈ। ਸੋਹਾ ਅਲੀ ਖਾਨ ਤੇ ਕੁਣਾਲ ਖੇਮੂ ਨੇ ਆਪਣੀ ਬੇਟੀ ਇਨਾਇਆ ਦਾ 'Half-Birthday' ਮਨਾਇਆ ਹੈ। ਇਸ ਖਾਸ ਮੌਕੇ 'ਤੇ ਉਨ੍ਹਾਂ ਨੇ ਇਕ ਪਾਰਟੀ ਰੱਖੀ ਸੀ, ਜਿਸ ਦੀਆਂ ਕੁਝ ਤਸਵੀਰਾਂ ਉਸ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀਆਂ ਸਨ। ਸੋਹਾ ਅਲੀ ਖਾਨ ਦਾ ਕਹਿਣਾ ਹੈ ਕਿ ਉਹ ਬੇਟੀ ਇਨਾਇਆ ਨੌਮੀ ਖੇਮੂ ਤੋਂ ਤਨਾਅ ਮੁਕਤ ਰਹਿਣਾ ਸਿੱਖ ਰਹੀ ਹੈ। ਸੋਹਾ ਨੇ ਦੱਸਿਆ, ''ਇਕ ਗੱਲ ਮੈਂ ਆਪਣੀ ਬੇਟੀ ਤੋਂ ਸਿੱਖੀ ਹੈ, ਉਹ ਹੈ ਤਨਾਅ ਮੁਕਤ ਰਹਿਣਾ। ਬੱਚੇ ਵੱਡੇ ਹੋ ਕੇ ਆਪਣਾ ਅਕਸ ਬਣਾਉਂਦੇ ਹਨ। ਉਨ੍ਹਾਂ ਦਾ ਆਪਣਾ ਵਿਅਕਤੀਵ ਹੁੰਦਾ ਹੈ, ਇਸ ਲਈ ਜਿੰਨਾ ਤੁਸੀਂ ਉਨ੍ਹਾਂ 'ਤੇ ਆਪਣੇ ਤਰੀਕੇ ਅਪਣਾਉਣ ਦੀ ਕੋਸ਼ਿਸ਼ ਕਰਦੇ ਹੋ, ਉਹ ਉਨ੍ਹਾਂ ਹੀ ਵਿਦਰੋਹ/ਵਿਰੋਧ ਕਰਦੇ ਹਨ। ਇਸ ਲਈ ਤੁਹਾਨੂੰ ਸ਼ਾਂਤ ਰਹਿਣਾ ਸਿੱਖਣਾ ਹੋਵੇਗਾ।''