ਮੁੰਬਈ(ਬਿਊਰੋ)– ਮਹੇਸ਼ ਭੱਟ ਦੀ ਪਤਨੀ ਅਤੇ ਆਲੀਆ ਭੱਟ ਦੀ ਮਾਂ ਸੋਨੀ ਰਾਜਦਾਨ ਨੇ ਡੀ. ਐੱਸ. ਪੀ. ਦਵਿੰਦਰ ਸਿੰਘ ਅਤੇ ਅਫਜ਼ਲ ਗੁਰੂ ਨਾਲ ਜੁੜੀ ਇਕ ਖਬਰ ਸ਼ੇਅਰ ਕੀਤੀ ਹੈ, ਜਿਸ ਵਿਚ ਉਸ ਨੇ ਦੱਸਿਆ ਹੈ ਕਿ ਡੀ. ਐੱਸ. ਪੀ. ਦਵਿੰਦਰ ਸਿੰਘ ਨੇ ਮੈਨੂੰ ਟਾਰਚਰ ਕੀਤਾ ਸੀ ਅਤੇ ਕਿਹਾ ਸੀ ਕਿ ਮੈਨੂੰ ਉਸ ਲਈ ਇਕ ਛੋਟਾ ਜਿਹਾ ਕੰਮ ਕਰਨਾ ਹੈ।
ਸੋਨੀ ਰਾਜਦਾਨ ਨੇ ਟਵੀਟ ਕਰ ਕੇ ਲਿਖਿਆ,‘‘ਇਹ ਨਿਆਂ ਦਾ ਮਜ਼ਾਕ ਹੈ। ਕਿਹੜਾ ਉਸ ਮਰੇ ਹੋਏ ਇਨਸਾਨ ਨੂੰ ਵਾਪਸ ਲਿਆਏਗਾ ਅਤੇ ਬਾਅਦ ਵਿਚ ਇਹ ਪਤਾ ਚੱਲੇਗਾ ਕਿ ਉਹ ਨਿਰਦੋਸ਼ ਸੀ। ਇਸ ਲਈ ਕਦੇ ਵੀ ਮੌਤ ਦੀ ਸਜ਼ਾ ਨੂੰ ਸਾਧਾਰਨ ਢੰਗ ਨਾਲ ਨਹੀਂ ਲਿਆ ਜਾਣਾ ਚਾਹੀਦਾ। ਅਫਜ਼ਲ ਗੁਰੂ ਨੂੰ ਬਲੀ ਦਾ ਬੱਕਰਾ ਕਿਉਂ ਬਣਾਇਆ ਗਿਆ ਸੀ।’’ ਉਕਤ ਟਵੀਟ ਪਿੱਛੋਂ ਲੋਕਾਂ ਨੇ ਮਿਲੀ ਜੁਲੀ ਪ੍ਰਤੀਕਿਰਿਆ ਪ੍ਰਗਟ ਕੀਤੀ।