ਮੁੰਬਈ(ਬਿਊਰੋ)— 'ਵੀਰੇ ਦੀ ਵੈਡਿੰਗ' 'ਚ ਕਰੀਨਾ ਕਪੂਰ ਖਾਨ ਦੇ ਪ੍ਰੇਮੀ ਦਾ ਕਿਰਦਾਰ ਨਿਭਾਉਣ ਵਾਲੇ ਐਕਟਰ ਤੇ ਡਿਜ਼ੀਟਲ ਸ਼ੋਅ ਦੇ ਸੁਮਿਤ ਵਿਆਸ, ਟੀ. ਵੀ. ਅਦਾਕਾਰਾ ਏਕਤਾ ਕੌਲ ਨਾਲ ਵਿਆਹ ਦੇ ਬੰਧਨ 'ਚ ਬੱਝ ਗਏ ਹਨ। ਵਿਆਹ ਦੀਆਂ ਸਾਰੀਆਂ ਰਸਮਾਂ ਜੰਮੂ 'ਚ ਹੋਈਆਂ ਕਿਉਂਕਿ ਏਕਤਾ ਦਾ ਘਰ ਇਥੇ ਹੀ ਹੈ।
ਸੁਮਿਤ ਤੇ ਏਕਤਾ ਨੇ ਪਰਿਵਾਰ ਤੇ ਕੁਝ ਕਰੀਬੀ ਦੋਸਤਾਂ ਨੂੰ ਬੁਲਾਇਆ ਸੀ, ਇਨ੍ਹਾਂ ਦੀ ਮੌਜੂਦਗੀ 'ਚ ਹੀ ਦੋਵਾਂ ਨੇ 7 ਫੇਰੇ ਲਏ ਸਨ।
ਸੁਮਿਤ ਨੇ ਕਰੀਮ ਕਲਰ ਦੀ ਸ਼ੇਰਵਾਨੀ ਪਾਈ ਸੀ, ਜਿਸ 'ਚ ਬੇਹੱਦ ਸ਼ਾਨਦਾਰ ਲੱਗ ਰਹੇ ਸਨ। ਇਸ ਦੌਰਾਨ ਸੁਮਿਤ ਨੇ ਆਪਣੇ ਦੋਸਤਾਂ ਨਾਲ ਕਾਫੀ ਤਸਵੀਰਾਂ ਕਲਿੱਕ ਕਰਵਾਈਆਂ।
ਉਨ੍ਹਾਂ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ।
ਦੱਸ ਦੇਈਏ ਕਿ ਸੁਮਿਤ ਨੇ ਪਹਿਲਾਂ ਵਿਆਹ ਸ਼ਿਵਾਨੀ ਟੰਕਸਲੇ ਨਾਲ ਕਰਵਾਇਆ ਸੀ। ਹਾਲਾਂਕਿ ਸਾਲ 2017 'ਚ ਇਸ ਕਪੱਲ ਦਾ ਤਲਾਕ ਹੋ ਗਿਆ ਸੀ।
ਇਸ ਤੋਂ ਬਾਅਦ ਸੁਮਿਤ ਦੇ ਜੀਵਨ 'ਚ ਏਕਤਾ ਆਈ। ਸੁਮਿਤ ਤੇ ਏਕਤਾ ਦੇ ਵਿਆਹ ਦਾ ਕਾਰਡ ਵੀ ਅਨੋਖਾ ਹੈ, ਜੋ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਸੰਗੀਤ ਸੈਰੇਮਨੀ ਦੌਰਾਨ ਹੀ ਸੁਮਿਤ ਤੇ ਏਕਤਾ ਨੇ ਫੋਟੋਸ਼ੂਟ ਕਰਵਾਇਆ ਸੀ, ਜਿਸ 'ਚ ਦੋਵਾਂ ਦੀ ਜ਼ਬਰਦਸਤ ਕੈਮਿਸਟਰੀ ਦੇਖਣ ਨੂੰ ਮਿਲ ਰਹੀ ਹੈ।