ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸ਼੍ਰੀਦੇਵੀ ਦੀਆਂ ਦੋਹਾਂ ਬੇਟੀਆਂ ਜਾਨਹਵੀ ਅਤੇ ਖੁਸ਼ੀ ਕਪੂਰ ਦੀ ਗਿਣਤੀ ਬੀ-ਟਾਊਨ ਦੀਆਂ ਮੋਸਟ ਪਾਪੁਲਰ ਸਟਾਰ ਡਾਟਰਸ 'ਚ ਹੁੰਦੀ ਹੈ। ਜਾਨਹਵੀ ਫਿਲਮ 'ਧੜਕ' ਨਾਲ ਆਪਣੀ ਬਾਲੀਵੁੱਡ ਪਾਰੀ ਦੀ ਧਮਾਕੇਦਾਰ ਸ਼ੁਰੂਆਤ ਕਰ ਚੁੱਕੀ ਹੈ ਜਦਕਿ ਖੁਸ਼ੀ ਅੱਜਕਲ ਆਪਣੀ ਪੜਾਈ 'ਚ ਰੁੱਝੀ ਹੋਈ ਹੈ।
ਸ਼ਨੀਵਾਰ ਰਾਤ ਸ਼੍ਰੀਦੇਵੀ ਦੀਆਂ ਦੋਹਾਂ ਬੇਟੀਆਂ ਵਿਚਕਾਰ ਮੁਕਾਬਲਾ ਹੋਇਆ, ਜਿਸ 'ਚ ਇਕ ਦੀ ਹਾਰ ਅਤੇ ਦੂਜੀ ਦੀ ਜਿੱਤ ਹੋਈ। ਅਨੁਸ਼ਕਾ ਸ਼ਰਮਾ ਅਤੇ ਵਰੁਣ ਧਵਨ ਦਾ 'ਸੂਈ ਧਾਗਾ' ਚੈਲੇਂਜ ਦੋਹਾਂ ਭੈਣਾਂ ਨੇ ਪੂਰਾ ਕੀਤਾ।
ਮੁਕਾਬਲਾ ਸ਼ੁਰੂ ਹੋਣ ਦੇ ਕੁਝ ਹੀ ਸਮੇਂ 'ਚ ਜਾਨਹਵੀ ਜਿੱਤ ਗਈ ਅਤੇ ਖੁਸ਼ੀ ਹਾਰ ਗਈ। 'ਧੜਕ' ਦੇ ਨਿਰਦੇਸ਼ਕ ਸ਼ਸ਼ਾਂਕ ਖੇਤਾਨ ਨੇ ਜਾਨਹਵੀ ਅਤੇ ਖੁਸ਼ੀ ਕਪੂਰ ਨੂੰ 'ਸੂਈ ਧਾਗਾ ਚੈਲੇਂਜ' ਪੂਰਾ ਕਰਨ ਦੀ ਚੁਣੌਤੀ ਦਿੱਤੀ।
ਦੋਹਾਂ ਨੇ ਇਸ ਨੂੰ ਸਵੀਕਾਰਿਆ ਅਤੇ ਸ਼ਨੀਵਾਰ ਰਾਤ ਇਸ ਦੀ ਇਕ ਵੀਡੀਓ ਜਾਰੀ ਕੀਤੀ, ਜਿਸ ਨੂੰ ਹੁਣ ਤੱਕ 10 ਲੱਖ ਤੋਂ ਜ਼ਿਆਦਾ ਵਾਰ ਦੇਖਿਆ ਜਾ ਚੁੱਕਾ ਹੈ।
ਜਾਨਹਵੀ-ਖੁਸ਼ੀ ਨੇ ਇਸ ਨੂੰ ਅੱਗੇ ਵਧਾਉਂਦੇ ਹੋਏ ਆਉਸ਼ ਸ਼ਰਮਾ ਅਤੇ ਵਰੀਨਾ ਹੁਸੈਨ ਨੂੰ ਇਹ ਚੈਲੇਂਜ ਦਿੱਤਾ, ਜਿਨ੍ਹਾਂ ਦੀ ਡੈਬਿਊ ਫਿਲਮ 'ਲਵਯਾਤਰੀ' ਰਿਲੀਜ਼ ਲਈ ਤਿਆਰ ਹੈ।
ਦੱਸ ਦੇਈਏ ਕਿ ਇਹ ਚੈਲੇਂਜ ਫਿਲਮ ਦੀ ਲੀਡ ਸਟਾਰ ਕਾਸਟ ਵੱਡੇ-ਵੱਡੇ ਸਿਤਾਰਿਆਂ ਨੂੰ ਦੇ ਰਹੀ ਹੈ। ਸ਼ਾਹਰੁਖ ਖਾਨ, ਅਕਸ਼ੇ ਕੁਮਾਰ, ਕਰਨ ਜੌਹਰ, ਰਣਬੀਰ ਕਪੂਰ, ਆਲੀਆ ਭੱਟ ਵੀ ਇਸ ਨੂੰ ਕਰ ਚੁੱਕੇ ਹਨ ਪਰ ਸ਼ਾਹਰੁਖ ਖਾਨ ਨੇ ਜਿਸ ਅੰਦਾਜ਼ 'ਚ ਇਸ ਨੂੰ ਕੀਤਾ, ਉਹ ਤਰੀਕਾ ਬੇਹੱਦ ਮਜ਼ੇਦਾਰ ਹੈ ਸੀ।