ਮੁੰਬਈ (ਬਿਊਰੋ) — ਦਿਓਲ ਪਰਿਵਾਰ ਦੇ ਮਰਦਾਂ ਦੀਆਂ ਤਸਵੀਰਾਂ ਅਕਸਰ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ ਪਰ ਇਸ ਪਰਿਵਾਰ ਦੀਆਂ ਔਰਤਾਂ ਕੈਮਰੇ ਤੋਂ ਦੂਰ ਹੀ ਰਹਿੰਦੀਆਂ ਹਨ। ਇਨ੍ਹਾਂ ਔਰਤਾਂ 'ਚ ਸੰਨੀ ਦਿਓਲ ਦੀ ਮਾਂ ਤੇ ਭੈਣਾਂ ਸ਼ਾਮਲ ਹਨ ਪਰ ਹੁਣ ਸੰਨੀ ਦਿਓਲ ਦੀ ਆਪਣੀ ਮਾਂ ਨਾਲ ਅਜਿਹੀ ਤਸਵੀਰ ਸਾਹਮਣੇ ਆਈ ਹੈ, ਜਿਹੜੀ ਬਹੁਤ ਘੱਟ ਲੋਕਾਂ ਨੇ ਦੇਖੀ ਹੋਵੇਗੀ। ਇਹ ਤਸਵੀਰ ਪ੍ਰਕਾਸ਼ ਕੌਰ ਦੀ ਹੈ ਯਾਨੀ ਸੰਨੀ ਤੇ ਬੋਬੀ ਦਿਓਲ ਦੀ ਮਾਂ ਦੀ। ਸੰਨੀ ਦਿਓਲ ਤੇ ਉਨ੍ਹਾਂ ਦੀ ਮਾਂ ਦੀ ਇਹ ਤਸਵੀਰ ਬਹੁਤ ਹੀ ਭਾਵੁਕ ਹੈ। ਇਸ ਤਸਵੀਰ ਨੂੰ ਸੰਨੀ ਨੇ ਇਕ ਕੈਪਸ਼ਨ ਵੀ ਦਿੱਤਾ ਹੈ, ਜਿਸ 'ਚ ਉਨ੍ਹਾਂ ਨੇ ਲਿਖਿਆ ਹੈ, ''ਮੇਰੀ ਮਾਂ ਹੀ ਮੇਰੀ ਦੁਨੀਆ ਹੈ। ਇਹ ਪਹਿਲਾ ਮੌਕਾ ਹੈ ਜਦੋਂ ਧਰਮਿੰਦਰ ਦੀ ਪਤਨੀ ਪ੍ਰਕਾਸ਼ ਕੌਰ ਇਸ ਤਰ੍ਹਾਂ ਕੈਮਰੇ ਸਾਹਮਣੇ ਆਈ ਹੋਵੇ ਕਿਉਂਕਿ ਦਿਓਲ ਪਰਿਵਾਰ ਦੀਆਂ ਔਰਤਾਂ ਅਕਸਰ ਲਾਈਮਲਾਈਟ ਤੋਂ ਦੂਰ ਰਹਿੰਦੀਆਂ ਹਨ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਸੰਨੀ ਨੇ 2017 'ਚ 31 ਦਸੰਬਰ ਦੀ ਰਾਤ ਆਪਣੇ ਪਰਿਵਾਰ ਦੀ ਤਸਵੀਰ ਸ਼ੇਅਰ ਕਰਕੇ ਲੋਕਾਂ ਨੂੰ ਆਉਣ ਵਾਲੇ ਸਾਲ ਦੀ ਵਧਾਈ ਦਿੱਤੀ ਸੀ। ਇਸ ਤਸਵੀਰ 'ਚ ਧਰਮਿੰਦਰ, ਬੋਬੀ, ਸੰਨੀ ਤੇ ਪ੍ਰਕਾਸ਼ ਕੌਰ ਦਿਖਾਈ ਦਿੱਤੇ ਸਨ।