ਜਲੰਧਰ (ਬਿਊਰੋ) — ਵੱਖ-ਵੱਖ ਗੀਤਾਂ ਨਾਲ ਲੋਕਾਂ ਦਾ ਦਿਲ ਟੁੰਬਣ ਵਾਲੀ ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਦਾ ਜਨਮਦਿਨ ਗੂਗਲ ਨੇ ਗਲਤ ਅਪਡੇਟ ਕੀਤਾ। ਜੀ ਹਾਂ, ਗੂਗਲ 'ਤੇ ਸੁਨੰਦਾ ਸ਼ਰਮਾ ਦੀ ਜਨਮ ਤਰੀਕ 10 ਨਵੰਬਰ 1860 ਅਪਡੇਟ ਕੀਤੀ ਗਈ ਹੈ, ਜਿਸ ਮੁਤਾਬਕ ਸੁਨੰਦਾ 158 ਸਾਲ ਦੀ ਹੋ ਗਈ ਹੈ।
ਦੱਸ ਦੇਈਏ ਕਿ ਕੁਝ ਦਿਨ ਪਹਿਲਾਂ ਹੀ ਗੂਗਲ ਨੇ ਪੰਜਾਬੀ ਮਸ਼ਹੂਰ ਗਾਇਕ ਸੁੱਖੀ ਦੇ ਬਰਥਡੇ ਦੀ ਗਲਤ ਤਰੀਕ ਅਪਡੇਟ ਕੀਤੀ ਸੀ, ਜਿਸ ਦਾ ਖੁਲਾਸਾ ਸੁੱਖੀ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਕੀਤਾ ਸੀ। ਗੂਗਲ ਨੇ ਸੁੱਖੀ ਦਾ ਜਨਮਦਿਨ 18 ਫਰਵਰੀ 1990 ਅਪਡੇਟ ਕੀਤਾ ਸੀ। ਹਾਲਾਂਕਿ ਸੁੱਖੀ ਦੀ ਡੇਟ ਆਫ ਬਰਥ 13 ਸਤੰਬਰ ਹੈ।