ਮੁੰਬਈ (ਬਿਊਰੋ) - ਬਾਲੀਵੁੱਡ ਅਦਾਕਾਰਾ ਸੰਨੀ ਲਿਓਨ ਆਏ ਦਿਨ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ 'ਚ ਛਾਈ ਰਹਿੰਦੀ ਹੈ। ਐਡਲਟ ਇੰਡਸਟਰੀ ਤੋਂ ਬਾਲੀਵੁੱਡ 'ਚ ਖਾਸ ਪਛਾਣ ਬਣਾਉਣ 'ਚ ਉਸ ਨੂੰ ਕਾਫੀ ਸਮਾਂ ਲੱਗਾ ਹੈ। ਬਾਲੀਵੁੱਡ ਨਾਲ ਜੁੜੇ ਉਸ ਨੂੰ ਕਰੀਬ 7 ਸਾਲ ਹੋ ਚੁੱਕੇ ਹਨ। ਅਜਿਹੇ 'ਚ ਸੰਨੀ ਲਿਓਨ ਤੋਂ ਉਸ ਦੇ ਅਤੀਤ ਨੂੰ ਲੈ ਕੇ ਮੀਡੀਆ 'ਚ ਕਈ ਸਵਾਲ ਪੁੱਛੇ ਜਾਂਦੇ ਹਨ।
ਇਸ ਵਾਰ ਉਸ ਤੋਂ ਦੋਸਤਾਂ ਨਾਲ ਜ਼ਿਆਦਾ ਪਾਰਟੀ ਨਾ ਕਰਨ ਨੂੰ ਲੈ ਕੇ ਸਵਾਲ ਕੀਤਾ ਗਿਆ ਅਤੇ ਨਾਲ ਹੀ ਉਸ ਤੋਂ ਪੁੱਛਿਆ ਗਿਆ ਕਿ ਹੁਣ ਤੁਸੀਂ ਅਕਸਰ ਲੋਕਾਂ ਨਾਲ ਗੱਲਾਂ ਕਰਦੇ ਹੋ ਪਰ ਤੁਹਾਨੂੰ ਕੀ ਲੱਗਦਾ ਹੈ ਕਿ ਲੋਕ ਹਾਲੇ ਵੀ ਤੁਹਾਨੂੰ ਤੁਹਾਡੇ ਅਤੀਤ ਨਾਲ ਹੀ ਜੱਜ ਕਰਦੇ ਹਨ ਅਤੇ ਕੀ ਤੁਸੀਂ ਅੱਜ ਵੀ ਇਸ ਦੇ ਲਈ ਸ਼ਰਮਿੰਦਾ ਹੁੰਦੇ ਹੋ?
ਇਸ ਗੱਲ ਦਾ ਜਵਾਬ ਦਿੰਦੇ ਹੋਏ ਸੰਨੀ ਲਿਓਨ ਨੇ ਕਿਹਾ ਕਿ, ''ਮੈਂ ਆਪਣੇ ਦੋਸਤਾਂ ਦਾ ਖੁਦ ਇਕ ਦਾਇਰਾ ਬਣਾ ਕੇ ਰੱਖਿਆ ਹੈ। ਮੈਂ ਅਸਲ 'ਚ ਜ਼ਿਆਦਾ ਬਾਹਰ ਨਹੀਂ ਜਾਂਦੀ ਅਤੇ ਨਾ ਹੀ ਮੈਂ ਪਾਰਟੀ ਕਰਦੀ ਹਾਂ। ਇਸ ਲਈ ਮੇਰੀ ਜ਼ਿੰਦਗੀ 'ਚ ਦੋਸਤਾਂ ਦੀ ਗਿਣਤੀ ਵੀ ਬੇਹੱਦ ਸੀਮਿਤ ਹੈ। ਮੈਨੂੰ ਨਹੀਂ ਪਤਾ ਕਿ ਮੇਰੇ ਅਤੀਤ ਨੂੰ ਲੈ ਕੇ ਲੋਕ ਹਾਲੇ ਵੀ ਮੈਨੂੰ ਜੱਜ ਕਰਦੇ ਹਨ ਜਾਂ ਨਹੀਂ ਪਰ ਮੈਂ ਪਹਿਲਾ ਵੀ ਖੁਸ਼ ਸੀ ਤੇ ਹੁਣ ਵੀ ਬਹੁਤ ਖੁਸ਼ ਹਾਂ।''
ਦੱਸਣਯੋਗ ਹੈ ਕਿ ਸੰਨੀ ਲਿਓਨ ਜਲਦ ਹੀ ਸਾਊਥ ਦੀਆਂ ਫਿਲਮਾਂ 'ਚ ਡੈਬਿਊ ਕਰਨ ਵਾਲੀ ਹੈ। ਇਸ ਫਿਲਮ ਦਾ ਨਾਂ 'ਵੀਰਾਮਦੇਵੀ' ਹੈ। ਇਹ ਇਕ ਇਤਿਹਾਸਿਕ ਪੀਰੀਅਡ ਡਰਾਮਾ ਫਿਲਮ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਸ ਫਿਲਮ ਦਾ ਬਜਟ 100 ਕਰੋੜ ਹੈ। ਇਸ ਫ੍ਰਿਮ 'ਚ ਨਵਦੀਪ, ਸ਼੍ਰੀਨਾਥ, ਨਾਸਰ ਵਰਗੇ ਸਿਤਾਰੇ ਨਜ਼ਰ ਆਉਣਗੇ। ਹਿੰਦੀ ਫਿਲਮਾਂ ਦੀ ਗੱਲ ਕਰੀਏ ਤਾਂ 'ਜਿਸਮ 2' ਤੋਂ ਇਲਾਵਾ ਸੰਨੀ ਲਿਓਨ 'ਰਾਗਿਨੀ ਐੱਮ. ਐੱਮ. ਐੱਸ. 2', 'ਵਨ ਨਾਈਟ ਸਟੈਂਡ', 'ਏਕ ਪਹੇਲੀ ਲੀਲਾ' ਤੇ 'ਕੁਝ ਕੁਝ ਲੋਚਾ ਹੈ' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆ ਚੁੱਕੀ ਹੈ। ਦੱਸ ਦਈਏ ਕਿ ਸੰਨੀ ਤਿੰਨ ਬੱਚਿਆਂ ਦੀ ਮਾਂ ਹੈ। ਸੰਨੀ ਲਿਓਨ ਨੇ ਇਕ ਬੱਚੀ ਨੂੰ ਗੋਦ ਲਿਆ ਤੇ ਦੋ ਬੱਚੇ ਉਸ ਨੂੰ ਸਰੋਗੇਸੀ ਨਾਲ ਹੋਏ।