ਮੁੰਬਈ(ਬਿਊਰੋ)- ਬਾਲੀਵੁੱਡ ਐਕਟਰ ਸੈਫ ਅਲੀ ਖਾਨ ਦੀ ਫਿਲਮ ‘ਲਾਲ ਕਪਤਾਨ’ ਦੇ ਹੁਣ ਤੱਕ ਦੋ ਟਰੇਲਰ ਰਿਲੀਜ਼ ਹੋ ਚੁੱਕੇ ਹਨ। ਇਸ ਦੇ ਪਹਿਲੇ ਟਰੇਲਰ ‘ਚ ਸੋਨਾਕਸ਼ੀ ਸਿਨਹਾ ਦੀ ਆਵਾਜ਼ ਸੁਣਨ ਨੂੰ ਮਿਲੀ ਸੀ ਪਰ ਬੀਤੇ ਦਿਨੀਂ ਸੋਨਾਕਸ਼ੀ ਦੇ ਫਿਲਮ ‘ਚ ਲੁੱਕ ਦੀ ਝਲਕ ਦੇਖਣ ਨੂੰ ਮਿਲੀ। ਨਿਰਮਾਤਾਵਾਂ ਨੇ ਸ਼ੁੱਕਰਵਾਰ ਨੂੰ ਸੋਨਾਕਸ਼ੀ ਦੀ ਫਸਟ ਲੁੱਕ ਨੂੰ ਰਿਲੀਜ਼ ਕੀਤਾ। ਜਿਸ ਬਾਰੇ ਡਾਇਰੈਕਟਰ ਨਵਦੀਪ ਸਿੰਘ ਨੇ ਕਿਹਾ ਕਿ ਫਿਲਮ ‘ਚ ਸੋਨਾਕਸ਼ੀ ਦੀ ਖਾਸ ਜਗ੍ਹਾ ਹੈ। ਫਿਲਮ ਦੇ ਆਫੀਸ਼ੀਅਲ ਪੋਸਟਰ ‘ਚ ਸੋਨਾਕਸ਼ੀ ਦਾ ਅੱਧਾ ਚਿਹਰਾ ਨਕਾਬ ਨਾਲ ਢੱਕਿਆ ਹੋਇਆ ਹੈ।
ਸੋਨਾਕਸ਼ੀ ਦੇ ਕਿਰਦਾਰ ਬਾਰੇ ਗੱਲ ਕਰਦੇ ਹੋਏ ਨਵਦੀਪ ਨੇ ਕਿਹਾ,‘‘ਇਹ ਇਕ ਅਹਿਮ ਕਿਰਦਾਰ ਹੈ। ਸਪੈਸ਼ਲ ਅਪੀਅਰੈਂਸ ਹੈ, ਪਰ ਬੇਹੱਦ ਜ਼ਰੂਰੀ। ਮੈਂ ਜ਼ਿਆਦ ਖੁਲਾਸਾ ਨਾ ਕਰਦੇ ਹੋਏ ਸਿਰਫ ਇਹ ਕਹਾਂਗਾ ਕਿ ਇਹ ਫਿਲਮ ‘ਚ ਗਲੈਮਰ ਜੁੜੇਗਾ।’’ ਫਿਲਮ ‘ਲਾਲ ਕਪਤਾਨ’ ‘ਚ ਸੈਫ ਅਲੀ ਖਾਨ ਲੀਡ ਕਿਰਦਾਰ ‘ਚ ਨਜ਼ਰ ਆਉਣਗੇ। ਇਹ ਫਿਲਮ 18 ਅਕਤੂਬਰ ਨੂੰ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਵੇਗੀ।