ਮੁੰਬਈ(ਬਿਊਰੋ)— ਕੈਂਸਰ ਵਰਗੀ ਨਾਮੁਰਾਦ ਬੀਮਾਰੀ ਨੂੰ ਮਾਤ ਦੇ ਕੇ ਸੋਨਾਲੀ ਵਾਪਸ ਭਾਰਤ ਆ ਗਈ ਹੈ। ਪੰਜ ਮਹੀਨਿਆਂ ਤੱਕ ਸੋਨਾਲੀ ਦਾ ਅਮਰੀਕਾ 'ਚ ਇਲਾਜ਼ ਚੱਲ ਰਿਹਾ ਸੀ। ਐਤਵਾਰ ਦੇਰ ਰਾਤ ਪਤੀ ਗੋਲਡੀ ਬਹਿਲ ਨਾਲ ਸੋਨਾਲੀ ਮੁੰਬਈ ਏਅਰਪੋਰਟ 'ਤੇ ਪਹੁੰਚੀ ਤਾਂ ਉਸ ਦੇ ਚਿਹਰੇ 'ਤੇ ਖੁਸ਼ੀ ਸਾਫ ਝਲਕ ਰਹੀ ਸੀ, ਹਾਲਾਂਕਿ ਇਸ ਦੌਰਾਨ ਉਹ ਪਹਿਲਾਂ ਨਾਲੋਂ ਕਾਫੀ ਬਦਲੀ-ਬਦਲੀ ਦਿਖਾਈ ਦੇ ਰਹੀ ਸੀ ਕੈਂਸਰ ਦੇ ਇਲਾਜ਼ ਦੌਰਾਨ ਸੋਨਾਲੀ ਦੇ ਸਿਰ ਦੇ ਸਾਰੇ ਵਾਲ ਝੜ ਚੁੱਕੇ ਨੇ ਪਰ ਕੁਝ ਬਾਕੀ ਹੈ ਤਾਂ ਉਸ ਦਾ ਉਹ ਜਜ਼ਬਾ ਜਿਸ ਨਾਲ ਉਸ ਨੇ ਕੈਂਸਰ ਨੂੰ ਮਾਤ ਦੇ ਦਿੱਤੀ। ਮੀਡੀਆ ਤੇ ਫੈਨਜ਼ ਨੂੰ ਦੇਖ ਕੇ ਭਾਵੁਕ ਹੋਈ ਸੋਨਾਲੀ ਕੁਝ ਜ਼ਿਆਦਾ ਨਹੀਂ ਬੋਲ ਸਕੀ। ਉਸ ਨੇ ਹੱਥ ਜੋੜ ਕੇ ਸਿਰਫ ਲੋਕਾਂ ਦਾ ਧੰਨਵਾਦ ਕੀਤਾ ਤੇ ਇਸ ਨਾਲ ਉਸ ਦੇ ਫੈਨਜ਼ 'ਚ ਖੁਸ਼ੀ ਦੀ ਲਹਿਰ ਆ ਗਈ।