ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸੋਹਾ ਅਲੀ ਖਾਨ ਨੂੰ ਧੀ ਇਨਾਇਆ ਖੇਮੂ ਨਾਲ ਬੀਤੇ ਦਿਨੀਂ ਬਾਂਦਰਾ 'ਚ ਦੇਖਿਆ ਗਿਆ। ਇਸ ਦੌਰਾਨ ਸੋਹਾ ਕੈਜ਼ੁਅਲ ਲੁੱਕ 'ਚ ਨਜ਼ਰ ਆਈ ਅਤੇ ਉਸ ਨੇ ਧੀ ਨੂੰ ਗੋਦ 'ਚ ਚੁੱਕਿਆ ਹੋਇਆ ਸੀ। ਇਨਾਇਆ ਨੂੰ ਮਹਿਲਾ ਕ੍ਰਿਕਟਰ ਮਿਤਾਲੀ ਰਾਜ ਨੇ ਇਕ ਬੈਟ ਗਿਫਟ 'ਚ ਦਿੱਤਾ। ਦੱਸ ਦੇਈਏ ਕਿ ਇਨਾਇਆ ਹਾਲੇ 9 ਮਹੀਨੇ ਦੀ ਹੀ ਹੈ। ਦੱਸਣਯੋਗ ਹੈ ਕਿ ਇਨਾਇਆ ਆਪਣੇ ਕਜ਼ਨ ਤੈਮੂਰ ਅਲੀ ਖਾਨ ਵਾਂਗ ਸੋਸ਼ਲ ਮੀਡੀਆ 'ਤੇ ਕਾਫੀ ਮਸ਼ਹੂਰ ਹੈ। ਉਹ ਜਿੱਥੇ ਵੀ ਜਾਂਦੀ ਹੈ, ਕੈਮਰਾਮੈਨ ਉਸ ਦੀਆਂ ਤਸਵੀਰਾਂ ਕਲਿੱਕ ਕਰਨ ਲੱਗ ਜਾਂਦੇ ਹਨ। ਹਾਲਾਂਕਿ ਸੋਹਾ ਨੂੰ ਮੀਡੀਆ ਅਟੈਂਸ਼ਨ ਪਸੰਦ ਨਹੀਂ ਹੈ। ਉਹ ਚਾਹੁੰਦੀ ਹੈ ਕਿ ਉਸ ਦੀ ਬੇਟੀ ਆਮ ਜ਼ਿੰਦਗੀ ਜੀਵੇ। ਦੱਸ ਦੇਈਏ ਕਿ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਨੂੰ ਇਨਾਇਆ ਦੀ ਇਕ ਤਸਵੀਰ ਹੀ ਕਾਫੀ ਹੈ। ਸੋਹਾ ਅਲੀ ਖਾਨ ਨੂੰ ਅਕਸਰ ਹੀ ਬੇਟੀ ਨਾਲ ਦੇਖਿਆ ਜਾਂਦਾ ਹੈ। ਬੇਟੀ ਨਾਲ ਸਮਾਂ ਬਿਤਾਉਣ ਤੇ ਉਸ ਦਾ ਖਿਆਲ ਰੱਖਣ ਲਈ ਸੋਹਾ ਨੇ 1 ਸਾਲ ਲਈ ਫਿਲਮਾਂ ਤੋਂ ਦੂਰ ਰਹਿਣ ਦਾ ਫੈਸਲਾ ਕੀਤਾ ਹੈ। ਇਨਾਇਆ ਦੀ ਉਸ ਦੇ ਕਜ਼ਨ ਭਰਾ ਤੈਮੂਰ ਅਲੀ ਖਾਨ ਨਾਲ ਤੁਲਨਾ ਕੀਤੀ ਜਾਂਦੀ ਹੈ। ਕਿਊਟਨੈੱਸ ਦੇ ਮਾਮਲੇ 'ਚ ਦੋਵੇਂ ਸਟਾਰ ਕਿੱਡਜ਼ ਇਕ-ਦੂਜੇ ਨੂੰ ਸਖਤ ਟੱਕਰ ਦਿੰਦੇ ਹਨ।