ਮੁੰਬਈ(ਬਿਊਰੋ)— ਫਿਲਮ 'ਜੰਨਤ' ਦੀ ਹੀਰੋਇਨ ਸੋਨਲ ਚੌਹਾਨ ਨੂੰ ਤਾਂ ਤੁਸੀਂ ਜਾਣਦੇ ਹੀ ਹੋਵੋਗੇ। ਬਾਲੀਵੁੱਡ ਦੀ ਖੂਬਸੂਰਤ ਅਤੇ ਬੋਲਡ ਅਦਾਕਾਰਾ ਸੋਨਲ ਚੌਹਾਨ ਬੇਸ਼ਕ ਅੱਜਕਲ ਲਾਈਮਲਾਈਟ ਤੋਂ ਦੂਰ ਹੈ ਪਰ ਮੀਡੀਆ 'ਤੇ ਉਨ੍ਹਾਂ ਦਾ ਕ੍ਰੇਜ਼ ਅੱਜ ਵੀ ਬਰਕਰਾਰ ਹੈ। ਸੋਨਲ ਚੌਹਾਨ ਦਾ ਅੱਜ ਆਪਣਾ 32ਵਾਂ ਜਨਮਦਿਨ ਮਨਾ ਰਹੀ ਹੈ। ਉਨ੍ਹਾਂ ਦੇ ਜਨਮਦਿਨ 'ਤੇ ਅੱਜ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਉਨ੍ਹਾਂ ਦੇ ਕੁਝ ਦਿਲਚਸਪ ਕਿੱਸਿਆਂ ਬਾਰੇ।
ਸੋਨਲ ਪਹਿਲੀ ਭਾਰਤੀ ਮਹਿਲਾ ਸੀ, ਜਿਸ ਨੂੰ ਮਿਸ ਵਰਲਡ ਟੂਰੀਜ਼ਮ 2005 ਦੇ ਖਿਤਾਬ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਸੋਨਲ ਨੂੰ ਪਹਿਲੀ ਵਾਰ ਹਿਮੇਸ਼ ਰੇਸ਼ਮੀਆ ਦੀ ਐਲਬਮ 'ਆਪ ਕਾ ਸਰੂਰ' 'ਚ ਦੇਖਿਆ ਗਿਆ ਸੀ। ਇਸ ਦੇ ਨਾਲ ਹੀ 2008 'ਚ ਸੋਨਲ ਨੂੰ 'ਜੰਨਤ' ਲਈ ਫਿਲਮਫੇਅਰ ਐਵਾਰਡ ਨਾਲ ਸਨਮਾਨਿਤ ਕੀਤਾ ਸੀ। ਸੋਨਮ ਚੌਹਾਨ ਨੂੰ ਇਮਰਾਨ ਹਾਸ਼ਮੀ ਦੀ ਫਿਲਮ 'ਜੰਨਤ' ਕਿਸਮਤ ਨਾਲ ਮਿਲੀ ਸੀ। ਫਿਲਮ ਦੇ ਨਿਰਦੇਸ਼ਕ ਕੁਣਾਲ ਦੇਸ਼ਮੁਖ ਨੇ ਸੋਨਲ ਨੂੰ ਮੁੰਬਈ ਦੇ ਇਕ ਰੈਸਟੋਰੈਂਟ 'ਚ ਦੇਖਿਆ ਸੀ ਅਤੇ ਇਕ ਹਫਤੇ ਦੇ ਅੰਦਰ ਹੀ ਆਪਣੀ ਫਿਲਮ 'ਚ ਕਾਸਟ ਕਰ ਲਿਆ ਸੀ। ਫਿਲਮਾਂ ਦੀ ਗੱਲ ਕਰੀਏ ਤਾਂ ਸੋਨਲ ਚੌਹਾਨ ਨੇ 'ਰੇਨਬੋ', 'ਬੁੱਢਾ ਹੋਗਾ ਤੇਰਾ ਬਾਪ', 'ਪਹਿਲਾ ਸਿਤਾਰਾ', 'ਥ੍ਰੀਡੀ' ਸਮੇਤ ਕਈ ਫਿਲਮਾਂ 'ਚ ਕੰਮ ਕੀਤਾ ਹੈ। ਸੋਨਲ ਨੇ ਸਾਊਥ ਦੀਆਂ ਕਈ ਫਿਲਮਾਂ 'ਚ ਵੀ ਆਪਣੇ ਅਭਿਨੈ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ।