ਮੁੰਬਈ(ਬਿਊਰੋ)- ਅਦਾਕਾਰਾ ਸੋਹਾ ਅਲੀ ਖਾਨ ਅੱਜ ਆਪਣਾ 41ਵਾਂ ਜਨਮਦਿਨ ਮਨਾ ਰਹੀ ਹੈ। ਸੋਹਾ ਅਲੀ ਖਾਨ ਦਾ ਜਨਮ 4 ਅਕਤੂਬਰ 1978 ਨੂੰ ਹੋਇਆ ਸੀ। ਸੋਹਾ ਬਾਲੀਵੁੱਡ ਅਦਾਕਾਰਾ ਸ਼ਰਮਿਲਾ ਟੈਗੋਰ ਅਤੇ ਕ੍ਰਿਕਟਰ ਨਵਾਬ ਮੰਸੂਰ ਅਲੀ ਖਾਨ ਪਟੌਦੀ ਦੀ ਸਭ ਤੋਂ ਛੋਟੀ ਧੀ ਹੈ।
ਫਿਲਮੀ ਕਰੀਅਰ ਦੀ ਸ਼ੁਰੂਆਤ
ਸੋਹਾ ਨੇ ਸਾਲ 2004 'ਚ ਬੰਗਾਲੀ ਫਿਲਮ 'ਈਤੀ ਸ਼੍ਰੀਕਾਂਤਾ' ਨਾਲ ਫਿਲਮਾਂ 'ਚ ਕਦਮ ਰੱਖਿਆ ਸੀ। ਇਸ ਦੇ ਬਾਅਦ ਸੋਹਾ ਨੇ ਫਿਲਮ 'ਦਿਲ ਮਾਂਗੇ ਮੋਰ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਸੋਹਾ 'ਪਿਆਰ ਮੇਂ ਟਵਿੱਸਟ' ਅਤੇ 'ਸ਼ਾਦੀ ਨੰਬਰ 1' ਜਿਹੀਆਂ ਸੁਪਰਫਲਾਪ ਫਿਲਮਾਂ 'ਚ ਦਿਖੀਂ ਅਤੇ ਫਿਰ ਉਨ੍ਹਾਂ ਨੇ ਬੰਗਾਲੀ ਸਿਨੇਮਾ ਵੱਲ ਰੁਖ ਕੀਤਾ। ਸਾਲ 2005 'ਚ ਉਨ੍ਹਾਂ ਦੀ ਬੰਗਾਲੀ ਫਿਲਮ 'ਅੰਤਰਮਹਿਲ' ਰਿਲੀਜ਼ ਹੋਈ। ਇਸ ਤੋਂ ਇਲਾਵਾ ਸੋਹਾ 'ਰੰਗ ਦੇ ਬਸੰਤੀ, ਆਹੀਸਤਾ ਆਹੀਸਤਾ, ਸਾਹਿਬ ਬੀਵੀ ਓਰ ਗੈਂਗਸਟਰ' ਆਦਿ ਹੁਣ ਤੱਕ ਕਈ ਫਿਲਮਾਂ ਕਰ ਚੁੱਕੀ ਹੈ।
ਵਿਆਹ
ਸੋਹਾ ਨੇ 25 ਜਨਵਰੀ 2015 ਨੂੰ ਆਪਣੇ ਬੁਆਏਫਰੈੱਡ ਕੁਣਾਲ ਖੇਮੂ ਨਾਲ ਵਿਆਹ ਕੀਤਾ। ਦੋਵੇਂ ਵਿਆਹ ਤੋਂ ਪਹਿਲਾਂ ਲੀਵ ਇਨ ’ਚ ਵੀ ਰਹੇ ਹਨ। ਕੁਣਾਲ ਅਤੇ ਸੋਹਾ ਪਹਿਲੀ ਵਾਰ 1999 ’ਚ ਮਿਲੇ ਸਨ। ਕੁਣਾਲ ਖੇਮੂ ਅਤੇ ਸੋਹਾ ਅਲੀ ਖਾਨ ਨੇ ਇਕੱਠੇ 4 ਫਿਲਮਾਂ ’ਚ ਕੰਮ ਕੀਤਾ ਹੈ।
ਸੋਹਾ ਅਤੇ ਕੁਣਾਲ ਦੀ ਇਕ ਧੀ ਵੀ ਹੈ
ਸੋਹਾ ਅਤੇ ਕੁਣਾਲ ਦੀ ਇਕ ਧੀ ਵੀ ਹੈ, ਜਿਸ ਦਾ ਨਾਮ ਇਨਾਇਆ ਖੇਮੂ ਹੈ। ਇਨਾਇਆ ਦਾ ਜਨਮ 2017 ’ਚ ਹੋਇਆ ਸੀ ਅਤੇ ਹੁਣ ਉਹ 2 ਸਾਲ ਦੀ ਹੋ ਗਈ ਹੈ।
ਫਿਲਮਾਂ ਤੋਂ ਦੂਰੀ
ਸੋਹਾ ਅਲੀ ਖਾਨ ਨੇ ਇੰਡਸਟਰੀ ਤੋਂ ਦੂਰੀ ਜ਼ਰੂਰ ਬਣਾ ਲਈ ਹੈ ਪਰ ਉਨ੍ਹਾਂ ਨੇ ਕਿਤਾਬ ਲਿਖੀ ਹੈ। ਸੋਹਾ ਦੀ ਕਿਤਾਬ ਦਾ ਨਾਮ ‘ਪੇਰੀਲਸ ਆਫ ਬੀਇੰਗ ਮਾਡਰੇਟਰ ਫੇਮਸ’ ਹੈ।
