ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਰੀਆਂ ਸੋਨਮ ਕਪੂਰ ਤੇ ਜੈਕਲੀਨ ਫਰਨਾਂਡੀਜ਼ ਬੈਸਟ ਫ੍ਰੈਂਡਸ ਹਨ। ਦੋਹਾਂ ਦਾ ਤਾਲਮੇਲ ਕਈ ਈਵੈਂਟਸ 'ਤੇ ਨਜ਼ਰ ਆ ਚੁੱਕਾ ਹੈ। ਸਿਰਫ ਇਹੀ ਨਹੀਂ ਜੈਕਲੀਨ ਤਾਂ ਸੋਨਮ ਦੇ ਵਿਆਹ 'ਤੇ ਵੀ ਖੂਬ ਲਾਈਮਲਾਈਟ 'ਚ ਰਹੀ ਸੀ।
ਹਾਲ ਹੀ 'ਚ ਇਕ ਸ਼ੋਅ ਦੌਰਾਨ ਸੋਨਮ ਨੇ ਆਪਣੀ ਫ੍ਰੈਂਡ ਤੇ ਪਤੀ ਆਨੰਦ ਆਹੂਜਾ ਬਾਰੇ ਕਈ ਰਾਜ਼ ਖੋਲ੍ਹੇ। ਸੋਨਮ ਨੇ ਸ਼ੋਅ 'ਚ ਆਨੰਦ ਬਾਰੇ ਦੱਸਿਆ ਕਿ ਉਹ ਉਸ ਨੂੰ ਆਪਣੇ ਕਿਸੇ ਦੋਸਤ ਲਈ ਪਟਾਉਣ ਆਏ ਸਨ ਪਰ ਕਿਸਮਤ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ।
ਇਸ ਤੋਂ ਬਾਅਦ ਸੋਨਮ ਨੇ ਦੱਸਿਆ ਕਿ ਆਨੰਦ ਨੇ ਸੋਨਮ ਨੂੰ ਬਿਨਾਂ ਅੰਗੂਠੀ ਤੋਂ ਪ੍ਰਪੋਜ਼ ਕੀਤਾ ਸੀ। ਇਸੇ ਸ਼ੋਅ 'ਤੇ ਆਪਣੀ ਦੋਸਤ ਜੈਕਲੀਨ ਬਾਰੇ ਗੱਲ ਕਰਦੇ ਹੋਏ ਸੋਨਮ ਨੇ ਦੱਸਿਆ ਕਿ ਜੈਕਲੀਨ ਨੂੰ ਕਿਸ ਤਰ੍ਹਾਂ ਦੇ ਮੁੰਡੇ ਪਸੰਦ ਹਨ। ਸੋਨਮ ਨੇ ਦੱਸਿਆ ਕਿ ਜੈਕਲੀਨ ਨੂੰ ਡੇਟਿੰਗ ਐਪ 'ਤੇ ਆਉਣਾ ਚਾਹੀਦਾ ਹੈ।
ਇਸ ਤੋਂ ਬਾਅਦ ਸੋਨਮ ਨੇ ਦੱਸਿਆ ਕਿ ਜੈਕਲੀਨ ਨੂੰ ਕ੍ਰੀਏਟਿਵ ਤੇ ਨੈਚੂਰਲ ਫੋਟੋ ਪੋਸਟ ਕਰਨ ਵਾਲੇ ਮੁੰਡੇ ਪਸੰਦ ਹਨ। ਉਸ ਨੂੰ ਉਹ ਮੁੰਡੇ ਬਿਲਕੁਲ ਪਸੰਦ ਨਹੀਂ, ਜੋ ਆਪਣੀ ਪ੍ਰੋਫਾਈਲ 'ਤੇ ਜਿੰਮ ਵਰਕਆਉਟ ਤੇ ਸ਼ਰਟਲੈੱਸ ਤਸਵੀਰਾਂ ਲਾਉਂਦੇ ਹਨ।