ਮੁੰਬਈ (ਬਿਊਰੋ)— ਬਾਲੀਵੁੱਡ ਦੀ ਮਸ਼ਹੂਰ ਗਾਇਕਾ ਸੋਨਾ ਮਹਾਪਾਤਰਾ ਨੂੰ ਇਕ ਮੁਸਲਮਾਨ ਸੰਗਠਨ ਕੋਲੋ ਧਮਕੀ ਮਿਲੀ ਹੈ। ਸੰਗਠਨ ਨੇ ਉਨ੍ਹਾਂ ਨੂੰ ਆਪਣਾ ਮਿਊਜ਼ਿਕ ਵੀਡੀਓ ਵਾਪਿਸ ਲੈਣ ਲਈ ਕਿਹਾ ਹੈ। ਸੋਨਾ ਨੂੰ ਇਸ ਸੰਬੰਧ 'ਚ ਸੰਗਠਨ ਰਾਹੀਂ ਈ-ਮੇਲ ਰਾਹੀਂ ਨੋਟਿਸ ਵੀ ਭੇਜਿਆ ਗਿਆ ਹੈ। ਇਹ ਜਾਣਕਾਰੀ ਖੁਦ ਗਾਇਕਾ ਨੇ ਸੋਮਵਾਰ (30 ਅਪ੍ਰੈਲ) ਨੂੰ ਸੋਸ਼ਲ ਮੀਡੀਆ ਰਾਹੀ ਦਿੱਤੀ। ਉਨ੍ਹਾਂ ਨੇ ਇਸ ਨਾਲ ਮੁੰਬਈ ਪੁਲਸ ਨਾਲ ਮਾਮਲੇ 'ਚ ਮਦਦ ਦੀ ਮੰਗ ਕੀਤੀ ਹੈ। ਸੋਨਾ ਦਾ ਹਾਲ ਹੀ 'ਚ 'ਤੇਰੀ ਸੂਰਤ' ਐਲਬਮ ਲਾਂਚ ਹੋਇਆ ਹੈ। ਇਹ ਟ੍ਰੈਕ ਉਨ੍ਹਾਂ ਦੇ ਸਭ ਤੋਂ ਨਵੇਂ ਪ੍ਰੋਜੈਕਟ 'ਲਾਲ ਪਰੀ ਮਸਤਾਨੀ' ਦਾ ਹੈ। ਖਾਸ ਗੱਲ ਇਹ ਹੈ ਕਿ ਅਮੀਰ ਖੁਸਰੋ ਨੇ ਇਸ ਸੂਫੀ ਗੀਤ ਨੂੰ ਨਿਜਾਮੁੱਦੀਨ ਔਲੀਆ ਲਈ ਲਿਖਿਆ ਸੀ।
ਮਦਰਿਆ ਸੂਫੀ ਫਾਊਂਡੇਸ਼ਨ ਨਾਮ ਦੇ ਸੰਗਠਨ ਨੇ ਇਸ ਨੂੰ ਲੈ ਕੇ ਗਾਇਕਾ ਨੂੰ ਨੋਟਿਸ ਭੇਜਿਆ ਹੈ। ਸਿੰਗਰ ਨੇ ਇਸ ਸੰਬੰਧ ਵਿਚ ਸੋਮਵਾਰ (30 ਅਪ੍ਰੈਲ) ਨੂੰ ਕੁਝ ਟਵੀਟਸ ਅਤੇ ਫੇਸਬੁੱਕ ਪੋਸਟ ਕੀਤੇ। ਮੁੰਬਈ ਪੁਲਸ ਨੂੰ ਟੈਗ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, ''ਮੈਨੂੰ ਧਮਕੀ ਭਰਿਆ ਨੋਟਿਸ ਮਿਲਿਆ ਹੈ। ਮਦਰਿਆ ਸੂਫੀ ਫਾਊਂਡੇਸ਼ਨ ਨੇ ਇਸ ਨਾਲ ਮੰਗ ਕੀਤੀ ਹੈ ਕਿ ਮੈਂ ਆਪਣਾ ਇਕ ਮਿਊਜ਼ਿਕ ਵੀਡੀਓ ਵਾਪਸ ਲੈ ਲਵਾਂ, ਜਿਸ ਨੂੰ ਭਾਰਤੀ ਸੈਂਸਰ ਬੋਰਡ ਪਾਸ ਕਰ ਚੁੱਕਿਆ ਹੈ। ਉਨ੍ਹਾਂ ਦਾ ਦਾਅਵਾ ਹੈ ਕਿ ਇਹ ਵੀਡੀਓ ਅਸ਼ਲੀਲ ਹੈ ਅਤੇ ਇਸ ਦੇ ਕਾਰਨ ਸਾਂਪ੍ਰਦਾਇਕ ਤਨਾਅ ਪੈਦਾ ਹੋ ਸਕਦਾ ਹੈ।''
ਅਗਲੇ ਟਵੀਟ 'ਚ ਉਹ ਬੋਲੀ,''ਸੂਫੀ ਮਦਰਿਆ ਫਾਊਂਡੇਸ਼ਨ ਨੇ ਮੈਨੂੰ ਦੋਸ਼ੀ ਕਰਾਰ ਦਿੱਤਾ ਹੈ। ਕਿਹਾ ਹੈ ਕਿ ਉਨ੍ਹਾਂ ਨੂੰ ਮੇਰਾ ਪੰਜ ਸਾਲ ਪੁਰਾਣਾ ਇਕ ਵੀਡੀਓ- ''ਪਿਯਾ ਸੇ ਨੈਨਾ' ਮਿਲਿਆ ਹੈ, ਜਿਸ ਵਿਚ ਇਸਲਾਮ ਦੀ ਬਦਨਾਮੀ ਕੀਤੀ ਗਈ ਹੈ। ਕਾਰਨ ਮੈਂ ਉਸ ਦੌਰਾਨ ਪੂਰੇ ਕੱਪੜੇ ਨਹੀਂ ਪਹਿਨੇ ਸਨ ਅਤੇ ਵੈਸਟਰਨ ਮਿਊਜ਼ਿਕ ਨਾਲ ਗੀਤ ਗਾਇਆ ਸੀ।''
ਮੁੰਬਈ ਪੁਲਸ ਨੇ ਸੋਨਾ ਦੇ ਟਵੀਟਸ ਦਾ ਨੋਟਿਸ ਲੈ ਲਿਆ ਅਤੇ ਉਨ੍ਹਾਂ ਨੂੰ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਫਿਲਹਾਲ ਪੁਲਸ ਇਸ ਮਾਮਲੇ ਦੀ ਜਾਂਚ-ਪੜਤਾਲ ਕਰ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਿੰਗਰ ਨੂੰ ਇਸ ਤੋਂ ਪਹਿਲਾਂ ਸਲਮਾਨ ਵਿਵਾਦ ਨੂੰ ਲੈ ਕੇ ਰੇਪ, ਕਤਲ ਅਤੇ ਐਸਿਡ ਅਟੈਕ ਤੱਕ ਦੀਆਂ ਧਮਕੀਆਂ ਮਿਲ ਚੁੱਕੀਆਂ ਹਨ।
