ਮੁੰਬਈ(ਬਿਊਰੋ)— ਕੁਝ ਦਿਨਾਂ ਤੋਂ ਕਪਿਲ ਸ਼ਰਮਾ ਨੂੰ ਲੈ ਕੇ ਖਬਰਾਂ ਆ ਰਹੀਆਂ ਸਨ ਕਿ ਉਨ੍ਹਾਂ ਨੂੰ ਉਨ੍ਹਾਂ ਦੀ ਸਾਬਕਾ ਪ੍ਰੇਮਿਕਾ ਅਤੇ ਮੈਨੇਜਨ ਪ੍ਰਿਤੀ ਸਿਮੋਂਸ ਬਰਬਾਦ ਕਰਨਾ ਚਾਹੁੰਦੀ ਹੈ ਪਰ ਹੁਣ ਪ੍ਰਿਤੀ ਸਿਮੋਂਸ ਦੇ ਸੁਪੋਰਟ 'ਚ ਕਪਿਲ ਦੀ ਮੂੰਹਬੋਲੀ ਭੈਣ ਸੁਗੰਧਾ ਸ਼ਰਮਾ ਆ ਗਈ ਹੈ। ਅਸਲ 'ਚ ਕਪਿਲ ਸ਼ਰਮਾ ਅੱਜਕਲ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਮੁਸ਼ਕਿਲ ਦੌਰ ਤੋਂ ਲੰਘ ਰਹੇ ਹਨ। ਵਿਵਾਦਾਂ 'ਚ ਪਏ ਰਹਿਣ ਕਾਰਨ ਉਹ ਸੁਰਖੀਆਂ 'ਚ ਬਣੇ ਹੋਏ ਹਨ।
ਦੁੱਖ ਦੇ ਇਸ ਸਮੇਂ 'ਚ ਕਪਿਲ ਨੂੰ ਕਈ ਟੀ. ਵੀ. ਸੈਲੇਬਸ ਦਾ ਸੁਪੋਰਟ ਮਿਲਿਆ ਹੈ। ਹੁਣ ਉਨ੍ਹਾਂ ਦੀ ਸਹਿ-ਅਦਾਕਾਰ ਰਹੀ ਸੁਗੰਧਾ ਮਿਸ਼ਰਾ ਨੇ ਕਪਿਲ ਨੂੰ ਲੈ ਕੇ ਬਿਆਨ ਦਿੱਤਾ ਹੈ। ਇਕ ਇੰਟਰਵਿਊ 'ਚ ਸੁਗੰਧਾ ਨੇ ਕਿਹਾ, ''ਮੈਂ ਕਪਿਲ ਨੂੰ 12 ਸਾਲ ਤੋਂ ਜਾਣਦੀ ਹਾਂ। ਉਹ ਕਾਲਜ 'ਚ ਮੇਰੀ ਸੀਨੀਅਰ ਸਨ। ਲੋਕ ਮੈਨੂੰ ਹੁਣ ਵੀ ਕਪਿਲ ਦੇ ਬਾਰੇ 'ਚ ਪੁੱਛਦੇ ਹਨ ਤਾਂ ਮੈਂ ਮਾਣ ਨਾਲ ਕਹਿੰਦੀ ਹਾਂ ਕਿ ਉਹ ਅਜੇ ਵੀ ਬਿਲਕੁੱਲ ਪਹਿਲਾਂ ਵਾਂਗ ਹੀ ਹਨ। ਸਾਰਿਆ ਦੀ ਚਿੰਤਾ ਅਤੇ ਮਦਦ ਕਰਨ ਵਾਲੇ। ਉਹੀ ਮੈਨੂੰ ਮੁੰਬਈ ਲੈ ਕੇ ਆਏ ਸਨ।
