ਮੁੰਬਈ— ਬਾਲੀਵੁੱਡ ਅਦਾਕਾਰਾ ਸੰਨੀ ਲਿਓਨ ਨੇ ਕੁਝ ਮਹੀਨੇ ਪਹਿਲਾ ਹੀ ਬੇਟੀ ਨਿਸ਼ਾ ਕੌਰ ਨੂੰ ਗੋਦ ਲਿਆ ਸੀ। ਹੁਣ ਸੰਨੀ ਜਿਥੇ ਵੀ ਜਾਂਦੀ ਹੈ ਬੇਟੀ ਉਸ ਦੇ ਨਾਲ ਹੀ ਨਜ਼ਰ ਆਉਂਦੀ ਹੈ। ਕੱਲ੍ਹ ਮੁੰਬਈ ਏਅਰਪੋਰਟ 'ਤੇ ਸੰਨੀ ਲਿਓਨ ਤੇ ਉਸ ਦਾ ਪਤੀ ਡੇਨੀਅਲ ਵੈੱਬਰ ਵੀ ਨਜ਼ਰ ਆਏ। ਇਸ ਦੌਰਾਨ ਸੰਨੀ ਦੇ ਪਤੀ ਨੇ ਬੇਟੀ ਨੂੰ ਗੋਦ 'ਚ ਚੁੱਕਿਆ ਹੋਇਆ ਸੀ।
ਪਿਤਾ ਡੇਨੀਅਲ ਦੀ ਗੋਦ 'ਚ ਕਾਫੀ ਖੁਸ਼ ਨਜ਼ਰ ਆ ਰਹੀ ਸੀ। ਇਸ ਦੌਰਾਨ ਜਦੋਂ ਨਿਸ਼ਾ ਕੈਮਰੇ ਤੋਂ ਡਰਦੀ ਨਜ਼ਰ ਆਈ ਤਾਂ ਡੇਨੀਅਲ ਨੇ ਉਸ ਦਾ ਚਿਹਰਾ ਲੁੱਕਾ ਲਿਆ।
ਸੰਨੀ ਲਿਓਨ ਵੀ ਕੈਮਰੇ ਤੋਂ ਧੀ ਨੂੰ ਬਚਾਉਂਦੀ ਨਜ਼ਰ ਆਈ।
ਦੱਸਣਯੋਗ ਹੈ ਕਿ ਨਿਸ਼ਾ ਕਰੀਬ ਦੋ ਸਾਲ ਦੀ ਹੈ। ਇਸ ਸਾਲ ਜੁਲਾਈ 'ਚ ਸੰਨੀ ਲਿਓਨ ਨੇ ਨਿਸ਼ਾ ਨੂੰ ਗੋਦ ਲਿਆ। ਨਿਸ਼ਾ ਮਹਾਰਾਸ਼ਟਰ ਦੇ ਲਾਤੁਰ ਜ਼ਿਲੇ ਦੀ ਰਹਿਣ ਵਾਲੀ ਹੈ।
ਇਹ ਤਸਵੀਰਾਂ ਉਸ ਸਮੇਂ ਮੁੰਬਈ ਏਅਰਪੋਰਟ 'ਤੇ ਕਲਿਕ ਕੀਤੀਆਂ ਗਈਆਂ, ਜਦੋਂ ਸੰਨੀ ਲਿਓਨ ਆਪਣੇ ਪਤੀ ਨਾਲ ਦਿੱਲੀ ਤੋਂ ਵਾਪਸ ਆਈ।
ਸੰਨੀ ਆਪਣੀ ਆਉਣ ਵਾਲੀ ਫਿਲਮ 'ਤੇਰਾ ਇੰਤਜ਼ਾਰ' ਦੇ ਪਹਿਲੇ ਲੁੱਕ ਲਾਂਚ ਲਈ ਇਕ ਦਿਨ ਪਹਿਲਾ ਦਿੱਲੀ ਪਹੁੰਚੀ ਸੀ, ਜਿਥੇ ਉਸ ਨਾਲ ਬੇਟੀ ਵੀ ਗਈ ਸੀ।