ਨਵੀਂ ਦਿੱਲੀ(ਬਿਊਰੋ)— ਮਸ਼ਹੂਰ ਕਾਮੇਡੀਅਨ ਕਪਿਲ ਸ਼ਰਮਾ ਦੀ ਆਨਸਕ੍ਰੀਨ ਪਤਨੀ ਦੇ ਰੂਪ 'ਚ ਮਸ਼ਹੂਰ ਪਛਾਣੀ ਜਾਣ ਵਾਲੀ ਅਦਾਕਾਰਾ ਸੁਮੋਨਾ ਚੱਕਰਵਰਤੀ ਉਸ ਸਮੇਂ ਚਰਚਾ 'ਚ ਆ ਗਈ, ਜਦੋਂ ਉਸ ਨੇ ਇਕ ਵੈਕਸਿੰਗ ਸਰਵਿਸ ਖਿਲਾਫ ਸ਼ਿਕਾਇਤੀ ਚਿੱਠੀ ਲਿਖ ਕੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ। ਦਰਅਸਲ, ਸੁਮੋਨਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਖਰਾਬ ਵੈਕਸਿੰਗ ਨਾਲ ਹੋਏ ਸਾਈਡ ਇਫੈਕਟ ਦੀਆਂ ਤਸਵੀਰਾਂ ਪੋਸਟ ਕੀਤੀਆਂ ਅਤੇ ਨਾਲ ਹੀ ਇਕ ਚਿੱਠੀ ਲਿਖੀ। ਉਸ ਨੇ ਲਿਖਿਆ, ''ਜਦੋਂ ਮੈਨੂੰ ਮੇਰੇ ਰੈਗੂਲਰ ਸੈਲੂਨ ਤੋਂ ਅਪੌਂਇੰਟਮੈਂਟ ਨਾ ਮਿਲੀ ਤਾਂ ਮੈਂ ਐਂਮਰਜੈਂਸੀ 'ਚ ਕਿਸੇ ਹੋਰ ਸੈਲੂਨ 'ਚ ਵੈਕਸਿੰਗ ਕਰਵਾ ਲਈ। ਉਸ ਦੀ ਨਕਾਰਾ ਤੇ ਘਟੀਆ ਸਰਵਿਸ ਨਾਲ ਮੇਰੀ ਸਕਿਨ 'ਤੇ ਨਿਸ਼ਾਨ ਪੈ ਗਏ।'' ਸੁਮੋਨਾ ਨੇ ਦੱਸਿਆ ਕਿ ਉਸ ਨੇ ਅਰਬਨ ਕਲੈਪ ਦੀਆਂ ਸੇਵਾਵਾਂ ਦੋ ਦਿਨ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਹੁਣ ਮੈਂ ਕਦੇ ਉਸ ਕੋਲ ਦੋਬਾਰਾ ਨਹੀਂ ਜਾਵਾਂਗੀ। ਇਸ ਪੋਸਟ ਨੂੰ ਦੇਖਣ ਤੋਂ ਬਾਅਦ ਕਈ ਲੋਕਾਂ ਨੇ ਸੁਮੋਨਾ ਨੂੰ ਟਰੋਲ ਕਰਨ ਦੀ ਵੀ ਕੋਸ਼ਿਸ਼ ਕੀਤੀ।