ਮੁੰਬਈ(ਬਿਊਰੋ)- ਇਸ ਤਾਲਾਬੰਦੀ ਵਿਚ ਜਿੱਥੇ ਲੱਗਭਗ ਸਾਰੇ ਦਫਤਰ ਬੰਦ ਹਨ, ਉਥੇ ਹੀ ਇਸ ਵਿਚਕਾਰ ਕੰਗਨਾ ਦੇ ਖੂਬਸੂਰਤ ਦਫਤਰ ਦੀਆਂ ਇਨਸਾਇਡ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਉਨ੍ਹਾਂ ਦੇ ਦਫਤਰ ਦੀਆਂ ਇਨ੍ਹਾਂ ਸ਼ਾਨਦਾਰ ਤਸਵੀਰਾਂ ਨੂੰ ਦੇਖ ਤੁਸੀਂ ਵੀ ਬਿਨਾਂ ਤਾਰੀਫ ਕੀਤੇ ਨਹੀਂ ਰਹਿ ਸਕੋਗੇ। ਕੰਗਨਾ ਦਾ ਇਹ ਦਫਤਰ ਮੁੰਬਈ ਦੇ ਬਾਂਦਰਾ ਸਥਿਤ ਪਾਲੀ ਹਿੱਲ ਵਿਚ ਹੈ। ਕੰਗਨਾ ਦੀ ਟੀਮ ਨੇ ਇਹ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।
ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਟੀਮ ਨੇ ਇਹ ਵੀ ਸਾਫ ਕੀਤਾ ਹੈ ਕਿ ਇਹ ਕੰਗਨਾ ਰਣੌਤ ਦੇ ਪ੍ਰੋਡਕਸ਼ਨ ਹਾਊਸ ‘ਮਣਿਕਰਣਿਕਾ’ ਫਿਲਮਸ ਦਾ ਵਰਕ ਸਪੇਸ ਹੋਵੇਗਾ। ਇਨ੍ਹਾਂ ਤਸਵੀਰਾਂ ਵਿਚ ਦਫਤਰ ਦੇ ਹਰ ਇਕ ਹਿੱਸੇ ਦੀ ਝਲਕ ਦਿਖਾਈ ਗਈ ਹੈ। ਇਸ ਜਗ੍ਹਾ ਨੂੰ ਕੰਗਨਾ ਨੇ ਕੁੱਝ ਸਾਲ ਪਹਿਲਾਂ ਖਰੀਦਿਆ ਸੀ। ਕੰਗਨਾ ਦੇ ਇਸ ਤਿੰਨ ਮੰਜ਼ਲਾਂ ਦਫਤਰ ਵਿਚ ਕਾਫ਼ੀ ਹਰਾ-ਭਰਾ ਅਤੇ ਰੋਸ਼ਨ ਮਾਹੌਲ ਹੈ।
ਦੱਸ ਦੇਈਏ ਕਿ ਕੰਗਨਾ ਇਸ ਸਮੇਂ ਆਪਣੇ ਹੋਮਟਾਊਨ ਮਨਾਲੀ ਵਿਚ ਪਰਿਵਾਰ ਨਾਲ ਹੈ। ਉਹ ਸੋਸ਼ਲ ਮੀਡੀਆ ’ਤੇ ਆਪਣੇ ਘਰ ਤੋਂ ਵਰਕਆਊਟ ਵੀਡੀਓਜ਼ ਅਤੇ ਲੋਕਾਂ ਨੂੰ ਮੈਸੇਜ ਦਿੰਦੀ ਰਹਿੰਦੀ ਹੈ।
