ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸੋਨਮ ਕਪੂਰ ਦੀ ਸੰਗੀਤ ਸੈਰੇਮਨੀ ਸ਼ੁਰੂ ਹੋ ਗਈ ਹੈ। ਸੋਨਮ ਕਪੂਰ ਕੱਲ ਬੁਆਏਫਰੈਂਡ ਆਨੰਦ ਆਹੂਜਾ ਨਾਲ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੀ ਹੈ। ਸੰਗੀਤ ਸੈਰੇਮਨੀ ਸਿਗਨੇਚਰ ਆਈਲੈਂਡ ਬਾਂਦਰਾ 'ਚ ਹੋ ਰਹੀ ਹੈ। ਸੰਗੀਤ ਸੈਰੇਮਨੀ ਨੂੰ ਲੈ ਕੇ ਪੂਰਾ ਕਪੂਰ ਖਾਨਦਾਨ ਕਾਫੀ ਉਤਸ਼ਾਹਿਤ ਸੀ। ਇਸ ਮੌਕੇ ਨੂੰ ਖਾਸ ਬਣਾਉਣ ਲਈ ਪਰਿਵਾਰ ਦੇ ਹਰ ਵਿਅਕਤੀ ਨੇ ਖਾਸ ਤਿਆਰੀ ਕੀਤੀ ਹੈ। ਸੰਗੀਤ ਸੈਰੇਮਨੀ ਲਈ ਇੰਡੀਅਨ ਫੈਸਟਿਵ 'ਚ ਵਾਈਟ ਸ਼ੇਡ ਦਾ ਡਰੈੱਸ ਕੋਡ ਰੱਖਿਆ ਗਿਆ ਹੈ। ਬਾਲੀਵੁੱਡ ਦੀ ਮਸ਼ਹੂਰ ਕੋਰੀਓਗ੍ਰਾਫਰ ਫਰਾਹ ਖਾਨ ਨੇ ਸੋਨਮ ਕਪੂਰ ਦੇ ਸੰਗੀਤ ਦੀ ਤਿਆਰੀ ਕਰਵਾਈ ਹੈ। ਦੱਸਣਯੋਗ ਹੈ ਕਿ ਸੰਗੀਤ ਸੈਰੇਮਨੀ 'ਚ ਜਾਨਹਵੀ ਕਪੂਰ ਡਾਂਸ ਨਹੀਂ ਕਰੇਗੀ। ਜਾਨਹਵੀ ਤੋਂ ਇਲਾਵਾ ਉਸ ਦੀ ਭੈਣ ਖੁਸ਼ੀ ਵੀ ਇਸ ਸੈਰੇਮਨੀ 'ਚ ਡਾਂਸ ਨਹੀਂ ਕਰੇਗੀ। ਇਨ੍ਹਾਂ ਦੋਵਾਂ ਭੈਣਾਂ ਤੋਂ ਇਲਾਵਾ ਸੋਨਮ ਦੇ ਭਰਾ ਹਰਸ਼ਵਰਧਨ ਕਪੂਰ ਵਿਆਹ 'ਚ ਪੇਸ਼ਕਾਰੀ ਨਹੀਂ ਦੇਣਗੇ। ਉਥੇ ਕਰਨ ਜੌਹਰ ਸੋਨਮ ਦੀ ਫਿਲਮ 'ਪ੍ਰੇਮ ਰਤਨ ਧਨ ਪਾਓ' ਦੇ ਗੀਤ 'ਤੇ ਪੇਸ਼ਕਾਰੀ ਦੇਣਗੇ।
ਇਹ ਸਿਤਾਰੇ ਪਹੁੰਚੇ ਸੋਨਮ ਦੀ ਸੰਗੀਤ ਸੈਰੇਮਨੀ 'ਚ—
ਜਾਨਹਵੀ ਤੇ ਖੁਸ਼ੀ ਕਪੂਰ ਹਰਸ਼ਵਰਧਨ ਕਪੂਰ ਅਨਿਲ ਕਪੂਰ ਜੈਕਲੀਨ ਫਰਨਾਂਡੀਜ਼ ਮਸਾਬਾ ਗੁਪਤਾ ਮੋਹਿਤ ਮਰਵਾਹ ਆਪਣੀ ਪਤਨੀ ਅੰਤਾਰਾ ਨਾਲ ਸੰਜੇ ਕਪੂਰ ਸ਼ਿਲਪਾ ਸ਼ੈੱਟੀ ਸ਼ਰਧਾ ਕਪੂਰ ਦਾ ਭਰਾ ਸਿਧਾਂਤ ਕਪੂਰ ਫਰਾਹ ਖਾਨ ਅਰਜੁਨ ਕਪੂਰ ਸਵਰਾ ਭਾਸਕਰ ਕੈਟਰੀਨਾ ਕੈਫ ਰੇਖਾ ਕਰਨ ਜੌਹਰ ਤੇ ਰਾਣੀ ਮੁਖਰਜੀ