ਮੇਰੇ ਮਾਤਾ-ਪਿਤਾ ਨੂੰ ਮੇਰੇ ਮੁੰਬਈ ਆਉਣ ਲਈ ਰਾਜ਼ੀ ਕੀਤਾ ਸੀ ਪਰ ਕਪਿਲ ਹੁਣ ਉਹ ਕਪਿਲ ਨਹੀਂ ਰਹੇ, ਜਿਨ੍ਹਾਂ ਨੂੰ ਮੈਂ ਜਾਣਦੀ ਸੀ। ਅੱਜਕਲ ਉਹ ਜਿਸ ਵੀ ਚੀਜ਼ ਨੂੰ ਚੁਣ ਰਹੇ ਹਨ ਉਹ ਉਨ੍ਹਾਂ ਨੂੰ ਸੁੱਟ ਰਹੀ ਹੈ। ਜਦੋਂ ਅਸੀਂ ਟੀਮ 'ਚ ਸੀ, ਸਭ ਕੁਝ ਸਹੀ ਸੀ। ਅਸੀਂ ਕਦੇ ਕਪਿਲ ਨੂੰ ਗਲਤ ਰਾਹ 'ਤੇ ਨਹੀਂ ਚੱਲਣ ਦਿੱਤਾ ਪਰ ਉਨ੍ਹਾਂ ਦੀ ਹੁਣ ਜੋ ਚੁਆਇਸ ਹੈ, ਉਸ ਦੀ ਵਜ੍ਹਾ ਕਾਰਨ ਸਭ ਕੁਝ ਹੋ ਰਿਹਾ ਹੈ।
ਸ਼ਾਇਦ ਅਚਾਨਕ ਹੀ ਸਟਾਰਡਮ ਅਤੇ ਸਕਸੈੱਸ ਮਿਲਣ ਨਾਲ ਉਨ੍ਹਾਂ ਨੇ ਖੁਦ 'ਤੇ ਕਾਬੂ ਖੋਹ ਦਿੱਤਾ ਹੈ। ਖਾਸ ਤੌਰ 'ਤੇ ਆਪਣੀ ਮੌਜੂਦਾ ਟੀਮ 'ਤੇ।'' ਉਹ ਅੱਗੇ ਕਹਿੰਦੀ ਹੈ ਕਿ ਇਹ ਸਭ ਉਨ੍ਹਾਂ ਦੀ ਫਿਲਮ 'ਫਿਰੰਗੀ' ਦੇ ਸਮੇਂ ਤੋਂ ਸ਼ੁਰੂ ਹੋਇਆ। ਉਸ ਦੌਰਾਨ ਅਸੀਂ ਕਪਿਲ ਦੇ ਵਿਵਹਾਰ 'ਚ ਬਦਲਾਅ ਦੇਖੇ। ਉਨ੍ਹਾਂ ਦਾ ਨਵਾਂ ਗੁੱਟ ਕਪਿਲ ਤੋਂ ਸਾਨੂੰ ਵੱਖਰਾ ਕਰਨਾ ਚਾਹੁੰਦਾ ਸੀ, ਜਿਸ ਕਾਰਨ ਟੀਮ 'ਚ ਵੀ ਬਦਲਾਅ ਹੋਇਆ।''
ਪ੍ਰਿਤੀ ਬਾਰੇ ਸੁਗੰਧਾ ਨੇ ਕਿਹਾ ਕਿ ਕਪਿਲ ਇਕ ਬੱਚੇ ਵਾਂਗ ਹਨ ਅਤੇ ਪ੍ਰਿਤੀ ਨੇ ਕਪਿਲ ਨੂੰ ਹਮੇਸ਼ਾ ਇਕ ਬੱਚੇ ਵਾਂਗ ਹੀ ਸੰਭਾਲਿਆ ਸੀ। ਉਹ ਕਪਿਲ ਨੂੰ ਹੈਂਡਲ ਕਰਨਾ ਬਖੂਬੀ ਜਾਣਦੀ ਹੈ।