ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸੋਨਮ ਕਪੂਰ ਅੱਜ ਆਪਣਾ 34ਵਾਂ ਜਨਮਦਿਨ ਮਨਾ ਰਹੀ ਹੈ। ਸੋਨਮ ਦਾ ਜਨਮ 9 ਜੂਨ, 1985 ਨੂੰ ਮੁੰਬਈ ਦੇ ਚੈਂਬੂਰ 'ਚ ਐਕਟਰ ਅਨਿਲ ਕਪੂਰ ਦੇ ਘਰ ਹੋਇਆ। ਸੋਨਮ ਕਪੂਰ ਆਪਣੇ ਬੇਬਾਕ ਅੰਦਾਜ਼ ਅਤੇ ਸਟਾਈਲ ਸੈਂਸ ਨੂੰ ਲੈ ਕੇ ਅਕਸਰ ਸੁਰਖੀਆਂ 'ਚ ਰਹਿੰਦੀ ਹੈ। ਅੱਜ ਸੋਨਮ ਦੇ ਬਰਥਡੇ 'ਤੇ ਜਾਣੋ ਉਨ੍ਹਾਂ ਦੀਆਂ ਹੀ ਕੁਝ ਖਾਸ ਗੱਲਾਂ...
ਮੋਟਾਪੇ ਕਾਰਨ ਹੋਇਆ ਸੀ ਬ੍ਰੇਅਕੱਪ
ਸੋਨਮ ਕਪੂਰ ਨੂੰ ਦੇਖ ਕੇ ਲੱਗਦਾ ਹੈ ਕਿ ਉਨ੍ਹਾਂ ਦੀ ਜ਼ਿੰਦਗੀ ਬਿਲਕੁੱਲ ਪ੍ਰਫੈਕਟ ਰਹੀ ਹੋਵੇਗਾ ਪਰ ਅਜਿਹਾ ਨਹੀਂ ਹੈ ਕਿਉਂਕਿ ਸੋਨਮ ਹਮੇਸ਼ਾ ਤੋਂ ਹੀ ਆਪਣੇ ਮੋਟਾਪੇ ਕਾਰਨ ਟ੍ਰੋਲਿੰਗ ਦਾ ਸ਼ਿਕਾਰ ਹੁੰਦੀ ਆਈ ਹੈ। ਸਿੰਗਾਪੁਰ 'ਚ ਪੜ੍ਹਾਈ ਦੌਰਾਨ ਉਸ ਦਾ ਭਾਰ ਵਧ ਗਿਆ ਸੀ। ਅਜਿਹੀਆਂ ਖਬਰਾਂ ਵੀ ਹਨ ਕਿ ਉਨ੍ਹਾਂ ਦੀ ਪੜ੍ਹਾਈ ਦੌਰਾਨ ਬੁਆਏਫਰੈਂਡ ਨੇ ਉਨ੍ਹਾਂ ਦੇ ਮੋਟਾਪੇ ਦਾ ਮਜ਼ਾਕ ਉਡਾਉਂਦੇ ਹੋਏ ਉਨ੍ਹਾਂ 'ਤੇ ਕੁਮੈਂਟ ਕੀਤਾ, ਜਿਸ ਤੋਂ ਬਾਅਦ ਸੋਨਮ ਨੂੰ ਇਹ ਸਮਝ ਆ ਗਿਆ ਕਿ ਉਹ ਲੜਕਾ ਉਸ ਦੀ ਇੱਜ਼ਤ ਨਹੀਂ ਕਰਦਾ ਹੈ ਫਿਰ ਸੋਨਮ ਨੇ ਉਸ ਨਾਲ ਬ੍ਰੇਅਕੱਪ ਕਰ ਲਿਆ।
ਰੈਸਟੋਰੈਂਟ 'ਚ ਵੇਟਰ ਦਾ ਜਾਬ
ਕਿਹਾ ਜਾਂਦਾ ਹੈ ਕਿ ਜਦੋਂ ਸੋਨਮ ਦਾ ਕਰੀਅਰ ਫਿਲਮਾਂ ਤੋਂ ਸ਼ੁਰੂ ਨਹੀਂ ਹੋਇਆ ਸਗੋਂ ਸੋਨਮ ਦੀ ਸਭ ਤੋਂ ਪਹਿਲੀ ਜਾਬ ਇਕ ਰੈਸਟੋਰੈਂਟ 'ਚ ਵੇਟਰ ਦੀ ਸੀ। ਇਹ ਕੰਮ ਉਨ੍ਹਾਂ ਨੇ ਸਿੰਗਾਪੁਰ 'ਚ ਆਪਣੀ 2 ਸਾਲਾਂ ਦੀ ਪੜ੍ਹਾਈ ਦੌਰਾਨ ਕੀਤੀ ਸੀ। ਸੋਨਮ ਹਮੇਸ਼ਾ ਤੋਂ ਹੀ ਇੰਡੀਪੈਂਡੇਂਟ ਰਹੀ ਹੈ। ਅਮੀਰ ਪਰਿਵਾਰ ਦੀ ਹੁੰਦੇ ਹੋਏ ਵੀ ਸੋਨਮ ਕਪੂਰ ਨੂੰ ਖੁਦ ਦਾ ਪੈਸਾ ਖਰਚ ਕਰਨਾ ਪਸੰਦ ਹੈ। ਇਸ ਲਈ ਉਹ ਪਾਰਟ ਟਾਈਮ ਕੰਮ ਕਰਕੇ ਆਪਣੀਆਂ ਜ਼ਰੂਰਤ ਦੀਆਂ ਚੀਜ਼ਾਂ ਖਰੀਦਦੀ ਸੀ।
ਅਦਾਕਾਰਾ ਨਹੀਂ ਬਣਨਾ ਚਾਹੁੰਦੀ ਸੀ ਸੋਨਮ
ਫਿਲਮੀ ਇੰਡਸਟਰੀ ਦੀ ਹੋਣ ਤੋਂ ਬਾਅਦ ਵੀ ਸੋਨਮ ਹਮੇਸ਼ਾ ਤੋਂ ਅਦਾਕਾਰਾ ਬਣਨ ਦਾ ਸ਼ੌਕ ਨਹੀਂ ਰੱਖਦੀ ਸੀ। ਹਾਲਾਂਕਿ ਸੋਨਮ 'ਬਲੈਕ' 'ਚ ਡਾਇਰੈਕਟਰ ਸੰਜੈ ਲੀਲਾ ਭੰਸਾਲੀ ਨੂੰ ਅਸਿਸਟ ਕਰ ਚੁੱਕੀ ਹੈ।
ਰਣਬੀਰ ਕਪੂਰ ਨਾਲ ਕੀਤਾ ਡੈਬਿਊ
ਸੋਨਮ ਨੇ ਸੰਜੈ ਲੀਲਾ ਭੰਸਾਲੀ ਦੀ ਫਿਲਮ 'ਸਾਂਵਰੀਆ' 'ਚ ਰਣਬੀਰ ਕਪੂਰ ਨਾਲ ਡੈਬਿਊ ਕੀਤਾ। ਇਸ ਫਿਲਮ ਤੋਂ ਹੀ ਲੋਕ ਸੋਨਮ ਦੀ ਖੂਬਸੂਰਤੀ ਦੇ ਦੀਵਾਨੇ ਹੋ ਗਏ। ਇਸ ਫਿਲਮ ਲਈ ਸੋਨਮ ਨੂੰ ਕਾਫੀ ਮਿਹਨਤ ਕਰਨੀ ਪਈ ਸੀ। ਦਰਅਸਲ, ਐਕਟਿੰਗ ਡੈਬਿਊ ਤੋਂ ਪਹਿਲੇ ਸੋਨਮ ਦੀ ਸਾਹਮਣੇ ਭਾਰ ਘੱਟ ਕਰਨ ਦੀ ਸ਼ਰਤ ਰੱਖੀ ਗਈ ਸੀ। ਡਾਇਰੈਕਟਰ ਸੰਜੈ ਲੀਲਾ ਭੰਸਾਲੀ ਦੀ ਸ਼ਰਤ 'ਤੇ ਸੋਨਮ ਨੇ ਕਰੀਬ 35 ਕਿਲੋ ਭਾਰ ਘੱਟ ਕੀਤਾ ਸੀ।
ਕੰਮ ਦੀ ਗੱਲ ਕਰੀਏ ਤਾਂ ਸੋਨਮ ਜਲਦੀ ਹੀ ਫਿਲਮ 'ਜੋਆ ਪੈਕਟਰ' 'ਚ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ 'ਚ ਉਨ੍ਹਾਂ ਨਾਲ ਦਲਕੀਰ ਸਲਮਾਨ ਨਜ਼ਰ ਆ ਰਹੇ ਹਨ। ਫਿਲਮ 'ਚ ਸੋਨਮ ਜੋਆ ਸੋਲੰਕੀ ਦਾ ਕਿਰਦਾਰ ਨਿਭਾਏਗੀ। ਇਹ ਫਿਲਮ ਇਸੇ ਸਾਲ 20 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ।
