ਮੁੰਬਈ(ਬਿਊਰੋ)— ਸਟਾਰ ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਉਸ ਦੀ ਪ੍ਰੇਮਿਕਾ ਸਰਲਾ ਦਾ ਕਿਰਦਾਰ ਨਿਭਾਉਣ ਵਾਲੀ ਕਿਊਟ ਗਰਲ ਸੁਮੋਨਾ ਚੱਕਰਵਰਤੀ ਅੱਜਕੱਲ ਕਲਰਸ ਟੀ. ਵੀ. ਦੇ ਡਿਟੇਕਟਿਵ ਸ਼ੋਅ 'ਦੇਵ' 'ਚ ਆਪਣੀ ਅਦਾਕਾਰੀ ਦਾ ਜਲਵਾ ਦਿਖਾਉਂਦੀ ਨਜ਼ਰ ਆ ਰਹੀ ਹੈ ਪਰ ਹੁਣ ਅਜਿਹੀ ਹੈਰਾਨੀਜਨਕ ਖਬਰ ਸਾਹਮਣੇ ਆ ਰਹੀ ਹੈ ਕਿ, ਜਿਸ ਨਾਲ ਉਸ ਦੇ ਚਾਹੁੰਣ ਵਾਲਿਆਂ ਨੂੰ ਇੱਕ ਝਟਕਾ ਲੱਗ ਸਕਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੈੱਟ 'ਤੇ ਰਿਪੋਰਟ ਕਰਦੇ ਹੋਏ ਉਹ ਅਚਾਨਕ ਬੇਹੋਸ਼ ਹੋ ਗਈ।
ਸੂਤਰਾਂ ਮੁਤਾਬਕ ਸ਼ੋਅ ਦੀ ਲਗਾਤਾਰ ਸ਼ੂਟਿੰਗ ਕਾਰਨ ਸੁਮੋਨਾ ਦੀ ਸਿਹਤ ਖਰਾਬ ਹੋ ਗਈ ਤੇ ਉਸ ਨੂੰ ਹਸਪਤਾਲ 'ਚ ਭਰਤੀ ਕਰਵਾਉਣਾ ਪਿਆ। ਸ਼ੋਅ 'ਚ ਸੁਮੋਨਾ ਦੇ ਸਹਿ-ਕਲਾਕਾਰ ਆਸ਼ੀਸ਼ ਚੌਧਰੀ ਨੇ ਆਪਣੇ ਇਕ ਬਿਆਨ 'ਚ ਦੱਸਿਆ ਕਿ, ''ਸੁਮੋਨਾ ਦੀ ਸਿਹਤ ਪਿਛਲੇ ਕੁਝ ਸਮੇਂ ਤੋਂ ਠੀਕ ਨਹੀਂ ਚੱਲ ਰਹੀ ਸੀ।'' ਦੱਸ ਦੇਈਏ ਕਿ ਸੁਮੋਨਾ ਹੁਣ ਹਸਪਤਾਲ ਤੋਂ ਬਾਹਰ ਆ ਗਈ ਹੈ ਤੇ ਘਰ 'ਚ ਆਰਾਮ ਕਰ ਰਹੀ ਹੈ।