ਮੁੰਬਈ (ਬਿਊਰੋ)— ਮਾਰਵਲ ਕਾਮਿਕਸ ਦੇ ਪ੍ਰਮੁੱਖ ਸਟੇਨ ਲੀ ਦੇ ਦਿਹਾਂਤ ਦੀ ਖਬਰ ਨਾਲ ਪੂਰਾ ਮਨੋਰੰਜਨ ਜਗਤ ਸਦਮੇ 'ਚ ਹੈ। ਹਾਲੀਵੁੱਡ ਤੋਂ ਲੈ ਕੇ ਬਾਲੀਵੁੱਡ ਤੱਕ ਸਾਰੇ ਸੈਲੇਬਸ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ 'ਤੇ ਦੁੱਖ ਪ੍ਰਗਟਾ ਰਹੇ ਹਨ। ਉੱਥੇ ਹੀ ਬਾਲੀਵੁੱਡ ਫਿਲਮ ਇੰਡਸਟਰੀ 'ਚ ਸੋਨਮ ਕਪੂਰ, ਸ਼ੇਖਰ ਕਪੂਰ, ਆਥੀਆ ਸ਼ੈੱਟੀ ਅਤੇ ਅਰਜੁਨ ਕਪੂਰ ਵਰਗੇ ਸਟਾਰਜ਼ ਨੇ ਸੋਸ਼ਲ ਮੀਡੀਆ ਰਾਹੀਂ ਸਟੇਨ ਲੀ ਨੂੰ ਸ਼ਰਧਾਂਜਲੀ ਦਿੱਤੀ।
ਤੁਹਾਨੂੰ ਦੱਸ ਦੇਈਏ ਦੁਨੀਆ ਭਰ ਨੂੰ 'ਸਪਾਈਡਰ ਮੈਨ', 'ਆਯਰਨ ਮੈਨ', 'ਦਿ ਹੁਲਕ' ਵਰਗੇ ਸੁਪਰਹੀਰੋਜ਼ ਦੀ ਸੌਗਾਤ ਦੇਣ ਵਾਲੇ ਸਟੇਨ ਲੀ ਦਾ 95 ਸਾਲ ਦੀ ਉਮਰ 'ਚ ਦਿਹਾਂਤ ਹੋ ਗਿਆ। ਉਹ ਕਾਮਿਕ ਬੁੱਕ ਰਾਈਟਰ ਅਤੇ ਐਡੀਟਰ ਸਨ। ਉਨ੍ਹਾਂ ਦੇ ਕਾਮਿਕ ਕਿਰਦਾਰਾਂ ਨੂੰ ਫਿਲਮਾਂ ਰਾਹੀਂ ਵੀ ਪੇਸ਼ ਕੀਤਾ ਗਿਆ। ਸਟੇਨ ਲੀ ਦੀ ਬੇਟੀ ਨੇ ਉਨ੍ਹਾਂ ਦੇ ਦਿਹਾਂਤ ਦੀ ਜਾਣਕਾਰੀ ਦਿੱਤੀ। ਹਾਲਾਂਕਿ ਉਸ ਨੇ ਸਟੇਨ ਲੀ ਦੇ ਦਿਹਾਂਤ ਦੀ ਵਜ੍ਹਾ ਦਾ ਜ਼ਿਕਰ ਨਹੀਂ ਕੀਤਾ।
ਹਾਲੀਵੁੱਡ ਨੇ ਵੀ ਸਟੇਨ ਲੀ ਦੇ ਕਿਰਦਾਰਾਂ ਨੂੰ ਫਿਲਮਾਂ ਦੇ ਰੂਪ 'ਚ ਪੇਸ਼ ਕੀਤਾ। 'ਬਲੈਕ ਪੈਂਥਰ', 'ਦਿ ਅਵੈਂਜਰਸ', 'ਥੌਰ', 'ਸਪਾਈਡਰ ਮੈਨ', 'ਆਇਰਨ ਮੈਨ' ਵਰਗੀਆਂ ਫਿਲਮਾਂ ਬਣੀਆਂ। ਇਨ੍ਹਾਂ ਸਭ ਫਿਲਮਾਂ ਨੂੰ ਦੁਨੀਆ ਭਰ 'ਚ ਕਾਫੀ ਪਸੰਦ ਕੀਤਾ ਗਿਆ। ਇਨ੍ਹਾਂ ਸਭ ਫਿਲਮਾਂ ਨੇ ਖੂਬ ਕਮਾਈ ਕੀਤੀ। ਉੱਥੇ ਹੀ ਇਹ ਸਾਰੇ ਕਿਰਦਾਰ ਬੱਚਿਆਂ ਦੇ ਪਸੰਦੀਦਾ ਬਣ ਗਏ।