ਮੁੰਬਈ (ਬਿਊਰੋ)— ਸ਼ਾਹਰੁਖ ਖਾਨ ਦੀ ਬੇਟੀ ਸੁਹਾਨਾ ਖਾਨ ਅੱਜ ਮੁੰਬਈ 'ਚ ਕਿਸੇ ਸਲੂਨ ਦੇ ਬਾਹਰ ਸਪਾਟ ਕੀਤੀ ਗਈ। ਇਸ ਦੌਰਾਨ ਉਹ ਫੋਟੋਗ੍ਰਾਫਰਾਂ ਤੋਂ ਬੱਚਦੀ ਦਿਖਾਈ ਦਿੱਤੀ।
ਜਦੋਂ ਸੁਹਾਨਾ ਸਲੂਨ ਵੱਲ ਜਾ ਰਹੀ ਸੀ ਤਾਂ ਉਸ ਦੇ ਬਾਡੀਗਾਰਡਸ ਉਸ ਨੂੰ ਫੋਟੋਗ੍ਰਾਫਰਾਂ ਦੇ ਕੈਮਰਿਆਂ ਤੋਂ ਬਚਾਉਂਦੇ ਨਜ਼ਰ ਆਏ।
ਸੁਹਾਨਾ ਇਸ ਦੌਰਾਨ ਨੀਲੇ ਰੰਗ ਦੀ ਜੈਕੇਟ ਤੇ ਪੈਂਟ ਨਾਲ ਲਾਲ ਰੰਗ ਦੇ ਟਾਪ 'ਚ ਦਿਖਾਈ ਦਿੱਤੀ।
ਸੁਹਾਨਾ ਕਾਫੀ ਬਿਜ਼ੀ ਵੀ ਦਿਖੀ। ਉਸ ਦੇ ਹੱਥਾਂ 'ਚ ਕੁਝ ਪੇਪਰ, ਲੈਪਟਾਪ ਤੇ ਇਅਰਫੋਨਜ਼ ਵੀ ਨਜ਼ਰ ਆਏ। ਨਾਲ ਹੀ ਉਸ ਨੇ ਆਪਣਾ ਬੈਗ ਵੀ ਫੜਿਆ ਹੋਇਆ ਸੀ।
ਦੱਸਣਯੋਗ ਹੈ ਕਿ ਇਨ੍ਹੀਂ ਦਿਨੀਂ ਸੁਹਾਨਾ ਗਲੈਮਰ ਵਰਲਡ 'ਚ ਸੁਰਖੀਆਂ 'ਚ ਰਹਿੰਦੀ ਹੈ। ਅਕਸਰ ਉਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ।
ਸੁਹਾਨਾ ਦੇ ਫਿਲਮ ਡੈਬਿਊ ਨੂੰ ਲੈ ਕੇ ਵੀ ਚਰਚਾ ਹੁੰਦੀ ਰਹਿੰਦੀ ਹੈ। ਹਾਲਾਂਕਿ ਅਜੇ ਤਕ ਕੁਝ ਵੀ ਖੁੱਲ੍ਹ ਕੇ ਸਾਹਮਣੇ ਨਹੀਂ ਆਇਆ ਹੈ।
ਸ਼ਾਹਰੁਖ ਤੇ ਗੌਰੀ ਖਾਨ ਦੀ ਬੇਟੀ ਸੁਹਾਨਾ ਇਸੇ ਸਾਲ 22 ਮਈ ਨੂੰ 18 ਸਾਲ ਦੀ ਹੋਈ ਹੈ। ਸੁਹਾਨਾ ਅਕਸਰ ਆਪਣੀਆਂ ਸਹੇਲੀਆਂ ਨਾਲ ਪਾਰਟੀ ਕਰਦੀ ਨਜ਼ਰ ਆਉਂਦੀ ਹੈ। ਦੋਸਤਾਂ ਨਾਲ ਪਾਰਟੀ ਕਰਨ ਦੀਆਂ ਉਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ।