ਨਵੀਂ ਦਿੱਲੀ(ਬਿਊਰੋ)— ਸ਼੍ਰੀਦੇਵੀ 28 ਫਰਵਰੀ ਨੂੰ ਪੰਜ ਤੱਤਾਂ 'ਚ ਵਿਲੀਨ ਹੋ ਗਈ। ਉਹ ਆਪਣੇ ਪਿੱਛੇ ਦੋ ਬੇਟੀਆਂ ਜਾਹਨਵੀ ਕਪੂਰ ਤੇ ਖੁਸ਼ੀ ਕਪੂਰ ਨੂੰ ਛੱਡ ਗਈ ਹੈ। ਸ਼੍ਰੀਦੇਵੀ ਦੀ ਅੰਤਿਮ ਯਾਤਰਾ ਬਹੁਤ ਭਾਵੁਕ ਸੀ। ਉਨ੍ਹਾਂ ਨੂੰ ਅੰਤਿਮ ਵਿਦਾਈ ਦੇਣ ਪੂਰਾ ਬਾਲੀਵੁੱਡ ਜਗਤ ਪੁੱਜਾ ਸੀ। ਇਨ੍ਹਾਂ 'ਚੋਂ ਹੀ ਇਕ ਸੁਸ਼ਮਿਤਾ ਸੇਨ ਸੀ, ਜਿਸ ਨੇ ਸੋਸ਼ਲ ਮੀਡੀਆ 'ਤੇ ਸ਼੍ਰੀਦੇਵੀ ਦੀਆਂ ਦੋਵੇਂ ਬੇਟੀਆਂ ਦੀ ਹਿੰਮਤ ਦੀ ਤਾਰੀਫ ਕੀਤੀ ਹੈ।
ਸੁਸ਼ਮਿਤਾ ਸੇਨ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਪੋਸਟ 'ਚ ਲਿਖਿਆ, ''ਉਸ ਮਹਿਲਾ ਨੂੰ ਮੈਂ ਗੁੱਡ ਬਾਏ ਆਖ ਦਿੱਤਾ, ਜਿਸ ਨੇ ਮੈਨੂੰ 14 ਸਾਲ ਦੀ ਉਮਰ 'ਚ ਇਸਪਾਇਰ ਕੀਤਾ ਸੀ। ਅੱਜ ਪ੍ਰੇਅਰ ਮੀਟ 'ਚ ਮੈਂ ਮੈਡਮ ਦੀ ਤਾਕਤ ਨੂੰ ਉਨ੍ਹਾਂ ਦੀਆਂ ਦੋਵੇਂ ਬੇਟੀਆਂ 'ਚ ਉਨ੍ਹਾਂ ਦੇ ਪਾਲਣ-ਪੋਸ਼ਣ ਦੇ ਤਰੀਕੇ ਨੂੰ ਪਾਇਆ। ਉਨ੍ਹਾਂ ਨੇ ਬਹੁਤ ਹਿੰਮਤ ਦਿਖਾਈ।''
ਸ਼੍ਰੀਦੇਵੀ ਦੇ ਅੰਤਿਮ ਦਰਸ਼ਨ ਲਈ ਸ਼ਾਹਰੁਖ ਖਾਨ, ਜਯਾ ਬੱਚਨ, ਐਸ਼ਵਰਿਆ ਰਾਏ ਬੱਚਨ, ਅਮਿਤਾਭ ਬੱਚਨ, ਅਨੁਪਮ ਖੇਰ ਵਰਗੇ ਸਿਤਾਰੇ ਪੁੱਜੇ ਸਨ। ਇਸ ਦੁੱਖ ਦੀ ਘੜੀ 'ਚ ਪੂਰਾ ਕਪੂਰ ਖਾਨਦਾਨ ਬੋਨੀ ਕਪੂਰ ਤੇ ਉਸ ਦੀਆਂ ਦੋ ਬੇਟੀਆਂ ਨਾਲ ਖੜ੍ਹਾ ਰਿਹਾ। ਬੋਨੀ ਕਪੂਰ ਦੀ ਪਹਿਲੀ ਪਤਨੀ ਦੇ ਬੱਚੇ ਅਰਜੁਨ ਕਪੂਰ, ਅੰਸ਼ੁਲਾ ਵੀ ਪੂਰੇ ਸਮੇਂ ਨਾਲ ਖੜ੍ਹੇ ਨਜ਼ਰ ਆਏ।
ਦੱਸਣਯੋਗ ਹੈ ਕਿ ਸ਼੍ਰੀਦੇਵੀ ਦੀ ਬੇਟੀ ਜਾਹਨਵੀ ਕਪੂਰ 21 ਸਾਲ ਦੀ ਹੈ ਤੇ ਫਿਲਮ 'ਧੜਕ' ਨਾਲ ਬਾਲੀਵੁੱਡ ਕਰਨ ਵਾਲੀ ਹੈ। ਫਿਲਮ ਇਸ ਸਾਲ ਜੁਲਾਈ 'ਚ ਰਿਲੀਜ਼ ਹੋਵੇਗੀ। ਦੂਜੀ ਬੇਟੀ ਖੁਸ਼ੀ ਕਪੂਰ ਅਜੇ ਸਿਰਫ 17 ਸਾਲ ਦੀ ਹੈ।