ਮੁੰਬਈ (ਬਿਊਰੋ) — ਬਾਲੀਵੁੱਡ ਅਦਾਕਾਰਾ ਸੋਨਮ ਕਪੂਰ ਨੇ ਪਹਿਲੀ ਵਾਰ ਪਿਤਾ ਅਨਿਲ ਕਪੂਰ ਨਾਲ ਸਕ੍ਰੀਨ ਸ਼ੇਅਰ ਕੀਤੀ ਹੈ। ਦਰਅਸਲ ਹਾਲ ਹੀ 'ਚ ਸੋਨਮ ਦੀ ਫਿਲਮ 'ਏਕ ਲੜਕੀ ਕੋ ਦੇਖਾ ਤੋ ਐਸਾ ਲਗਾ' ਰਿਲੀਜ਼ ਹੋਈ ਹੈ, ਜਿਸ ਨੂੰ ਦਰਸ਼ਕਾਂ ਵਲੋਂ ਮਿਲਦਾ-ਜੁਲਦਾ ਹੀ ਹੁੰਗਾਰਾ ਮਿਲ ਰਿਹਾ ਹੈ।
ਦੱਸ ਦੀਏ ਕਿ ਕੁਝ ਦਿਨ ਪਹਿਲਾਂ ਇਸੇ ਫਿਲਮ ਦੀ ਪ੍ਰਮੋਸ਼ਨ ਦੌਰਾਨ ਸੋਨਮ ਇਕ ਈਵੈਂਟ 'ਚ ਪਹੁੰਚੀ ਸੀ। ਇਸ ਈਵੈਂਟ ਦੌਰਾਨ ਉਸ ਨੇ ਪੀਚ ਕਲਰ ਦੀ ਸਾੜ੍ਹੀ ਪਾਈ ਸੀ, ਜੋ ਬੇਹੱਦ ਖਾਸ ਸੀ। ਇਸ ਦਾ ਕਾਰਨ ਸੀ ਸੋਨਮ ਦਾ ਫਿਲਮ ਨੂੰ ਪ੍ਰਮੋਟ ਕਰਨ ਦਾ ਅਨੌਖਾ ਤਰੀਕਾ, ਜਿਸ ਲਈ ਤੁਸੀਂ ਵੀ ਉਸ ਦੀ ਤਾਰੀਫ ਕਰਦੇ ਨਹੀਂ ਥੱਕੋਗੇ।
ਪੀਚ ਕਲਰ ਦੀ ਸਾੜ੍ਹੀ 'ਚ ਸੋਨਮ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ ਤੇ ਉਸ 'ਤੇ ਕਾਲੇ ਰੰਗ 'ਚ ਕੁਝ ਪ੍ਰਿੰਟ ਹੋਇਆ ਸੀ। ਸਾੜ੍ਹੀ 'ਤੇ ਸੋਨਮ ਦਾ ਨਾਂ ਤੇ ਫਿਲਮ ਦਾ ਟਾਈਟਲ ਪ੍ਰਿੰਟ ਹੋਇਆ ਹੈ। ਸੋਨਮ ਦੀ ਸਾੜ੍ਹੀ 'ਤੇ ਇਸ ਨੂੰ ਪ੍ਰਿੰਟ ਕਰਨ ਵਾਲੀ ਕੰਪਨੀ ਦਾ ਨਾਂ ਵੀ ਛਪਿਆ ਹੈ। ਸੋਨਮ ਨੇ ਸਮਾਰਟ ਮੂਵ ਨਾਲ ਫਿਲਮ ਦਾ ਤੇ ਆਪਣੇ ਨਾਂ ਨੂੰ ਤਮਿਲ 'ਚ ਵੀ ਪ੍ਰਿੰਟ ਕਰਵਾਇਆ ਸੀ।
ਫਿਲਮ 'ਚ ਪਹਿਲੀ ਵਾਰ ਸੋਨਮ ਕਪੂਰ ਤੇ ਅਨਿਲ ਕਪੂਰ ਦੀ ਜੋੜੀ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਫਿਲਮ 'ਚ ਜੂਹੀ ਚਾਵਲਾ ਤੇ ਰਾਜਕੁਮਾਰ ਰਾਓ ਵੀ ਹਨ।