ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਦੇ ਕਿਊਟ ਕਪੱਲ ਸੋਹਾ ਅਲੀ ਖਾਨ ਤੇ ਕੁਣਾਲ ਖੇਮੂ ਨੇ ਹਾਲ ਹੀ ਇਕ ਮੈਗਜ਼ੀਨ ਲਈ ਬ੍ਰਾਈਡਲ ਫੋਟੋਸ਼ੂਟ ਕਰਵਾਇਆ ਹੈ। ਇਸ ਸ਼ੂਟ 'ਚ ਦੋਵਾਂ ਨੂੰ ਫਿਰ ਤੋਂ ਲਾੜੀ-ਲਾੜੇ ਦੇ ਅੰਦਾਜ਼ 'ਚ ਦੇਖਣਾ ਕਾਫੀ ਮਜ਼ੇਦਾਰ ਹੈ। ਸੋਹਾ ਅਲੀ ਖਾਨ ਤੇ ਕੁਣਾਲ ਨੇ ਇਸ ਸ਼ੂਟ ਦੀਆਂ ਤਸਵੀਰਾਂ ਆਪਣੇ ਫੈਨਜ਼ ਨਾਲ ਵੀ ਸ਼ੇਅਰ ਕੀਤੀਆਂ ਹਨ।
ਸੋਹਾ ਨੇ ਮਾਰਡਨ ਬ੍ਰਾਈਡਲ ਲੁੱਕ 'ਚ ਕਰਵਾਏ ਫੋਟੋਸ਼ੂਟ ਦੀਆਂ ਕੁਝ ਤਸਵੀਰਾਂ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀਆਂ ਹਨ। ਇਕ ਤਸਵੀਰ 'ਚ ਸੋਹਾ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਅਨੇਕਾਂ ਨਾਲ ਸੋਹਾ ਦਾ ਸਵੈਗ ਬੇਹੱਦ ਸ਼ਾਨਦਾਰ ਹੈ। ਸੋਹਾ ਨੇ ਇਸ ਤਸਵੀਰ ਨੂੰ ਪੋਸਟ ਕਰਦੇ ਹੋਏ ਇਕ ਖਾਸ ਕੈਪਸ਼ਨ ਵੀ ਦਿੱਤਾ ਹੈ। ਸੋਹਾ ਨੇ ਲਿਖਿਆ, ''ਹੀਲਸ 'ਚ ਡਾਂਸ ਕਰਨਾ ਮੇਰੀ ਸੁਪਰਪਾਵਰ, ਸ਼ੂਟ ਲਈ ਪਰਦੇ ਪਿੱਛੇ ਦੀ ਇਹ ਖਾਸ ਤਸਵੀਰ।''
ਬਾਲੀਵੁੱਡ ਐਕਟਰ ਸੋਹਾ ਅਲੀ ਖਾਨ ਤੇ ਕੁਣਾਲ ਖੇਮੂ ਨੇ ਇਹ ਸ਼ੂਟ ਵੋਗ ਮੈਗਜ਼ੀਨ ਲਈ ਕਰਵਾਇਆ ਹੈ। ਇਸ ਫੋਟੋਸ਼ੂਟ ਦੌਰਾਨ ਸੋਹਾ ਅਲੀ ਖਾਨ ਨੇ ਹਲਕੇ ਗੁਲਾਬੀ ਰੰਗ ਦਾ ਲਹਿੰਗਾ ਪਾਇਆ ਤੇ ਕੁਣਾਲ ਨੇ ਵੀ ਬੇਜ ਰੰਗ ਦੇ ਸਟਾਈਲਿਸ਼ ਇੰਡੋ-ਵੈਸਟਰਨ ਆਊਟਫਿੱਟ 'ਚ ਦਿਖੇ। ਕੁਣਾਲ ਨੇ ਵੀ ਇਹ ਤਸਵੀਰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ। ਤਸਵੀਰ 'ਚ ਦੋਹਾਂ ਦੀ ਜੋੜੀ ਕਾਫੀ ਆਕ੍ਰਸ਼ਿਤ ਲੱਗ ਰਹੀ ਹੈ।
ਦੱਸਣਯੋਗ ਹੈ ਕਿ ਸੋਹਾ ਅਲੀ ਖਾਨ ਤੇ ਕੁਣਾਲ ਖੇਮੂ ਦੀ ਇਕ ਖੂਬਸੂਰਤ ਬੇਟੀ ਹੈ, ਜਿਸ ਦਾ ਨਾਂ ਇਨਾਇਆ ਨਾਯੋਮੀ ਖੇਮੂ ਹੈ। ਇਨਾਇਆ ਵੀ ਆਪਣੀਆਂ ਖੂਬਸੂਰਤ ਤਸਵੀਰਾਂ ਨਾਲ ਬਾਲੀਵੁੱਡ 'ਚ ਛਾਈ ਹੋਈ ਹੈ।