ਜਲੰਧਰ (ਬਿਊਰੋ) - ਬੀਰ ਖਾਲਸਾ ਗਰੁੱਪ ਨੇ ਗਤਕੇ 'ਚ ਆਪਣੇ ਜੌਹਰ ਦਿਖਾ ਕੇ ਅਮਰੀਕੀ ਟੀ. ਵੀ. ਦੁਨੀਆ 'ਚ ਤਹਿਲਕਾ ਮਚਾ ਦਿੱਤਾ ਹੈ। ਹੁਣ ਇਹ ਗਰੁੱਪ ਆਪਣੇ ਟੈਲੇਂਟ ਦੇ ਜ਼ਰੀਏ ਸ਼ੋਅ 'ਤੇ ਤੀਜੇ ਰਾਊਂਡ 'ਚ ਪਹੁੰਚ ਚੁੱਕਿਆ ਹੈ। ਹਾਲ ਹੀ 'ਚ ਇਸੇ ਸ਼ੋਅ ਨੂੰ ਲੈ ਕੇ ਪੰਜਾਬੀ ਸੰਗੀਤ ਜਗਤ ਦੇ ਮਸ਼ਹੂਰ ਗਾਇਕ ਸੁਖਸ਼ਿੰਦਰ ਛਿੰਦਾ ਨੇ ਇਕ ਵੀਡੀਓ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਇਸ ਗਰੁੱਪ ਦੇ ਹੱਕ 'ਚ ਵੋਟ ਕਰਨ ਦੀ ਅਪੀਲ ਕਰ ਰਹੇ ਹਨ।
ਦੱਸ ਦਈਏ ਕਿ ਸੁਖਸ਼ਿੰਦਰ ਛਿੰਦਾ ਦਾ ਕਹਿਣਾ ਹੈ ਕਿ ''ਬਹੁਤ ਮਾਣ ਵਾਲੀ ਗੱਲ ਸ਼ੇਅਰ ਕਰ ਰਿਹਾ ਹਾਂ ਅਤੇ ਤੁਹਾਡੇ ਸਾਰਿਆਂ ਨਾਲ ਬੀਰ ਖਾਲਸਾ ਗਰੁੱਪ ਵਾਲਿਆਂ ਨੇ ਅਮਰੀਕਾ 'ਚ ਜਾ ਕੇ ਪੰਜਾਬੀਆਂ ਦਾ ਨਾਂ ਰੌਸ਼ਨ ਕੀਤਾ, ਜੋ ਕਿ ਅਮਰੀਕਾ ਦੇ ਇਕ ਚੈਨਲ ਦਾ ਸ਼ੋਅ ਹੈ। ਅਮਰੀਕਾ ਗੌਟ ਟੈਲੇਂਟ”ਦੇ ਤੀਜੇ ਰਾਊਂਡ 'ਚ ਪਹੁੰਚ ਗਏ ਹਨ। ਉਸ ਦੇ ਸਾਰੇ ਫੈਨਜ਼ ਨੂੰ ਰਿਕਵੈਸਟ ਹੈ ਕਿ ਵੋਟਿੰਗ ਕਰਕੇ ਹੋਰ ਸਮਰਥਨ ਕਰੋ।'' ਹਾਲਾਂਕਿ ਹੁਣ ਇਹ ਦੇਖਣਾ ਕਾਫੀ ਦਿਲਚਸਪ ਹੋਵੇਗਾ ਕਿ ਤੀਜੇ ਰਾਊਂਡ 'ਚੋਂ ਬੀਰ ਖਾਲਸਾ ਗਰੁੱਪ ਜਿੱਤਣ 'ਚ ਕਾਮਯਾਬ ਹੁੰਦਾ ਹੈ ਜਾਂ ਨਹੀਂ।