ਮੁੰਬਈ(ਬਿਊਰੋ)— ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' 'ਚ ਇਨ੍ਹੀਂ ਦਿਨੀਂ ਕਾਫੀ ਧਮਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਬੀਤੇ ਐਪੀਸੋਡ 'ਚ 'ਵੀਕੈਂਡ ਕਾ ਵਾਰ' 'ਚ ਬਹੁਤ ਮਸਤੀ ਦੇਖਣ ਨੂੰ ਮਿਲੀ। ਸ਼ੋਅ 'ਚ ਗੈਸਟ ਦੇ ਰੂਪ 'ਚ ਸੀਰੀਅਲ 'ਨਾਗਿਨ 3' ਦੀ ਸਟਾਰਕਾਸਟ ਪਹੁੰਚੀ।
ਬੀਤੇ ਦਿਨ ਦੇ ਐਪੀਸੋਡ 'ਚ ਕਾਮਿਆ ਨੇ ਮੇਘਾ, ਬੇਲਾ ਨੇ ਦੀਪਿਕਾ, ਮਾਹਿਰ ਨੇ ਸ਼੍ਰੀਸੰਤ, ਬੇਪਨਾਹ 'ਚ ਆਦਿਤਯ ਦਾ ਰੋਲ ਕਰਨ ਵਾਲੇ ਹਰਸ਼ਦ ਕਰਣਵੀਰ ਅਤੇ ਅਨੀਤਾ ਸੋਮੀ ਦੇ ਰੋਲ 'ਚ ਦਿਖਾਈ ਦਿੱਤੇ। ਸ਼ੋਅ 'ਚ ਇਨ੍ਹਾਂ ਸਾਰੇ ਕਿਰਦਾਰਾਂ ਨੇ ਬਿੱਗ ਬੌਸ ਦੇ ਘਰਵਾਲਿਆਂ ਦੀ ਖੂਬ ਐਕਟਿੰਗ ਕੀਤੀ ਅਤੇ ਦਰਸ਼ਕਾਂ ਦਾ ਕਾਫੀ ਮਨੋਰੰਜਨ ਕੀਤਾ।
ਇਸ ਦੌਰਾਨ ਉਹ ਘਰ 'ਚ ਲੜਾਈ ਕਰਦੇ ਵੀ ਦਿਖੇ। ਇਸ ਤੋਂ ਬਾਅਦ ਰੋਹਿਤ ਅਤੇ ਕਰਣਵੀਰ ਨੇ ਦੇਸੀ ਬੁਆਏ 'ਤੇ ਸ਼ਰਟਲੈੱਸ ਹੋ ਕੇ ਡਾਂਸ ਕੀਤਾ ਅਤੇ ਸਾਰਿਆਂ ਨੂੰ ਆਪਣਾ ਦੀਵਾਨਾ ਬਣਾ ਲਿਆ।
ਦੀਪਿਕਾ ਨੇ ਸਿੰਗਰ ਕੈਲਾਸ਼ ਖੇਰ ਦਾ ਗੀਤ 'ਤੇਰੀ ਦੀਵਾਨੀ' ਗੀਤ ਗਾਇਆ ਅਤੇ ਉਨ੍ਹਾਂ ਦੇ ਗੀਤ 'ਤੇ ਸਾਰੇ ਘਰਵਾਲੇ ਅਤੇ ਨਾਗਿਨ ਸਟਾਰਕਾਸਟ ਝੂਮ ਉੱਠੀ। ਇਸ ਤੋਂ ਬਾਅਦ ਸ਼੍ਰੀਸੰਤ ਨੇ ਆਪਣੇ ਜ਼ਬਰਦਸਤ ਡਾਂਸ ਮੂਵਸ ਨਾਲ ਘਰਵਾਲਿਆਂ ਦਾ ਦਿਲ ਜਿੱਤ ਲਿਆ।
