ਮੁੰਬਈ (ਬਿਊਰੋ) — ਸ਼੍ਰੀਦੇਵੀ ਨੂੰ ਇਸ ਦੁਨੀਆ ਤੋਂ ਗਏ ਅੱਜ ਪੂਰਾ ਇਕ ਸਾਲ ਹੋ ਚੁੱਕਾ ਹੈ। ਦੱਸ ਦੇਈਏ ਕਿ 24 ਫਰਵਰੀ ਯਾਨੀ ਅੱਜ ਉਨ੍ਹਾਂ ਦੀ ਪਹਿਲੀ ਬਰਸੀ ਹੈ। ਫੈਨਜ਼ ਦੇ ਦਿਲਾਂ 'ਚ ਅੱਜ ਵੀ ਸ਼੍ਰੀਦੇਵੀ ਜਿੰਦਾ ਹੈ। ਇਸੇ ਤਰ੍ਹਾਂ ਉਨ੍ਹਾਂ ਦਾ ਪਰਿਵਾਰ ਵੀ ਉਨ੍ਹਾਂ ਨੂੰ ਨਹੀਂ ਭੁਲਾ ਪਾ ਰਿਹਾ।
ਅੱਜ ਵੀ ਸ਼੍ਰੀਦੇਵੀ ਦੀ ਪਹਿਲੀ ਬਰਸੀ 'ਤੇ ਉਨ੍ਹਾਂ ਦੀ ਇਕ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਬੋਨੀ ਕਪੂਰ ਨੇ ਆਪਣੇ ਵਿਆਹ ਦੀ 22ਵੀਂ ਵਰ੍ਹੇਗੰਢ 'ਤੇ ਸ਼ੇਅਰ ਕੀਤੀ ਸੀ।
ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਬੋਨੀ ਕਪੂਰ ਨੇ ਦੱਸਿਆ ਸੀ ਕਿ ਇਹ ਸ਼੍ਰੀਦੇਵੀ ਨਾਲ ਬਿਤਾਇਆ ਗਿਆ ਆਖਰੀ ਪਲ ਹੈ। ਬੋਨੀ ਕਪੂਰ ਨੇ ਸ਼੍ਰੀਦੇਵੀ ਦੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੂੰ ਯਾਦ ਕੀਤਾ ਤੇ ਆਪਣੇ ਦਿਲ ਦੀ ਗੱਲ ਲਿਖੀ।
ਸ਼੍ਰੀਦੇਵੀ ਦੀ ਬਰਸੀ 'ਤੇ ਰੱਖੀ ਸੀ ਖਾਸ ਪੂਜਾ
ਸ਼੍ਰੀਦੇਵੀ ਦੀ ਬਰਚੀ 'ਤੇ 14 ਫਰਵਰੀ ਨੂੰ ਚੇਨਈ 'ਚ ਇਕ ਵਿਸ਼ੇਸ਼ ਪੂਜਾ ਰੱਖੀ ਗਈ ਸੀ। ਇਸ ਪੂਜਾ 'ਚ ਸ਼੍ਰੀਦੇਵੀ ਦਾ ਪੂਰਾ ਪਰਿਵਾਰ ਸ਼ਾਮਲ ਸੀ। ਦਰਅਸਲ ਹਿੰਦੂ ਕੈਲੰਡਰ ਦੇ ਹਿਸਾਬ ਨਾਲ 14 ਫਰਵਰੀ ਨੂੰ ਉਨ੍ਹਾਂ ਦੀ ਬਰਸੀ ਸੀ।
ਇਸ ਪੂਜਾ 'ਚ ਸ਼੍ਰੀਦੇਵੀ ਦਾ ਪੂਰਾ ਪਰਿਵਾਰ ਕਾਫੀ ਭਾਵੁਕ ਨਜ਼ਰ ਆਇਆ ਸੀ। ਸ਼੍ਰੀਦੇਵੀ ਦੀ ਧੀ ਜਾਹਨਵੀ ਕਪੂਰ ਆਪਣੇ ਹੰਝੂ ਰੋਕ ਨਾ ਸਕੀ ਸੀ।
ਭਾਣਜੇ ਦੇ ਵਿਆਹ ਲਈ ਦੁਬਈ ਪਹੁੰਚੀ ਸੀ ਸ਼੍ਰੀਦੇਵੀ
ਦੱਸ ਦੇਈਏ ਕਿ ਪਿਛਲੇ ਸਾਲ ਸ਼੍ਰੀਦੇਵੀ ਆਪਣੇ ਭਾਣਜੇ ਮੋਹਿਤ ਮਾਰਵਾਹ ਦੇ ਵਿਆਹ ਲਈ ਦੁਬਈ ਗਈ ਸੀ। ਉਥੇ ਹੀ ਹੋਟਲ ਦੇ ਕਮਰੇ ਦੇ ਬਾਥਰੂਮ 'ਚ ਡੁੱਬਣ ਨਾਲ ਉਨ੍ਹਾਂ ਦੀ ਮੌਤ ਹੋਈ ਸੀ। ਉਸ ਸਮੇਂ ਬੋਨੀ ਕਪੂਰ ਕਮਰੇ 'ਚ ਮੌਜੂਦ ਸਨ।