ਜਲੰਧਰ (ਬਿਊਰੋ)— ਸੋਨਮ ਬਾਜਵਾ ਦੇ ਫੈਨਜ਼ ਲਈ ਨਿਰਾਸ਼ਾ ਭਰੀ ਖਬਰ ਸਾਹਮਣੇ ਆਈ ਹੈ। ਪੰਜਾਬੀ ਫਿਲਮ ਇੰਡਸਟਰੀ ਦੀ ਬਲਾਕਬਸਟਰ ਫਿਲਮ 'ਮੰਜੇ ਬਿਸਤਰੇ' ਦਾ ਹਿੱਸਾ ਰਹੀ ਸੋਨਮ ਬਾਜਵਾ ਹੁਣ ਇਸ ਦੇ ਅਗਲੇ ਭਾਗ 'ਚ ਨਜ਼ਰ ਨਹੀਂ ਆਵੇਗੀ। ਜੀ ਹਾਂ, ਸੋਨਮ ਹੁਣ 'ਮੰਜੇ ਬਿਸਤਰੇ 2' ਫਿਲਮ ਦਾ ਹਿੱਸਾ ਨਹੀਂ ਰਹੀ। ਸੋਨਮ ਦੇ ਫਿਲਮ ਤੋਂ ਬਾਹਰ ਹੋਣ ਦਾ ਕਾਰਨ ਕੀ ਹੈ, ਇਹ ਅਜੇ ਸਾਹਮਣੇ ਨਹੀਂ ਆਇਆ ਹੈ। ਦੱਸਣਯੋਗ ਹੈ ਕਿ 'ਮੰਜੇ ਬਿਸਤਰੇ 2' ਫਿਲਮ ਦੀ ਸ਼ੂਟਿੰਗ ਕੈਨੇਡਾ 'ਚ ਚੱਲ ਰਹੀ ਹੈ। ਸੋਨਮ ਦੀ ਜਗ੍ਹਾ ਹੁਣ ਇਸ ਫਿਲਮ 'ਚ ਪਾਲੀਵੁੱਡ ਦੀ ਕਿਊਟ ਗਰਲ ਸਿਮੀ ਚਾਹਲ ਮੁੱਖ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ। ਸਿਮੀ ਚਾਹਲ ਨੇ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਨੂੰ ਕੈਨੇਡਾ 'ਚ ਬਲਜੀਤ ਸਿੰਘ ਦਿਓ ਡਾਇਰੈਕਟ ਕਰ ਰਹੇ ਹਨ। ਅਜਿਹਾ ਪਹਿਲੀ ਵਾਰ ਹੈ, ਜਦੋਂ ਸਿਮੀ ਚਾਹਲ ਦੇਸੀ ਰਾਕਸਟਾਰ ਗਿੱਪੀ ਗਰੇਵਾਲ ਦੇ ਆਪੋਜ਼ਿਟ ਨਜ਼ਰ ਆਵੇਗੀ। 'ਮੰਜੇ ਬਿਸਤਰੇ 2' ਫਿਲਮ 12 ਅਪ੍ਰੈਲ 2019 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ 'ਚ ਗਿੱਪੀ ਗਰੇਵਾਲ, ਸਿਮੀ ਚਾਹਲ, ਕਰਮਜੀਤ ਅਨਮੋਲ, ਗੁਰਪ੍ਰੀਤ ਘੁੱਗੀ ਸਮੇਤ ਕਈ ਹੋਰ ਸਿਤਾਰੇ ਅਹਿਮ ਭੂਮਿਕਾ ਨਿਭਾਅ ਰਹੇ ਹਨ।