ਮੁੰਬਈ (ਬਿਊਰੋ)— ਅੱਜ ਬਾਲੀਵੁ੍ੱਡ ਦੀ ਮਸ਼ਹੂਰ ਅਦਾਕਾਰਾ ਸ਼੍ਰੀਦੇਵੀ ਦਾ ਜਨਮਦਿਨ ਹੈ। ਸ਼੍ਰੀਦੇਵੀ ਦਾ ਜਨਮ 13 ਅਗਸਤ 1963 ਨੂੰ ਮਦਰਾਸ 'ਚ ਹੋਇਆ ਸੀ। ਉਨ੍ਹਾਂ ਨੂੰ ਭਾਰਤੀ ਫਿਲਮ ਜਗਤ ਦੀ ਪਹਿਲੀ ਮਹਿਲਾ ਸੁਪਰਸਟਾਰ ਦੇ ਤੌਰ 'ਤੇ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਨੇ ਮਸ਼ਹੂਰ ਗੀਤ ''ਨਾ ਜਾਨੇ ਕਹਾਂ ਸੇ ਆਈ ਹੈ'' ਗੀਤ ਦੀ ਜਦੋਂ ਸ਼ੂਟਿੰਗ ਕੀਤੀ ਉਦੋ ਉਨ੍ਹਾਂ ਨੂੰ 103 ਡਿਗਰੀ ਬੁਖਾਰ ਸੀ। ਸ਼੍ਰੀਦੇਵੀ ਨੇ ਹਾਲੀਬੁੱਡ ਦੇ ਮਸ਼ਹੂਰ ਫਿਲਮ ਨਿਰਦੇਸ਼ਕ ਸਟੀਵਿਨ ਸਪੀਲਬਰਗ ਦੀ ਫਿਲਮ 'ਚ ਕੰਮ ਕਰਨ ਤੋਂ ਨਾ ਕਰ ਦਿੱਤੀ ਸੀ। ਫਿਲਮ 'ਜੁਰਾਸਿਕ ਪਾਰਕ' 'ਚ ਉਨ੍ਹਾਂ ਨੇ ਇਕ ਛੋਟਾ ਜਿਹਾ ਰੋਲ ਕਰਨਾ ਸੀ ਪਰ ਉਨ੍ਹਾਂ ਨੇ ਸ਼ਮੂਲੀਅਤ ਕਾਰਨ ਉਸ ਰੋਲ ਨੂੰ ਕਰਨਾ ਠੀਕ ਨਾ ਸਮਝਿਆ। ਸ਼੍ਰੀਦੇਵੀ ਨੇ ਆਪਣੀਆਂ ਦੋਵੇਂ ਬੇਟੀਆਂ ਖੁਸ਼ੀ ਅਤੇ ਜਾਨਹਵੀ ਦਾ ਨਾਮ ਕਿਸ ਤਰ੍ਹਾਂ ਰੱਖਿਆ ਇਸ ਦੇ ਪਿੱਛੇ ਦਾ ਕਿੱਸਾ ਵੀ ਬਹੁਤ ਦਿਲਚਸਪ ਹੈ। ਦੋਵਾਂ ਦਾ ਨਾਮ ਸ਼੍ਰੀਦੇਵੀ ਨੇ ਫਿਲਮ 'ਜੁਦਾਈ' ਅਤੇ 'ਹਮਾਰਾ ਦਿਲ ਆਪਕੇ ਪਾਸ ਹੈ' ਦੀ ਹੀਰੋਈਨਾਂ ਦੇ ਨਾਮ 'ਤੇ ਰੱਖਿਆ। ਬਹੁਤ ਘੱਟ ਲੋਕਾਂ ਨੂੰ ਇਹ ਪਤਾ ਹੋਵੇਗਾ ਕਿ ਸ਼੍ਰੀਦੇਵੀ ਨੇ ਬਤੌਰ ਗਾਇਕ ਦੇ ਤੌਰ 'ਤੇ ਵੀ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਫਿਲਮ 'ਚਾਂਦਨੀ' ਅਤੇ 'ਸਦਮਾ' 'ਚ ਗੀਤ ਗਾਏ ਸੀ। ਸ਼ੁਰੂਆਤ 'ਚ ਜਦੋਂ ਸ਼੍ਰੀਦੇਵੀ ਸਾਊਥ 'ਚ ਆਈ ਸੀ ਤਾਂ ਉਨ੍ਹਾਂ ਦੀ ਆਵਾਜ਼ ਡਬ ਕੀਤੀ ਜਾਂਦੀ ਸੀ। ਫਿਲਮ 'ਆਖਿਰੀ ਰਾਸਤਾ' 'ਚ ਉਨ੍ਹਾਂ ਦੀ ਆਵਾਜ਼ ਦੀ ਡਬਿੰਗ ਸਦਾਬਹਾਰ ਅਭਿਨੇਤਰੀ ਰੇਖਾ ਨੇ ਕੀਤੀ ਸੀ। ਨਾਜ ਨੇ ਵੀ ਉਨ੍ਹਾਂ ਦੀਆਂ ਫਿਲਮਾਂ 'ਚ ਡਬਿੰਗ ਕੀਤੀ ਸੀ।