ਇਸ ਤੋਂ ਬਾਅਦ ਸਲਮਾਨ ਸੁਲਤਾਨੀ ਅਖਾੜੇ ਲਈ ਸੁਰਭੀ ਅਤੇ ਰੋਮਿਲ ਨੂੰ ਬੁਲਾਉਂਦੇ ਹਨ। ਸੁਲਤਾਨੀ ਅਖਾੜੇ 'ਚ ਸੁਰਭੀ ਦੀ ਥਾਂ ਰਿੰਗ 'ਚ ਕਰਣਵੀਰ ਉੱਤਰਨ ਲਈ ਚੁਣੇ ਜਾਂਦੇ ਹਨ। ਪਹਿਲਾ ਰਾਊਂਡ ਰੋਮਿਲ ਜਿੱਤਦੇ ਹਨ। ਇਸ ਤੋਂ ਬਾਅਦ ਦੂਜਾ ਰਾਊਂਡ ਵੀ ਰੋਮਿਲ ਜਿੱਤ ਜਾਂਦੇ ਹਨ।
ਸਲਮਾਨ ਨਾਲ ਵਿਆਹ ਕਰਨ ਲਈ ਅਨੀਤਾ ਹਸਨਨੰਦਾਨੀ ਅਤੇ ਸੁਰਭੀ ਉਤਾਵਲੀਆਂ ਹੁੰਦੀਆਂ ਹਨ। ਇਸ ਤੋਂ ਬਾਅਦ ਦੋਵਾਂ ਨਾਗਿਨਾਂ ਵਿਚਕਾਰ ਮੰਚ 'ਤੇ ਦੰਗਲ ਹੁੰਦਾ ਹੈ। ਸੁਰਭੀ ਅਤੇ ਅਨੀਤਾ ਆਪਣੀਆਂ-ਆਪਣੀਆਂ ਖੂਬੀਆਂ ਗਿਣਾਉਂਦੀਆਂ ਹਨ।
ਇਸ ਤੋਂ ਬਾਅਦ ਸਲਮਾਨ ਦੋਵਾਂ ਅਦਾਕਾਰਾਂ ਦੀਆਂ ਅੱਖਾਂ 'ਤੇ ਕਾਲੀ ਪੱਟੀ ਬੰਨ੍ਹ ਕੇ ਆਪਣੇ-ਆਪ (ਸਲਮਾਨ) ਨੂੰ ਲੱਭਣ ਲਈ ਕਹਿੰਦੇ ਹਨ। ਦੋਵੇਂ ਹੀ ਸਲਮਾਨ ਖਾਨ ਦੇ ਗਲੇ 'ਚ ਹਾਰ ਪਾਉਂਦੀਆਂ ਹਨ ਅਤੇ ਡਾਂਸ ਵੀ ਕਰਦੀਆਂ ਹਨ।
ਉੱਥੇ ਹੀ ਘਰ 'ਚ ਜ਼ਿਆਦਾਤਰ ਘਰਵਾਲਿਆਂ ਨੂੰ ਲੱਗਦਾ ਹੈ ਕਿ ਜਸਲੀਨ ਬਾਹਰ ਜਾਣ ਵਾਲੀ ਹੈ। ਸਿਰਫ ਦੀਪਿਕਾ ਹੀ ਸ੍ਰਿਸ਼ਟੀ ਦਾ ਨਾਮ ਲੈਂਦੀ ਹੈ ਅਤੇ ਇਸ ਤੋਂ ਬਾਅਦ ਉਹ ਬੇਘਰ ਹੋ ਜਾਂਦੀ ਹੈ। ਘਰ 'ਚ ਸਾਰੇ ਭਾਵੁਕ ਹੋ ਜਾਂਦੇ ਹਨ। ਦੀਪਕ ਰੋਮਿਲ ਦੀ ਖਿੰਚਾਈ ਕਰਦੇ ਹਨ। ਉੱਥੇ ਹੀ ਸੁਰਭੀ ਅਤੇ ਰੋਮਿਲ ਵਿਚਕਾਰ ਲੜਾਈ ਹੁੰਦੀ ਹੈ।
