ਮੁੰਬਈ (ਬਿਊਰੋ)— ਬਾਲੀਵੁੱਡ ਦੀਆਂ ਅਜਿਹੀਆਂ ਕਈ ਅਭਿਨੇਤਰੀਆਂ ਹਨ, ਜਿਨ੍ਹਾਂ ਨੇ ਪੰਜਾਬੀ ਰੀਤੀ-ਰਿਵਾਜਾਂ ਨਾਲ ਵਿਆਹ ਕਰ ਕੇ ਸਾਰਿਆ ਨੂੰ ਹੈਰਾਨ ਕਰ ਦਿੱਤਾ। ਇਨ੍ਹਾਂ ਅਭਿਨੇਤਰੀਆਂ ਦੇ ਲਾੜੇ ਵੀ ਪੰਜਾਬੀ ਹਨ। ਅੱਜ ਅਸੀਂ ਤੁਹਾਨੂੰ ਇਸ ਖਬਰ ਰਾਹੀਂ ਅਜਿਹੀਆਂ ਹੀ ਅਭਿਨੇਤਰੀਆਂ ਨਾਲ ਜਾਣੂ ਕਰਵਾਉਣ ਜਾ ਰਹੇ ਹਾਂ।
ਸੋਨਮ ਕਪੂਰ
ਬਾਲੀਵੁੱਡ ਅਭਿਨੇਤਰੀ ਅਨਿਲ ਕਪੂਰ ਦੀ ਬੇਟੀ ਅਦਾਕਾਰਾ ਸੋਨਮ ਕਪੂਰ ਨੇ ਬਿਜ਼ਨੈੱਸਮੈਨ ਆਨੰਦ ਆਹੂਜਾ ਨਾਲ 8 ਮਈ ਨੂੰ ਵਿਆਹ ਕੀਤਾ। ਦੋਹਾਂ ਨੇ ਪੰਜਾਬੀ ਰੀਤੀ-ਰਿਵਾਜਾਂ ਨਾਲ ਵਿਆਹ ਕੀਤਾ। ਗੁਰੂਦੁਆਰੇ 'ਚ ਇਨ੍ਹਾਂ ਦੇ ਵਿਆਹ ਦਾ ਆਨੰਦ ਕਾਰਜ ਹੋਇਆ।
ਨੇਹਾ ਧੂਪੀਆ
ਸੋਨਮ ਕਪੂਰ ਤੋਂ ਬਾਅਦ ਅਦਾਕਾਰਾ ਨੇਹਾ ਧੂਪੀਆ ਨੇ 10 ਮਈ ਨੂੰ ਬੈਸਟ ਫ੍ਰੈਂਡ ਅੰਗਦ ਬੇਦੀ ਨਾਲ ਵਿਆਹ ਕੀਤਾ। ਦੋਵੇਂ ਪੰਜਾਬੀ ਹਨ ਅਤੇ ਪੰਜਾਬੀ ਰਿਵਾਜਾਂ ਨਾਲ ਹੀ ਇਨ੍ਹਾਂ ਦਾ ਵਿਆਹ ਵੀ ਹੋਇਆ। ਇਨ੍ਹਾਂ ਦੇ ਵਿਆਹ ਦੇ ਆਨੰਦ ਕਾਰਜ ਦਿੱਲੀ ਦੇ ਇਕ ਗੁਰੂਦੁਆਰੇ 'ਚ ਹੋਏ।
ਹੇਜ਼ਲ ਕੀਚ
ਅਦਾਕਾਰਾ ਹੇਜ਼ਲ ਕੀਚ ਨੇ 30 ਨਵੰਬਰ 2016 ਨੂੰ ਯੁਵਰਾਜ ਸਿੰਘ ਨਾਲ ਵਿਆਹ ਕੀਤਾ। ਪੰਜਾਬ ਦੇ ਫਤਿਹਗੜ੍ਹ ਸਾਹਿਬ ਦੇ ਗੁਰੂਦੁਆਰੇ 'ਚ ਦੋਹਾਂ ਨੇ ਇਕ-ਦੂਜੇ ਨਾਲ ਲਾਵਾਂ ਲੈ ਕੇ ਆਪਣੀ ਨਵੀਂ ਪਾਰੀ ਦੀ ਸ਼ੁਰੂਆਤ ਕੀਤੀ। ਇਸ ਵਿਆਹ 'ਚ ਸਿਰਫ ਪਰਿਵਾਰ ਦੇ ਕਰੀਬੀ ਮੈਂਬਰਜ਼ ਨੇ ਹੀ ਸ਼ਿਰਕਤ ਕੀਤੀ ਸੀ।
ਗੀਤਾ ਬਸਰਾ
ਅਦਾਕਾਰਾ ਗੀਤਾ ਬਸਕਾ ਨੇ 29 ਅਕਤੂਬਰ 2005 ਨੂੰ ਕ੍ਰਿਕਟਰ ਹਰਭਜਨ ਸਿੰਘ ਨਾਲ ਵਿਆਹ ਕੀਤਾ। ਦੋਵੇਂ ਹੀ ਪੰਜਾਬੀ ਹਨ ਅਤੇ ਦੋਹਾਂ ਨੇ ਹੀ ਪੰਜਾਬੀ ਰੀਤੀ-ਰਿਵਾਜਾਂ ਨਾਲ ਗੁਰੂਦੁਆਰੇ 'ਚ ਵਿਆਹ ਕੀਤੀ ਸੀ।
ਗੁਲ ਪਨਾਗ
ਅਦਾਕਾਰਾ ਗੁਲ ਪਨਾਗ ਨੇ 13 ਮਾਰਚ 2011 ਨੂੰ ਏਅਰਲਾਈਨ ਪਾਇਲਟ ਰਸ਼ਿਤ ਅਤਰੀ ਨਾਲ ਵਿਆਹ ਕੀਤਾ ਸੀ। ਇਸ ਦਾ ਵਿਆਹ ਸਿੱਖ ਰੀਤੀ-ਰਿਵਾਜਾਂ ਨਾਲ ਚੰਡੀਗੜ੍ਹ ਦੇ ਇਕ ਗੁਰੂਦੁਆਰੇ 'ਚ ਹੋਇਆ ਸੀ।