ਮੁੰਬਈ(ਬਿਊਰੋ)— ਆਲੀਆ ਭੱਟ ਲਗਾਤਾਰ ਹਿੱਟ ਫਿਲਮਾਂ ਦੇ ਕੇ ਟਾਪ ਅਭਿਨੇਤਰੀਆਂ 'ਚ ਸ਼ਾਮਿਲ ਹੋ ਗਈ ਹੈ। ਆਲੀਆ ਭੱਟ ਆਪਣੇ 6 ਸਾਲ ਦੇ ਕਰੀਅਰ 'ਚ ਇੰਨੀ ਸਫਲਤਾ ਹਾਸਲ ਕਰ ਚੁੱਕੀ ਹੈ ਕਿ ਉਹ ਫੀਸ ਦੇ ਮਾਮਲੇ 'ਚ ਕਈ ਸੀਨੀਅਰ ਅਦਾਕਾਰਾਂ ਨੂੰ ਟੱਕਰ ਦੇ ਰਹੀ ਹੈ। ਹਾਲ ਹੀ 'ਚ ਖਬਰ ਆਈ ਸੀ ਕਿ ਆਲੀਆ ਨੇ ਨਵਾ ਘਰ ਖਰੀਦਿਆ ਹੈ। ਹੁਣ ਇਕ ਵੀਡੀਓ ਸ਼ੇਅਰ ਕਰ ਆਲੀਆ ਨੇ ਆਪਣੇ ਘਰ ਖਰੀਦਣ ਅਤੇ ਉਸ 'ਚ ਸ਼ਿਫਟ ਹੋਣ ਦੇ ਦੌਰਾਨ ਦੀਆਂ ਯਾਦਾਂ ਸ਼ੇਅਰ ਕੀਤੀਆਂ ਹਨ। ਹੁਣ ਆਲੀਆ ਆਪਣੇ ਇਸ ਸੁਪਨਿਆਂ ਦੇ ਘਰ 'ਚ ਸ਼ਿਫਟ ਹੋਣ ਜਾ ਰਹੀ ਹੈ। ਇਸ ਗੱਲ ਦੀ ਜਾਣਕਾਰੀ ਖੁਦ ਆਲੀਆ ਨੇ ਦਿੱਤੀ। ਆਲੀਆ ਨੇ ਯੂਟਿਊਬ 'ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ।
ਵੀਡੀਓ 'ਚ ਆਲੀਆ ਦੱਸ ਰਹੀ ਹੈ ਕਿ ਪਹਿਲੀ ਵਾਰ ਇਕ ਅਜਿਹੇ ਘਰ 'ਚ ਰਹਿਣ ਜਾ ਰਹੀ ਹਾਂ, ਜਿਸ ਨੂੰ ਉਸ ਨੇ ਖੁਦ ਦੀ ਮਿਹਨਤ ਨਾਲ ਖਰੀਦਿਆ ਹੈ। ਉਥੋਂ ਦੀ ਇਕ-ਇਕ ਚੀਜ਼ 'ਤੇ ਆਲੀਆ ਨੇ ਖੁਦ ਕੰਮ ਕੀਤਾ ਹੈ ਪਰ ਆਲੀਆ ਇਕੱਲੇ ਹੀ ਇਸ ਘਰ 'ਚ ਨਹੀਂ ਰਹਿਣ ਵਾਲੀ। ਉਨ੍ਹਾਂ ਦੀ ਭੈਣ ਸ਼ਾਹੀਨ ਵੀ ਉਨ੍ਹਾਂ ਨਾਲ ਹੋਵੇਗੀ। ਹਾਲਾਂਕਿ ਸ਼ਾਹੀਨ ਕੁਝ ਦਿਨ ਆਲੀਆ ਤਾਂ ਕੁਝ ਦਿਨ ਆਪਣੀ ਮਾਂ ਦੇ ਘਰ ਸਵਿਚ ਹੁੰਦੀ ਰਹੇਗੀ।
ਆਲੀਆ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੀ ਭੈਣ ਨੇ ਘਰ ਦੀ ਇੰਟੀਰੀਅਰ 'ਚ ਉਸ ਦੀ ਬਹੁਤ ਮਦਦ ਕੀਤੀ ਹੈ। ਇਕ-ਇਕ ਚੀਜ਼ ਉਨ੍ਹਾਂ ਨੇ ਖੁਦ ਆਨਲਾਈਨ ਆਰਡਰ ਕੀਤੀ ਹੈ। ਆਲੀਆ ਇਸ ਵੀਡੀਓ 'ਚ ਦੱਸਦੀ ਹੈ ਕਿ ਇਸ ਘਰ 'ਤੇ ਪਿਛਲੇ 2 ਸਾਲ ਤੋਂ ਕੰਮ ਕਰ ਰਹੀ ਹੈ।
ਦੱਸ ਦੇਈਏ ਕਿ ਬੀਤੇ ਦਿਨ ਖਬਰ ਆਈ ਸੀ ਕਿ ਆਲੀਆ ਨੇ ਜਿਸ ਘਰ ਦੇ ਲਈ ਕਰੀਬ 13 ਕਰੋੜ ਖਰਚ ਕੀਤੇ ਹਨ। ਉਸ ਦੀ ਅਸਲ ਕੀਮਤ 7.86 ਕਰੋੜ ਰੁਪਏ ਹੈ। ਯਾਨੀ ਕਿ ਆਲੀਆ ਨੇ ਇਸ ਲਈ 6 ਕਰੋੜ ਰੁਪਏ ਜ਼ਿਆਦਾ ਦਿੱਤੇ ਹਨ।
ਇਸ ਨਵੇਂ ਫਲੈਟ ਤੋਂ ਇਲਾਵਾ ਆਲੀਆ ਕੋਲ ਜੁਹੂ 'ਚ ਹੀ ਦੋ ਘਰ ਹੋਰ ਵੀ ਹਨ ਜੋ ਉਨ੍ਹਾਂ ਨੇ ਸਾਲ 2015 'ਚ ਖਰੀਦੇ ਸਨ। ਇਨ੍ਹਾਂ 'ਚੋਂ ਇਕ ਘਰ ਦੀ ਕੀਮਤ 5.16 ਕਰੋੜ ਹੈ, ਉੱਥੇ ਦੂਜੇ ਘਰ ਦੀ ਕੀਮਤ 3.83 ਕਰੋੜ ਰੁਪਏ ਹੈ।