ਮੁੰਬਈ (ਬਿਊਰੋ) : ਫਿਲਮ ਇੰਡਸਟਰੀ ਦੀ ਖੂਬਸੂਰਤ ਅਦਾਕਾਰਾ ਸੰਨੀ ਲਿਓਨ ਦਾ ਕਹਿਣਾ ਹੈ ਕਿ ਐਕਟਰ ਤੇ ਐਕਟਰੈੱਸ ਸਭ ਤੋਂ ਮਾੜੇ ਦੋਸਤ ਹੁੰਦੇ ਹਨ ਕਿਉਂਕਿ ਉਹ ਕਦੇ ਵੀ ਆਪਣੇ ਦੋਸਤਾਂ ਲਈ ਮੌਜੂਦ ਨਹੀਂ ਹੁੰਦੇ। ਹਾਲ ਹੀ 'ਚ ਸੰਨੀ ਲਿਓਨ ਨੇ ਆਪਣੇ ਇਕ ਬਿਆਨ ਮੁਤਾਬਕ, ਸੰਨੀ ਲਿਓਨ ਨੇ ਜੂਮ ਸਟਾਈਲਡ ਬਾਏ ਮਿੰਤਰਾ 'ਤੇ 'ਬਾਈ ਇੰਨਵਾਈਟ ਓਨਲੀ' ਦੇ ਇਕ ਐਪੀਸੋਡ 'ਚ ਆਖੀ।
ਇਹ ਐਪੀਸੋਡ ਸ਼ਨੀਵਾਰ ਨੂੰ ਆਨਏਅਰ ਹੋਵੇਗਾ। ਫਿਲਮ ਇੰਡਸਟਰੀ 'ਚ ਮਿਲੀ ਪ੍ਰਸ਼ੰਸਾ 'ਤੇ ਸੰਨੀ ਨੇ ਕਿਹਾ,“ਇੰਡਸਟਰੀ ਤੋਂ ਤਾਰੀਫਾਂ ਮਿਲਣ 'ਤੇ ਮੈਂ ਵਧੇਰੇ ਉਮੀਦਾਂ ਨਹੀਂ ਰੱਖਦੀ। ਇਸ ਲਈ ਮੈਂ ਕਦੇ ਉਦਾਸ ਨਹੀਂ ਹੁੰਦੀ ਹਾਂ।'' ਇਸ ਤੋਂ ਇਲਾਵਾ ਸੰਨੀ ਲਿਓਨ ਨੇ ਕਿਹਾ, ''ਮੈਨੂੰ ਵਾਰ-ਵਾਰ ਟਰੋਲ ਕੀਤਾ ਗਿਆ ਪਰ ਮੈਂ ਆਪਣੇ ਬੱਚਿਆਂ ਨੂੰ ਲੈ ਕੇ ਟਰੋਲ ਨਹੀਂ ਹੋਣਾ ਚਾਹੁੰਦੀ।''
ਦੱਸ ਦਈਏ ਕਿ ਸੰਨੀ ਲਿਓਨ ਨੇ ਇਹ ਵੀ ਕਿਹਾ, ''ਮੈਨੂੰ ਪ੍ਰਵਾਹ ਨਹੀਂ ਕਿ ਲੋਕ ਮੇਰੇ ਬਾਰੇ ਕੀ ਕਹਿੰਦੇ ਹਨ ਪਰ ਮੈਂ ਨਹੀਂ ਚਾਹੁੰਦੀ ਕਿ ਲੋਕ ਮੇਰੇ ਬੱਚਿਆਂ ਬਾਰੇ ਬੁਰੀਆਂ ਗੱਲਾਂ ਆਖਣ।''
ਦੱਸਣਯੋਗ ਹੈ ਕਿ ਸੰਨੀ ਲਿਓਨ ਤਿੰਨ ਬੱਚਿਆਂ ਦੀ ਮਾਂ ਹੈ। ਸਭ ਤੋਂ ਪਹਿਲਾਂ ਸੰਨੀ ਲਿਓਨ ਨੇ ਨਿਸ਼ਾ ਕੌਰ ਨੂੰ ਗੋਦ ਲਿਆ ਸੀ। ਇਸ ਤੋਂ ਕੁਝ ਦੇਰ ਬਾਅਦ ਉਹ ਸਰੋਗੇਸੀ ਦੀ ਮਦਦ ਨਾਲ ਜੁੜਵਾਂ ਬੱਚਿਆਂ ਦੀ ਮਾਂ ਬਣੀ। ਸੰਨੀ ਲਿਓਨ ਦੀ ਇਕ ਧੀ ਤੇ ਦੋ ਬੇਟੇ ਹਨ। ਸੰਨੀ ਲਿਓਨ ਅਕਸਰ ਹੀ ਬੱਚਿਆਂ ਨਾਲ ਨਜ਼ਰ ਆਉਂਦੀ ਹੈ।