ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਦੇ ਕਿੰਗ ਖਾਨ ਯਾਨੀ ਸ਼ਾਹਰੁਖ ਖਾਨ ਦੀ ਬੇਟੀ ਸੁਹਾਨਾ ਖਾਨ ਅੱਜ ਪੂਰੇ 18 ਸਾਲ ਦੀ ਹੋ ਗਈ ਹੈ। ਅਜਿਹੇ 'ਚ ਸੁਹਾਨਾ ਦੇ 18ਵੇਂ ਜਨਮਜਿਨ ਤੋਂ ਠੀਕ ਪਹਿਲਾਂ ਮਾਂ ਗੌਰੀ ਖਾਨ ਨੇ ਸੁਹਾਨਾ ਦੀ ਇਕ ਖੂਬਸੂਰਤ ਤਸਵੀਰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ। ਸੁਹਾਨਾ ਖਾਨ ਦਾ ਜਨਮ 22 ਮਈ 2000 ਨੂੰ ਮੁੰਬਈ 'ਚ ਹੋਇਆ ਸੀ। ਲੱਗਦਾ ਹੈ ਕਿ ਗੌਰੀ ਖਾਨ ਆਪਣੀ ਧੀ ਨੂੰ ਇਕ ਜ਼ਬਰਦਸਤ ਸਰਪ੍ਰਾਈਜ਼ ਦੇਣ ਵਾਲੀ ਹੈ। ਗੌਰੀ ਖਾਨ ਨੇ ਸੁਹਾਨਾ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ 'ਚ ਲਿਖਿਆ, ''Gearing up for a birthday bash... Thanks।'' ਸੂਤਰਾਂ ਦੀ ਮੰਨੀਏ ਤਾਂ ਗੌਰੀ ਖਾਨ ਤੇ ਸ਼ਾਹਰੁਖ ਖਾਨ ਨੇ ਬੇਟੀ ਦਾ 18ਵਾਂ ਜਨਮਦਿਨ ਸੈਲੀਬ੍ਰੇਟ ਕਰਨ ਦੀ ਯੋਜਨਾ ਵੀ ਬਣਾਈ ਹੈ। ਮੈਗਜ਼ੀਨ ਕਵਰ 'ਤੇ ਆਵੇਗੀ ਸੁਹਾਨਾ ਖਾਨ ਐਕਟਿੰਗ ਦਾ ਸ਼ੌਕ ਰੱਖਣ ਵਾਲੀ ਸੁਹਾਨਾ ਜਲਦ ਹੀ ਬਾਲੀਵੁੱਡ ਵੱਲ ਪਹਿਲਾਂ ਕਦਮ ਵਧਾਉਣ ਜਾ ਰਹੀ ਹੈ। ਇਸ ਗੱਲ ਦਾ ਖੁਲਾਸਾ ਖੁਦ ਮਾਂ ਗੌਰੀ ਖਾਨ ਨੇ ਕੁਝ ਮਹੀਨੇ ਪਹਿਲਾਂ ਇਕ ਇਵੈਂਟ 'ਚ ਕੀਤਾ ਸੀ। ਅਸਲ 'ਚ ਗੌਰੀ ਖਾਨ ਤੋਂ ਇਕ ਐਵਾਰਡ ਸ਼ੋਅ 'ਚ ਜਦੋਂ ਉਨ੍ਹਾਂ ਦੀ ਧੀ ਸੁਹਾਨਾ ਬਾਰੇ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਕਿਹਾ ਸੀ ਕਿ, ''ਸੁਹਾਨਾ ਫਿਲਹਾਲ ਇਕ ਮੈਗਜ਼ੀਨ ਦੇ ਫੋਟੋਸ਼ੂਟ ਦੀ ਤਿਆਰੀ 'ਚ ਰੁੱਝੀ ਹੋਈ ਹੈ। ਹਾਲਾਂਕਿ ਉਨ੍ਹਾਂ ਨੇ ਇਸ ਦਾ ਨਾਂ ਰਿਵੀਲ ਨਹੀਂ ਕੀਤਾ ਸੀ। ਦੱਸ ਦੇਈਏ ਕਿ ਇਹ ਸੁਹਾਨਾ ਖਾਨ ਦਾ ਪਹਿਲਾਂ ਫੋਟੋਸ਼ੂਟ ਹੋਵੇਗਾ। ਖਬਰਾਂ ਦੀ ਮੰਨੀਏ ਤਾਂ ਸੁਹਾਨਾ ਜਿਸ ਮੈਗਜ਼ੀਨ ਦੇ ਕਵਰ ਪੇਜ਼ 'ਤੇ ਨਜ਼ਰ ਆਉਣ ਵਾਲੀ ਹੈ, ਉਹ ਅਗਲੇ ਮਹੀਨੇ ਆਵੇਗਾ। ਦੱਸਣਯੋਗ ਹੈ ਕਿ ਸੁਹਾਨਾ ਨੇ ਧੀਰੂਭਾਈ ਅੰਬਾਨੀ ਇੰਟਰਨੈਸ਼ਨਲ ਸਕੂਲ ਤੋਂ ਸਿੱਖਿਆ ਗ੍ਰਹਿਣ ਕੀਤੀ ਹੈ। ਉਸ ਨੇ ਡਾਂਸਿੰਗ ਤੇ ਸਪੋਰਟਸ ਕਾਫੀ ਪਸੰਦ ਹੈ। ਉਹ ਸਕੂਲ ਦੇ ਕਈ ਸਪੋਰਟਸ ਇਵੈਂਟ 'ਚ ਵੀ ਸ਼ਾਮਲ ਹੁੰਦੀ ਰਹਿੰਦੀ ਹੈ। ਸ਼ਾਹਰੁਖ ਚਾਹੁੰਦੇ ਸਨ ਕਿ ਧੀ ਸੁਹਾਨਾ ਚੰਗੀ ਡਾਂਸਰ ਬਣੇ ਤੇ ਉਨ੍ਹਾਂ ਦਾ ਨਾਂ ਰੋਸ਼ਨ ਕਰੇ। ਫਿਲਹਾਲ ਸੁਹਾਨਾ ਲੰਡਨ 'ਚ ਪੜਾਈ ਕਰ ਰਹੀ ਹੈ। ਸੁਹਾਨਾ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਸ ਨੂੰ ਆਪਣੇ ਦੋਸਤਾਂ ਨਾਲ ਕਈ ਵਾਰ ਮਸਤੀ ਕਰਦੇ ਦੇਖਿਆ ਗਿਆ ਹੈ।